في محرابُ عينيكِ اضعت وجودي

في محراب عينيكِ أضعت وجودي . ١٦

✏روز علي
.
.
rose_____ali .
.

كعدت ساعه ١٠ متكسر من النومة ممرتاح بيهة .كمت غسلت وجهي ورحت للمطبخ .كلهم كاعدين .وداليا من ضمنهم فتت وعيوني عليهة سلمت وكعدت
.
الله يساعدهم .
.
الكل .  اهلا وسهلا.
.
الشيخه . هلا يمة . هلا بعد روحي . همزين انت صبحت علينة . الا حرمتك مصدت بوجهنة.
.
حسام .  شلونج شيخة .
.
الشيخه . هلا يبعد امك .
. 

حسام . شيخه تحظرو اليوم راح يجون يمشون ع صفية ويعقدون عليهة .
.
الشيخة. يا منو وليش انه مادري .
.
حسام . يمة مازن ابن عمي   واليوم يجون نسوان وزلم . ماكو داعي نطول بالسالفة وهو  من زمان حجة وياية بيهة

رحاب صفية وين .
.
رحاب . بدارهة خوية .

حسام . صيحيلهة .
.
رحاب . صار خوية  .
.
رحت ع صفية للغرفه .  لكيتهة نايمة وبالجهة الثانية  كاعده ميسون .
.
كومي صفية .   حسام  يصيحلج

صفية .  يصيحلي ليش شكو   شسويت . ولج والله ممسوية شي   

.
رحاب . كومي شوفي لتخلي ينكلب علينة مابينة حيل . 
.
صفية . امشي نشوف
.

____

ميسون . حلو هيج يخافن من الشيخ  . والله لو اخلي يصير بجانبي . واخلي يحبني   بس هاي مرتة شلون اتخلص منهة  بوجود هالحية صفية . لازم اشوف حل ..   .
.

____

صفية . نعم خوية ..

.

حسام . صفية اليوم مازن يجي يتقدم الج . اني نطيتة كلمة وكتلة تعال . لان ادري بيج مراح تعترضين وادري بيج ماراح تعاندين . انة نطيت كلمتي .. لذلك حظري نفسج ع هذا الاساس .
.
صفية . ان شاء الله خوية  ..
.
حسام . هاهية بالخير ان شاء الله
.
الشيخه . يالبغدادية . جيبي الاسد .
.
داليا .
كمت خليت اسد بحضن الشيخة . وحسام كاعد قريب منهة هاللحظة  ما اعرف شلون اوصفهة كنت اريدة مشتاقتلة كلش خصوصا البارحه مبات بالغرفة . وماريدة كارهتة لان هيج سوة بية وخلاني بهيج موقف . اخذت نفس وفتت من يمة طلعت من المطبخ سمعت صفية ورحاب يحجن بصراحة  انقهرت عليهه .

._______
صفيه . عزه بعيني هسة لو بس ناطي فرصة باجر العقد عكبة . عليج الله شوفي حالي . هذا شكل وحده  اليوم ملجتها .
.
رحاب . اني هم مادري شلون .
.
داليا . لتشيلين هم صفية اني اسويج . بس يبقة الفستان . نطلع اني وياج ناخذ عبدو نروح نشتري ونرجع . . بس يرادلج كم شغله نسويهة  تعاي وياية   .
.
صفية . ولج اي الله وايدج وعلي حايرة . تسوين فضل وما انسا .. بس مال طلعة انسي  اكيد ميخلونة نطلع .
.
داليا . انتي عروس اليوم اوك يعني لتنسين هالشي   وفدوة رحاب عينج ع اسد . وانتي تعاي .
.
اخذت صفية وصعدت للغرفة . جانت حور هستوهة كاعدة  اخذتهه غسلت الهه وبدلت الهة  .   صعدت رحاب شافتهة .
.
رحاب . اشتغلي بصفية  واني راح اريك حور .
.
داليا . اي فدوة .