محبة بعد عداوة

البارت السادس

اسفة جدا على التأخير الطويل اوى دا اسفة 😔
ارجعوا بسرعة كدا اقروا البارت اللى فات علشان اكيد نسيتوا الأحداث .
نبدا يلا 
لا إله و انت سبحانك انى كنت من الظالمين .
......................................................................
آية بعياط: كابوس يا رمضان كابوس وحش اوى 😣
رمضان : طيب اهدى كدا ما تخافيش انا معاكى دا كابوس و انتهى خلاص 
وراح اخدها فى حضنة طبعا هى مش فى وعيها اوى من الخضة بس اول ما فاقت بعدت عنه
آية : انا اسفة 😳
رمضان : بتتاسفى على إيه علشان حضنتك انت مراتي على فكرة
آية : احنا مش هنعيد الكلام تانى انا ما اعرفش عنك حاجه خالص غير اسمك و سنك و انك لاعب فى النادى الاهلى فتقدر تقولى ازاى عاوزنى أتعامل معاك كدا عادى على انك مش غريب عليا ها 😡
رمضان : علشان كدا ادى لنفسك و لنفسى فرصة و انا واثق هتقعى فى حبى و هتعرفينى كويس
آية : اى الثقة دى 😏
رمضان بتحدى : سميها زى ما تسميها بس صدقى يا آية عمرك ما هتكونى لحد غيرى وواثق  بإذن الله ان الشهر دا هينتهى وانت مقررة انك هتكملى معايا هتبقى مراتى و حبيبتى و صديقتى كل حاجه بالنسبة ليا ❤
وقام مشى راح  اوضة الأطفال يكمل نومه اما آية فقعدت تفكر فى كلامه هى عمرها ما اتعملت مع ولاد قبل كدا و لا جربت احساس الحب و بعد تفكير طويل نامت .
......................................................................
فى الصبح
عند فاطمة و عمرو
عمر صحى من النوم و بص على فاطمة جمبه و سرح فيها شوية 😍 و بيفكر ياترى هتحبينى زى ماحبيتك بالسرعة دى ياتري هترضى تسلميلى قلبك يارب قدرنى احببها فيا قطع تفكيره أول ما فاطمة بدأت تتحرك فبعد عنها و قام دخل الحمام ياخد شور ، قامت فاطمة من النوم واخدت دقيقة تستوعب المكان حولها لان طبعا دى اوضة جديدة عليها لسه ما اتعودتش عليها بصت جمبها مالقتش عمرو فسمعت صوت الدش عرفت انه فى الحمام فراحت الحمام التانى غسلت وشها و اتوضت و صلت الصبح وراحت علشان تحضر الفطار ، دخل عليها عمرو المطبخ
عمرو بإبتسامة : صباح الخير 😊
فاطمة بهدوء : صباح النور اقعد افطر انا خلصت خلاص
عمرو بتنهد : حاضر 😔
بعد ما خلصوا
عمرو: انا نازل أتمشى شوية عاوزة حاجه اجيبها معايا وانا راجع
فاطمة : انت نازل و هتسيبنى لوحدي 😱
عمرو : ما انت اللى متجاهلانى
فاطمة : انا مش متجاهلاك انا بحاول استوعب اللى حصل لحد دلوقتي انا مش متسوعبة فجأة اتكتب كتابى بسرعة و من غير خطوبة حتى و شهر احدد بعده إذا كنت هكمل معاك ولا لا  انت انانى مافكرتش فيا لو ما اتقبلتش أكمل معاك الناس بعد كدا هتقول عليا اي اتكتب كتابها و أطلقت بعد شهر أي الأنانية دى 😡
عمرو : دى ما اسمهاش انانية دى اسمها حب حبيتك فاتقدمت لباباكى و الشهر دا علشان تعرفينى كويس انا مش هدى اصلا فرصة للناس تتكلم عارفة لي لانى متاكد انك هتحبينى ومتاكد ان فى حتى ذرة إعجاب ناحيتك منى لانك لو فعلا بتكرهينى و مش طيقانى كدا ماكنتيش نيمتينى على السرير علشان خايفة عليا ضهرى يوجعني من النومة على الارض صح و لا انا غلطان
فاطمة سكتت ماعرفتش ترد 😳
عمرو : عارفة انا مستعد دلوقتى لو قولتيلى اقعد معايا  ما تنزلش والله ما هنزل يا فاطمة
فاطمة بردوا ساكتة مش عارفة و تايهة كدا 😣
فخرج عمرو و مشى .
.....................................................................
عند حسام و نور
صحى حسام من النوم و هو ضهره واجعة من نومة الكنبة فدخل الحمام اخد شور و خرج يصلى و عمل قهوة بعد كدا و حضر الفطار وراح يخبط على نور
حسام : نور اصحى إيه كل النوم دا
( نور نومها تقيل شوية )  فخبط جامد اوى و قعد ينادي عليها فقلق عليها فكان معاه نسخة تانية من المفاتيح بتاعة الاوض بس سابها امبارح تقفل  بمزاجه فراح جابهم و فتح الباب و نور بعد دا كله لسه ما صحيتش فقرب منها وكان شعرها نازل على عينها فمد إيده و شال شعرها و قعد يتأملها لثوانى
حسام : نور نورتى اصحى صباح الخير 😍
فبدأت تصحى و بصت على حسام تنحت جامد 😲
نور : انت بتعمل اي هنا و دخلت ازاى و انا قافلة الباب بالمفتاح ؟
حسام : صباح النور الأول طيب حتى بس هعديها انا دخلت لان كان معايا نسخة تانية من المفاتيح و سيبتك تقفلى امبارح بمزاجي 😎
نور : لا و الله كتر خيرك بجد 😠
حسام : علشان تعرفى انى رجل كريم 😊
نور : طاب اطلع برا
حسام : انت بتتكلمى معايا كدا ليه 😠
نور : لا و الله مش عارف فرضت نفسك عليا و اتكتب كتابنا من غير ما تاخد رأى دا حتى لو كان في إعجاب بكدا تكون محيته
حسام : لا ما محيتهوش يا نور دا انا هخليه يطور لحب انا عاوز بس تفتحيلى قلبك انا ما عملتش حاجه غلط ماخطفتكيش مثلا و اتجوزتك بالغصب من غير حتى ما اديكى وقت تستوعبى دا  انا كتبت كتابنا والدك إدانى فرصة شهر تتعودى عليا  وتعرفينى فيها كويس بالحلال بكتب كتابنا ها فين الغلط يا نور
نور سكتت ماردتش
حسام : طاب انا عارف و مقدر ماتزعليش عمري ما هفرض نفسى عليكى يا نورتى لو الشهر خلص و ما كنتيش بتحبينى ولا متقبلانى هنطلق بس قبل دا كله انا هحارب علشانك وواثق انى هفوز بالحرب دى بإذن الله
نور اتكسفت اوى و ماعرفتش ترد تقول اى حاجه 😳
حسام بإبتسامة : طاب خلاص يلا قومى نفطر علشان حضرت الفطار هنزل اجيب شوية حاجات من السوبر ماركت بعد كدا 
فقامت نور اتوضت و صلت و فطروا و نزل حسام بعد كدا .
........ .. ....... ..................................................
عند آية و رمضان
صحيت آية الأول من النوم دخلت الحمام اخدت شور و اتوضت و خرجت برا الأوضة ما لقيتشى رمضان صاحى فكانت مكسوفة تروح تصحيه ولا لا فحسمت قرارها و قررت تروح تصحيه فخبطت الأول على الباب لحسن يكون صاحي جوا ماسمعتش رد فقررت تدخل الاوضة و قربت منه
آية : رمضان اصحى
رمضان صحى بسرعة اول ما سمع صوتها و مسك ايدها
رمضان : تعرفى ان دا اجمل صباح يعدى عليا ❤😍
صباح النور عليكى يا حبيبتى
آية اتكسفت جدا و سابت ايده و طلعت تجري على برا ( اجرى يا مجدى  😂) قام خرج وراها لقيها فرشت المصلية على الارض و هتصلى
رمضان : آية استنى  لو سمحتى
آية : نعم
رمضان : ممكن نصلى  جماعة
آية : تمام ماشي مفيش مشكلة
راح رمضان اتوضى و رجع فرش جمبها مصلية تانى
وكان صوت رمضان حلو و هو بيقرأ قرآن و خلصوا صلاة
آية : صوتك جميل اوى و انت بتقرأ قرآن
رمضان : خلاص بعد كدا نصلى جماعة
آية : افرض ماكنتش قاعد
رمضان : خلاص احنا نصلى الصبح بعد كدا جماعة تعرفى فرحت اول انك بتصلى يارب يديميك عليا زوجة صالحة😍👐
آية اتكسفت جدا ( كمية كسوف انتشرت فى البارت رهيبة 😂)
آية : وانت خلاص قررت انى هبقى زوجتك بعد الشهر وهوافق
رمضان بتحدى : إن شاء الله و ماعنديش شك فى كدا 
آية : طططاااب انا هقوم احضر الفطار 😳
رمضان : استنى هساعدك
آية : لا مفيش داعي
رمضان : طاب خلاص يبقى هقعد  استناكى تخلصى
كان سرحان فى كل تحركاتها و هى كانت مكسوفة من نظراته ليها و بعد ما خلصت قعدوا يفطروا و لما خلصوا جاتله رسالة من عمرو انه عاوز يشوفه فى الكافية اللى تحت البيت
رمضان : آية انا هنزل شوية و هرجع تانى عاوزة حاجه اجيبها معايا
آية : لا مش عاوزة
المهم نزل تحت و دخل الكافية و لقى عمرو معاه حسام كمان
رمضان : شكله حوار كبير و أدى قاعدة
...................................................................
نكمل البارت الجاى اتمنى يكون  عجبكم و قولولى رايكم واسفة كمان مرة على التاخير