عمار:-شبيك سيف تخبلت شمسوي بيهه
سيف:-كتلللللك لاتدخل اني وزوجتي انت شنو
عمار:-خرااا على هيج زواج إذا هيج مسوي بيهه شنو اليستحق هيج تسوي بيهه كومي
مرام نزلي يم امي
اني ضليت كاعده بمكاني أحس نفسي خرربت ممسيطره ع نفسي والدم ترس وجهي
سيف كام يصيح وطلع من البيت
عمار:-ككومي اختي نزلي جوه شبيج
اني مجاوبته ضليت ساكته بمكاني ورافعه راسي عرف ماكدر اكوم مد ايده الي باوعت
بوجهه بتعب قوي والدموع تجري كتله ماريد أنزل عوفني هوه حيل جرني من أيدي
واستندت عليه لأن كلش ماكدر أمشي نزلت والحجيه تكول شكو يمه خيركم يمه ه شوف
البنيه شبيهه يمه عمار وديهه للمستشفى واني جايه وراك اني وأبوك
عمار :- اي يمه بس لزميهه اروح اجيب الها شي من فوك
لزمتني الحجيه حسيت بيهه متكدر تضل لازمتني مره كبيره كعدت بلكاع كالت يمه اتحملي
يعيني انتي الله لينطي لسيف شمسوي بيج كامت الحجيه تذب ماي على وجهي اني
فزيت كالت يله يمه تحملي أدري بوضعيتج واهلج اني اعوضج
نزل عمار جايبلي جبه وشال طبعا الجبه مخصره ف الحجيه ساعدتني بلبسهه وعمار
لف الشال شلون ماجان على رأسي وكمت استندت عليه اني كلت خلص هاي نهايتي
بعد ماعيش على الوجع الي بيه رحنه للسياره اني وعمار والحجيه والوالد كال هسه اجي
روحو كدامي رحنه للمستشفى شافتني دكتوره كالت اكو فطر بسيط بلجمجمه انشاءلله
يتعالج ولفتلي راسي وهيه تلف ومادري شتخلي تسألني شكد عمرج وهاي السوالف
حتى تلهيني عن الوجع ااااخ أحس جسمي تدمر رجعنه للبيت فتنه والوالد جان محضر
غرفه الحجيه الي مرتبلها فراش فتنه كال عمار يأبه بعد مرام متصعد يم سيف
الوالد:-ماكو صعده فوك بعد وهاذا سيف حسابه يمي الناقص
الحجيه نيمتني على الجربايه والجو جان يجنن بارد والضوه مطفي بس ضوء الشمس
علينه طبعا عندكم فضول تعرفون عمار شلونه عمار طوله يطلع 180 وجسمه مثل
سيف معضل وشعره طويل مسوي سبايكي لون شعره عسلي هيج شي وعيونه
خضر وشاب حيل مرتب وحلو و 24 ساعه العطر على جسمه وهوه حنطاوي سيف
عيونه صفر وعمار خضر خل نرجع هسه
الحجيه كعدت يم راسي تمسح على شعري كالت يمه ليش هيج سوه بيج ؟ سوء بيج
من اليوم ورايح اني مثل امج وماكو طلعه من هل بيت كل الامان هسه وانتي مثل
بنيتي ريحي نفسج وسولفي كتلها عمه ولله مابيه كل جيل هسه وسيف ميرضه احجي
الي يصير بيناتنه
الحجيه :-ماما اني مداكلج احجي كلشي بس ليش هيج مسوي بيج
مرام:- عمه اخاف يدري اني كايله الج ويأذيني
الحجيه :-أنسي يأذيج بعد أبو عمار يدفنه ولله
عمار:-مرام أنسي يأذيج مره ثانيه اطيح الج حضه ولله
همه ديحجون اني مسيطرت على نفسي ونمت
كعدت المغرب سمعت صوت سيف خفت حيل فات للغرفه وعلك الضوه وكال مرااام كومي
فوك إجت الحجيه وعمار والوالد وراه
الوالد:-هيييي من شوكت تكسر كلمتي وعقابك تطلع من البيت متشوفهه ل 10 أيام
يلا اشطح مناه
سيف:-خالي اني مو طفل دتعاقبني بزوجتي
الوالد:-هشششش لتكول زوجتي بيك خير عاملها مثل الاوادم لا اطيح حضك حيوان
اطلع منا ومن تعاملها مثل الناس عود كول زوجتي ومرام متطلع منا إلى بجنازتهه
يلاااا
سيف:-ماشي هيج الحجي
عمار:-اي هيج الحجي يلا
سيف:-انت انججب
سيف راح ديضرب عمار بوكس الوالد كام يصيح مااااااكووو احترام اطططلع
يتبع..
أنت تقرأ
حبيبي أخ زوجي
Teen Fictionكانت تعشق شخص ما على مواقع التواصل وفجأة شكت بحبه لها وتركته وتزوجت غيره ولكن المفاجأة هو أخ زوجها ! فماذا سوف يحصل عند معيشتهما تحت سقف واحد ولكنها مع شريك حياتها الثاني؟ قصه مختلفه تماما قصه من الواقع كل أسبوع حلقتين
