*💓أحمدي💓*
بقولوا الحب جنون صااح؟ م في واحد حيفهم المقوله دي الا لما يسمع قلبو هو عايز شنوو...
قلت لنور لاا مستحييل انا بقيت م بثق في زول خالص يااخ سامر انا وهو كنا اربعه سنوات مع بعض وكسسىرني في اكتر من كدا يعني؟؟ قالت لي اي حاجه صعبة وانا متفهمة وضعك بس م معناها تدفني نفسك بالحياة وم تحبي الخساارة م معناها النهايه بالعكس دي بدايه لحياة احسسن عشان تقدري تثقي من جديد كلنا خسسرنا قبل كدا بس في النهايه كسبنا لانو بالجد نيتنا كانت صادقه ومشاعرنا كمان والله م بخيب زول لجأ ليهو💜قلت ليها كلامك طمني ي نوور بس انا كمان عايشه حياتي شووفي م دافنه نفسي بالحياه زي م بتقولي لسسه بتنفس وبأكل وبشرب وطالعه ونازله.. عاينت لي مساافه وابتسمت وقالت لي ملك في جزء من حياتك نااقص لازم تعرفيهو.. وبعدها مشت خلتني.. بقيت واقفه براي بفكر في كلامها انو بالجد صاح وانو هي بتحاول تساعدني شويه كدا وقطع تفكيري جوالي فتحتو رديت بدون م اركز في الاسم قلت الوو قال لي ملك💕.. طبعا لمن سمعت اسمي خلااص قلبي طاار وبقيت بتبسم براي وسرحت تاني قال لي سامعاني؟ قلت ليهو اي سامعاك كيفك قال لي تمام وانتي كيف كان يومك؟! قلت ليهو ظرييف وبقلبي بقول كييف م يكون ظريف بعد سمعت صوتك😭💓قال لي امممن ممكن تطلعي لي بره 5 دقائق قلت ليهوو نعم برره ويين لييه انت هنا😱؟؟؟ قال لي انا بره ومنتظرك اذا فاضيه يعني قلت ليهو اي خلصت م عندي شيء قال لي طيب تعالي قلت ليهو طيب وقفلت.. قلت في نفسي احمد الجابو هنا شنوو 🐸💔شلت رجوولي وطلعت ليهو طبعا كنت لابسه اسكيرت فنايلي اسود وشفونه رصاصية والطرحه خاتاها في كتفي ساي طلعت سلمت عليهو ووقفت معاهو شوويه تاني قال لي مالك ساكته ولا انتي اصلا هادية كدا😊!! قلت ليهو بس عشان م في موضوع قال لي ي ستي هسي نجيب الموضوع يلا ارح قلت ليهوو وين😅؟؟ قال لي انتي مالك ممكن تقولي عازمك 😉يلا قلت ليهو طيب ركبت معاهو قدام جاء ركب وشغل العربيه ومشينا طول الطريق كنت ساكته هو كان بحاول يفتح معاي مواضيع دائمآ وانا م عارفه مالي اتهبلت وصوتي تاني م طلع لحدي م وصلنا شارع النيل نزلنا خشينا كافي كدا ظريف وقعدنا طلبنا نسكافية طبعا بموووت فيها💕بس الكان شاغلني انو احمد كان بعاين لتلفونو كل دقيقتين قلت ليهو مالك؟؟ قال لي منتظر لي زول حابي اعرفك عليهو قلت ليهو منوو قال لي حتعرفي هسي.. بعد شوويه احمد ابتسم ورفع يدو لزول وراء انا م شفتو لما اتلفت لقيتها بت وكانت جايه علينا سلمت على أحمد وقالت ليهو ي غيااظ صحيتني من النووم بدري الليله كنت ح انوم لحدي الساعه11😑قال ليها يااخ اقعدي ورووقي انا جبتك هنا عشان اعرفك وانتي بتتهابلي معاي😂💔قالت ليهوو حسابكك بعديين.. طبعاا يا دوب انتبهت لملامح البت يلا هي م طويله قصيرة بس م شديييد لونها قمحي فااااتح ماايل للاصفر بشويه وملامحها حلوه شدييد يااخ وبسيطه يااخ م متكلفه بميكاب وكدا عكس باقي البنات بس مخططه حواجبها وعامله كحل ابيض وقلووس لاامع يعني حاجه كدا طبيعيه اتلفتت وابتسمت لي شكلها ظريفه قالت لي ملك صح😄❤؟ قلت ليها ايوه وانتي؟ قالت لي انا اسمي وفاء وضربت احمد في كتفو قالت ليهو بكوون اخت القدامك دا هههه قلت ليها بالجد؟؟ احمد م حصل قال لي عندي اخت😂💜قالت لي نااكرني بس تقولي شنوو😂😂✋قلت ليها اتفضلي قعدت وتاني سكت قامت غمزت لأحمد وقالت ليهو بصووت وااطي قررضههه لكن 😉احمد قال ليها احم احم 😂😂طبعا ي ملك وفاء دي اختي الصغيره أصغر واحدة في البيت بنقرأ هنا في جامعة... في سنه تانيه صيدله قلت ليها بتقري صيدلة زيي يعني😂💜قالت لي واااي حبيتيها كييف😭قلت ليها والله صراحه م كانت رغبتي بس تاني حبيتها قالت لي في سنه كم؟ احمد قال لي دي زي خالتك ي بتنا خريجه خلاص 😂😂😂💔البت اتخلعت قالت لي فاينلست؟؟ قلت ليها يب قالت لي واااي م ظاهر عليك البشوفك بقول في تالته يادوب 😂😂💔قلت ليها بالغتي يااخ تااني اندمجت معاها بالونسه بالجد حبيتها شدييييد يااخ البت دي عسسل ظريفه لمن م في طريقه.. لما جات ماشهه قالت لينا يلا انا ماشهه اتأخرت.. ااي ي احمد انا ح اغشى لجين الليله في بيتهم عشان كدا ح اتأخر لو امي سألت مني وريها لانو طلعت بدري قبل م اقول ليها قال ليها طيب خليني اوصلك قالت ليهو لالا توصلني وييين وتخلي الجكس دي طلعت اصصلي والله😂💜💜💜المهم انا ماشه يلا ي ملك اتشرفنا فرصه سعيدة يااخ💕قلت ليها وانا كمان اتشرفت بمعرفتك تسسلمي يااخ💜قالت لي يسلموا غواليك وغمزت لاحمد ومشت.. احمد قال لي رايك شنو في المجنونه دي😂😂💔قلت ليهو حراام عليك يااخ حبيتها بالجد انا والله😂💕💕قال لي اي هي زوله كويسه وبتتحب 😂💕تاني قلت ليهو اووف احمد انا اتأخرت قال لي م بدري 😂😂💔قلت ليهوو لا الليله عندي عرس اخو صحبتي بليل وماشه اجهز 😂هييي صحي انت اسامه صحبك؟؟ قال لي بتعرفيهو من وين؟ قلت ليهو اختوو صحبتي شدييد 💕قال لي يعني بعدين حنتلاقى؟ قلت ليهو اكييد صاح انت جاي؟ قال اي اممم م عارف لسسه قلت ليهو كييف م عارف😞العريس صحبك شدييد صاح ؟ قال لي ااي بس م بحب الزحمة والجوطة حقت الحفلات دي قلت ليهو حتى ولو دا صحبك واجبو بس على الاقل عشان م يأخد منك موقف قال لي ان شاء الله بحاول قلت ليهو مدام م بتحب الحفلات بعدين في عرسك حتعمل شنوو😂😂💔عاين لي مساافه وقال لي ح اعمل البتقولوا مرتي بس.. طبعا اتوترت قلت ليهو يلا انا ح امشي قال لي بوصلك قلت ليهوو لالا م في مشكله نوور جاياني ومعاها العربيه هنا قال لي طيب ننتظرها قلت ليهوو طيب واقفين كدا جوو بت وولد شكلهم عشرينين وظاهر عليهم مخطوبين💕 ماشين بتونسوا وبضحكوا كانوا مبسووطيين شديييد لما انا واحمد ركزنا معاهم فجأه كدا طرحة البت وقعت طوالي الولد رفعها ليها ومسك يدها وقال ليها حاجه لما ابتسمت زيادة 💕سرحت في الموقف دا واتمنيت لو الله يديني السعادة العند الثنائي ديل بالجد لايقين على بعض تاني البت جاتنا قالت لي لو سمحتي ممكن تصورينا انا وخطيبي 💜قلت ليها اوك💙شلت تلفونها وصورتهم كانوا عاملين حركه القلب ديك وتااني كانوا ماسكيين يد بعض هي بتضحك ومنزله راسها وهو ساارح فيها 💙💙بعد خلصت اديت التلفون جات قالت لينا انتو مخطوبين برضو😊؟؟ قلت ليها لالا هههع ليه!! قالت لي عشاان جايين مع بعض شدييييد البشوفكم بقولوا فعلا مخطوبين 💕احمد عاين لي مساافه وانا عاينت ليهو ابتسمت للبت ومشت احمد قال لي رايك شنوو في كلامها خطبتنا عدييل 😂😂💜✋قلت ليهوو عادي عشان شافونا مع بعض فكروا كدا😂💕يلاا نور جات وعليك الله ي احمد حاول تجي بعديين الحفله اوك؟ قال ليها اوك وخلي بالك من نفسك💓قلت ليهو ان شاء الله ومشيت لنور قعدت تتبسم رفعت لاحمد يدها سلم عليها وعاينت لي قالت لي احم احم في تطورات😉👌 طبعا م قدرت اقول اي شي غير اني اتخجلت😂💕ركبت انا سقت ونور معاي قدام قالت لي احكي لي يااخ.. طبعا حكييت ليها اي شي من البدايه لحدي المخطوبين قالت لي اششششششي 😍😍💙والله انا قلبي كان حاسي انو حتجيك حاجه فيها خير قلت ليها انا م متأملة بأحمد ي نور ولا عندي ليهو حاجه نحنا بس أصحاب بعديين انا م بعرفوا لي فترة طويله عرفتو قبل كدة يعني وم تنسي هو كان حبيب ملاك اختي قالت لي ملك الحاجه دي اذا الله عايزها انتي م ح تقدري تعترضي قلت ليها أساساً م ح اعترض بس برضو انا واحمد صحبتنا كدا حلوة وانا مبسووطة 💜قالت لي وسامر؟ قلت ليها مجرد تاافه م عندو قيمة عندي بعد هسي قالت لي اخيييرا رجعتي ملك القوية خليك كدا بس وان شاء الله اي شي حيتحسن💙يلا ايوه نزليني هنا الليله م ماشه بيتنا لانو بعييد للصاله بعدين م بقدر اجي من بحري عشان كدا ح امشي ناس اختي وجبت معاي فستاني واي حاجه قلت ليها حااضر ي ستي بعديين كمان ح اغشاك 💜عشان نمشي انا وانتي وماريل عشان باسل حيمشي مع العريس من بدري ويتصورو قالت لي اوك نزلتها في الرياض ورجعت بيتنا قبل م اخش لاقيت سامر جنب الباب جاني قال لي ملك انا اسف يااخ م كان.. قاطعتوو قلت ليهوو اذا اعتذرت او لا أسفك م بفيدني هسي اوك؟؟ لانو البينا انتهى وقبلت منو قال لي حتقدري تنسي عشرة اربعه سنيين؟؟ قلت ليهوو بالنسبه لي م كانت سنيين بس اياام بالعدد لانو طوول الفترة دي كنت بتخووني ليه انا قصرت معاك في شنوو؟؟ قال لي ولاشي والله بس عليك الله ي ملك ارجعي لي انا م بقدر اعيش بدونك💔قلت ليهوو لا حتعيش حياتك زي م كنت عايشها بدوني حاول يوقفني بس م اشتغلت بيهوو لحدي م دخلت بيتنا وقفلت الباب حسيت بخنقه بس تاني اخدت نفس وارتحت طلعت طرحتي وخشيت المطبخ شربت لي مويه وعصير وطلعت غرفتي طبعا ماريل في الجامعه بابا في الشغل ماما كالعادة في العيادة وباسل صايع مع اصحابو وانا برااي في البيت م عرفت اعمل شنوو انا في العادة لما ازهج بمشي بفتح الاغاني وبرقص قمت من مكاني طلعت سماعاتي وشغلت الاغاني وبقيت منطربه شديييد يلاا ونكت دولابي كلووو رميتوو في الأرض بشووف لي فستان مناسب الحفله تاني طلعت السماعه وشغلت اغاني بدون سماعه وختيت تلفوني في السرير وبس كنت لافه برقص يمين وشمال😂💔والفح لي اي فستان واجربو في النهايه لفت نظري فستان حلووو شديييد م حصل لبستوو نهاي رفعتو كدا جربتووو وحياتكم ظبط علي ظبطه كان لونو اسوود وفيهو لون بالبيج هو دانتيل من محل الرقبة لحدي اليدين كلهك وبجووه بيج والدانتيل من فوق البيج اسوج خفيف لحدي الارض بس مخصر على الجسم شدييييد عجبني لمن م في طريقه والله😂جبت الاساور تبعو كانت فضيه حلق فضي وخنااق اسود مع سلسل نازل بالفضي واسورة فضيه شعري قلت ح افكو اصلا م ممكن يكون طوول كدا بدون فايدة ههههه واصلا انا قبل فترة كنت عامله ليهوو ميج على اشقر كدا ف جاااء حااااااجه كدا خورافيه لانو البيج درجتو قريبه للون شعري واصلا م عامله شعري كلوو بس جزء منو يعني اسود بأشقر 💓وطلعت الهاي هيلز تبعي كان لونو فضي برضوو وقفت قدام المرايه لمن م عرفت نفسي والله😂💓💓لمييت باقي الفساتينن ودخلت جزمي وقلت كدا خلاص ارتحت ظبطت حاجاتي 💜💜والميكاب جاهز اصلاااا نزلت تحت الصاله بس الجرس دق مشيت فتحت الباب لقيتها نهال طبعا دي صحبتي من الثانوي جارتنا بيتهم في نفس صف بيتنا فاصلنا بس بيتين جات دخلت سلمنا على بعض وفضلتها مشيت جبت ليها مويه وعصير قعدنا نتونس بعد شوويه كانت ماسكهه تلفونها بس قالت وااااي م ممكن😭😭💓💓💓💓قلت ليها مالك ي بت😨😨😨قالت لي الولد سمح سماحه قلت ليها بسم الله خلعتيني قلت البت جاتها مصيبه 😒😑💔👊قالت لي شكلوو حتجيني مصيبه بعد السمح دا احييي انا يااخ نفسن بي😭😭💛قلت ليهاا ودا يطلع منوو ان شااء الله من المكسرنك احمد كمال ولا الطريفي ولا عزوو😑👊قالت لي اي ولا وااحد مكسرني احمد محمد بس😭😭😭💜💓قلت ليها شنووو😱وريني وريني مسكت منها التلفون لقيت البنات منزلين صورتو في منبرشات والبنات ديل يتخاففوا البتقول دا حبيبي والبتقول واااااي شارد من الجنه وكلام كتيير بس الكومنتات ازعجتني وضايقتني م عرفت ليه💔نهال قالت لي سمح موووش😭😭💓💓قلت ليها اي شكلوو كيووت😊قالت لي انتي عارفه انا كنت بحاول اصل ليهو عاجبني ياخ لدرجه بقيت بتخيل أولادنا مع بعض 😭😭😭💕💕قلت ليها احلام اليقظة ي بيبي الله يعرس ليك😑👊قالت لي عقبالك 😂😂💜💜بس فلان دا سمح يااخ اتخيلي لقبو منوو قلت ليها شنوو قالت لي "لاري" قلت ليها امممم قالت لي بتكلم معاك ولا كأنو فارق يعني م كسرك؟؟ 😂😂😂💔👊قلت ليها ابدا قالت لي اي واضح واضح😂😂وانتي ماسكه التلفون من قبيل بتكشفي للصورة قلت ليها هاااك زول م يلزمنيش قالت لي ياريت لو سنقل شكلوو مرتبط😭✋قلت ليها عرفتي كيف قالت لي وااضحه ي بت م دايره اتنين تلاته اي واحد سمح بكون مرتبط وااي نحنا البعاين لينا منو😭😭💕💔قلت ليها اتكلمي عن نفسك لو سمحتي 😂😂😂😂💔البعاينوا لي كتاار قالت لي م تكتري المحلبية عشسان لسه م وقعتي ي هيوانه🐸👌قلت ليها اقع ويين 🐸💔قالت لي في النار ي سجم اكيييد في الحب قلت ليها هاااك الحب دا بالله😂😂👌دا ضياع زمن ساي ووجع قلب تاني قالت لي بالعكس لما تحبي زول بالجد قلبك م بوجعك قلت ليها وجعني وانتهى قالت لي ملك انا عارفه وانتي عارفه انو سامر اصلا م كان مناسب ليك لانو بتاع بنات وانتي م حبيتيهو بس اعجبتي بشخصيتوو م اكتر لكن صدقيني لسسه قلبك م حب عششان عارف انو حتقعي في الوقت المناسب💜قلت ليها يمكن كلامك صااح انتي عارفه انو الحب بدون غيرة واهتمام وصدق دا م حب؟؟ انا وسامر علاقتنا كانت خاليه من الحاجات دي م كنت بهتم بيهو لانو فراقو وقعادو كان واحد عندي قالت لي شفتي عشان كدا قلت ليك دا م حب💙💙يلا الله يعرس لينا كلنا😭😭💕💕انا ماشه يلا سلام قلت ليها نفسنتي بي بس ومشيتي🐸💔قالت لي حتتعودي تاني على النفسيات زي م انا صابرة 😂😂😂👌 قلت ليها نننننن ظريفه يلا 😑💜ودعتها وطلعت قفلت الباب وبقيت ماشه لحدي الصالة وبفكر في كلام نهال انو انا بالجد م حبيت سامر سرحت مسافه وقلت لنفسي ويين الزول الحيسعدك وينور حياتك ي ملك حيجي صاح؟ اصلا مصيرو يجي الله دائما بجيبها متأخرة عشان تكون احلى.. وانا واثقة انو حيجي 💙
*كسسسسرة...*
كلكم سرحتوا وفكرتو في حياتكم زي ملك صاح؟؟ بس زي م قلت ليكم خلوا ايمانكم بالله قوي وان شاء الله كل امنياتكم حتتحقق حتى لو كانت مستحيلة..
"لا مستحييل تحت الشمس.. وليس هناك شيء يصعب على رب العباد القادر على كل شي💙"
*يتبع*
