جروحي تنزف احزان ..

خيبه امل●●●●

كعدن الفجر صليت وبدلت ورحت دكيت الباب عله

طلعنه الفجر اني وعمي وابنه الجبير بس كلش تعب
وضلينه عله هل موال تقريبا شهر بس والله نفتكنه فتك ما خلينه مكان مارحنه جبنه منه اهل الضحايا علمود تتنازل حته بيهم كبار بالدوله هم جبناهم تنازلو وكالة اليوم يسوون الافراج مال عمامي كلش فرحت

رجعت شفت ريناد كاعدة بالحديقه هيه وبنات عمي
صحتلهه

زيد .. ريناد
ريناد. هاااا رحت سلمت عليه خير شرايد
زيد ..سلامتج .. ردت اكلج خبر بس بطلت ..
ريناد .. بخصوص شنوووو

زيد ..بخصوص عمامي
ريناد ..صدوك احجي بسرعه الله عليك
زيد ..اليوم حيسولهم افراج وفد شويه يجوبوهم

ريناد ..صدووووك .. بصياح ... كلش فرحت من هيج كلي راسا شبكته وكمت ابجي يعني بابه حيجي موووو

زيد .. هههههه اي اي حيجي
ريناد ..لعد اني حروح ابدل علمود اتلكاه
زيد ..هههه ماشي روحي بساع

...............***********************..........
طبعا بدت المدارس قبل اسيوعين تقريبا وريناد مفبلت اداوم لان ابوهه مموجود بس اخذتهه اني وامهه بالغصب وجبنالهه ملابس مدرسه بس ضجت لا هيه تلبس قصير فرحت جبتلهه عله ذوقي وحدة جوة الركبه لان الصدريه الي شترتهه هيه فوك الركبه وهيه بيضه اكوم احترك بنار فما قبلت وكلت لعمتي وكالت خلص مدام انته ختاريتهه خلص ..

ريناد بدت بالدوام بس ما كو حماس مثل كل سنه وحته مجانت تقرة تضل بس تبجي حته بالمدرسه

...........................
ريناد . رحت مسحت دموعي وكلت لمامه حيجون ولازم يحضرون نفسهم وطبيت سبحت ولبست

وطلعت انتضرهم بالطرمه علمود اتلكاهم اجه زيد وكام يحجي عليه علمود ابدل الفستان واني مقبلت وبالكوة فبلت اقبل ابدله رحت طبيت لبست

شويه وكالوا اجو كلش فرحت وكل العالم التمت تسلم عليهم لان احنه من عائله معروفه كلش اجه عمي الجبير وياه واحد من عمامي وراهم زيد مدنك اني عرفت ما اجه بابه راسا كمت اببجي وطبيت اركض جوة و اجوي بنات عمي الكبار يهدن بيه يكولن عيب خاف عمي يكول متفرح بيه

ريناد \ مو مفرحانه بيه بس اني اريد بابه والله مشتاقتله كومه اةاةاة \\بجي \\

اش اش يله كافي والله ميصير هيج عمي حيجي هم مثل ما اجه هاذة عمي يله رنو كافي بجي

ريناد \ من دون رد بس تبجي

طب زيد باوع عليه رفعت راسي وباوعت عليع بنظرة خذلان وكمت طبيت للغرفه ابجي

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\زيد

طبيت ردت اشوفهه وين راحت شفتهه تبجي وبنات عمي يسكتن بيهه رفعت راسهه وباوعت عليه نظرة تبجي الحجر عليهه وعيونهه مورمه من كد البجي

راحت طبت للغرفه هيه رحت طبيت عليهه لكيتهه تبجي شبكتهه وكمت اهدي بيهه علمود تسكت وهية تزيد بجي

ريناد\ انته مو كتلي حيجي اليوم

..والله علساس يجي بس ما كدر اجلو القضيه بس والله واوعدج ارجعلج عمي سالم

...احلفلي

..وداعتج وداعت عييونج

...احلف

..والله

...ههههههه يله لعد خل نروح نسلم عله عمي

..هههههيله امشي

رحنه سلمنه عله عمي وحضرتله ملابس وطب سبح وبدل وطلع سلم عله الزلم الي اجو ورجع كعد يحجيلي عله بابه تعللت وياه طبعا قررنه نبات كل ولد العم بيت جدي لان حيسون عزيمه لباجر علمود طلعه عمي بالسلامه

التمينه احنه البنات ونمنه بغرفه بنات عمي جاسم و الولد باتو بالاستقبال ... يتبع للحكايه بقيه

اسفه لان البارت قصير
البارا ٤٧٥ كلمه