فتحت الباب وجان اشوف خاله مرام اي هيه اكيد نفسس ملامح ماما ارتميت بحضنها وهيه شبكتني وبجينا جان وياها رجال بس وجه ميكصه الطبر
مرام هذا خالج وليد
سمر هلو خالو ردت اشبكه بس سلم من وره خشمه
كعدنا وضليت احجي عالحادث وخاله تمسح بدموعي وهيه دموعها تجري
وليد يله هم ياله نروح لاتضلن تبجن صدعتني اني ضليت متفاجأه بس خاله اشرتلي عود ميخالف لاتهتمين
مرام يله خاله خلي نروح مالج مكان هنا بعد خلي نقفل البيت بيت خالج اولى بيج
سمر ...واني كل هذا وصافنه على خالي معقوله هذا خالي شنو هذا طبعه ولاجنه مقهور على موتت ماما
سمر ..خاله ومدرستي
مرام خاله هناك احسن المدارس
احنا ننقلج
المهم لميت ملابسي ورحنا لبيت خالي ومااعرف شنوو راح يصير مصيري .....طبينا لبيت خالوا جبير وحلو وعرفتني خاله على زوجته وبنته الي حسيته هن هادئات مالهن اذيه على احد ودلتني خاله على غرفتي
مرام ..سموره بنت الغاليه هاي غرفتج وهذا البيت اسرحي وامرحي بيه واني هنا شتريدين بس اشريلي
سمر ...خاله شو خالو مو مثلج احسه عصبي وشراني
مرام ..هو منو طيح حصنا غيره احجي بصوت ناصي
سمر ..شنو خاله
مرام هيج حبيبتي ماكو شي اروح اسويلج اكل اكيد هسه ميته جوع
سمر ..خاله بس اريد اسالج ماما ليش بعيده عنكم
مرام ..قبل كلشي خلي احجيلكم عني شويه اني اصغر اخوتي مزوجه بس الله مارازقني بااطفال عايشه بمشتمل بنفس ابيت الي عايش بيه اخوي هوو بالاصل بيت اهلي عافتلنياه امي الي ماتت من حسرتها على اختي الجبيره..زينب.. بعد ماشردت وي الي تحبه هاي تفاصيلها تعرفوها بعدين وعندي اخوي الي هو وليد مزوج وعنده بنات رفلاء وحنان ولد واحد اسمه محمد هذا مكسر ويوميه مسويلنا طلابه
مرام ...سؤال سمر عن امها خله غصه بكلبي
اكعدي سموره خلي احجيلج
امج حبت ابوج وهيه صغيره جان ماجر شقه هنا هو من اهل بغداد بس يدير شغل ابوه هنا شاف امج بالصدفه وهي رايحه للمدرسه ولحكها وبيوم اجتني وكالتلي ..
مرام احبه واموت عليه وسولفتلي شلون تعرفت عليه وهيه دسولف وجان يسمع وليد وطب علينا موتها كتل ...وحرمها من المدرسه
بس ابوج لان انسان شريف اجه تقدملها بس وليد ضربه وطرده من الباب وبيوم محسينا غير امج شارده وعايفتلي رساله وكايله بيها ماعدها حل ثاني وطلبت نسامحها امي تمرضت على اثرها وماتت واخوي تبره منها ومخلاني حتى ادور عليها ...
سمر هيه تحجي واني ابجي .اوف ماما شبعتي قهر وكل هالحب حبيتي لبابا
اكلت ونمت
وعدت ايام بهالبيت الي رغم كبره والناس الي بيه بس احسه مابيه روح مثل بيتنا وبيوم اجتني خاله مرام
مرام سموره لازم اروح اضرب ابره يم جوارينا اقفلي الباب لان خالج وبناته راحوا لبيت جدهم
سمر ماشي خاله
سمر بعد شوي سمعت صوت بالمطبخ كلت هاي اكيد خاله اجتي
رحت للمطبخ وجان انصدم بشاب طويل واشكر محسيت غير صحت يبووو جان يسد حلكي ...
