مرت ايام واني عايشه يم بيت جدو او الاصح بيت خالو وليد من اجيت لسه محاجي وياي وجه دومه كالبه بس زوجته وبناته ماالهن اذيه وزينات وياي بهالفتره عشت بقلق لان شفت نضرات محمد اليه محلوه
واصعب لحضات اعيشها هيه فتره الليل خوفي من الضلام واشتياقي لااهلي وحياتي يخلي ساعات الليل اسوء اوقات
مرام حسيت محمد موخالي نضراته لسمر وكعدته بالبيت ٢٤ساعه رغم هو جان ميلفي بالبيت صايحت سمر
مرام ..سموره خاله اريدج من تنامين تقفلين الباب
سمر ..ليش خاله
مرام ...احسن حبيبتي لاتناقشين
سمر ماشي خاله وفعلا بديت اقفل الباب من انام
وبيوم اندكت الباب عليه
صراحتا خفت الوقت متاخر وخاله بليل تروح لمشتملها معقوله خالو بس شيريد هو بالنهار ميحاجيني
صحت بصوت ناصي منو
محمد هذا اني افتحي الباب
سمر ...خفت هذا شيريد فكتله ولك شتريد جاي
محمد اريدج بموضوع
سمر ...ميخالف الصبح نسولف بهالموضوع
محمد ..افتحي يثوله لاافضحج
سمر ....محمد عيب جيتك لهنا روح يله
محمد ..تستشرفين براسي اني اعلمج وراح
كعدت الصبح خالو بالدوام وبنات خالو بمدارسهن ...اني هاي الفتره الح حتى يسجلوني ويتحججون بالنقل يتاخر
المهم خاله بعدها ماجايه وزوجه خالي تنضف دخلت للمطبخ لكيته متخصر واكف
جرني من ايدي وكال ليش مفتحتي الباب
كتله صدك انت متستحي وتقرب عود يريد يبوسني وجان ادفعه واضربه راشدي وكتله ياساقط ياماتستحي
كال اني اعلمج سهله الا اشمرج بره شمرت الجلاب
سمر اني كاعده بيت خالو
محمد ههههههه بسيطه نشوف
