الرجل الوحش

الرجل الوحش 18

الرجل الوحش

الحلقه 18

ذهب طه الي منزل شهد ليقرع الباب فتفتح له والدتها

وكعاده الامهات ياكلها نار خوفها علي ابنتها لتصيح فيه

انت عملت ايه ف البت ياطه من ساعه ما جت وهي دمعتها علي خدها ولا راضيه تاكل ولا تشرب انت مش عارف انها حامل ولسه كمان فاطمه ابنها من الرضاعه عشان الحمل

وقبل ان ينطق طه

صاح ابو شهد في زوجته بصوته الجهوري

ام شهد اكتمي خالص مش عاوز كلام كتير

هم مع بعض يصطفوا سوا هم احرار يولعوا ف بعض انا مش هدخل بينهم تاني

وتوجه له عندك اهي ف اوضتها خشلها

وبالفعل دخل طه

اما ام شهد فتعاتب زوجها بعد ان الجمها بصوته فلمت الدور كعاده اي سيده مصريه عندما يستشيط زوجها

ولكنه تلومه بصوت خافت

ابو شهد :الواد المره دي مش غلطان

ام شهد :انت عارف في ايه

ابوشهد :البت ليلي تعبت وامها استنجدت بيه عشان التاكس فراح معاها وانا استجدعته ف الحركه دي وطلع راجل فعلا واحد غيره كان استندل بعد اللي حصل منها

وعرفت انها عملت عمليه

ام شهد :ياكبدي تلاقي امها هتموت عليها

دي ملهاش غيرها

واجب اشوق عليها ياحاج دي ملهاش حد هنا ووليتين وحدهم مالهمش راجل

ابو شهد :صاحبه واجب وبنت اصول ياام شهد

ام شهد :يوه دي عشره عمل ياابو شهد من ايام ماتجوزت ابو ليلي وجم هنا وكنا ف الحته زي الاخوات بس الزمن ياما بيفرق

ابوشهد :خلاص بكره اخدك ونروح واعمللهم لقمه الست لوحدها

وناخد زياره معانا

( كانت هذه روح الشعب المصري عاده قبل غلاء المعيشه وتقطيع الناس بعضهم لبعض علي الجنيه

فذهبت الاخلاق وظهر اسوء مافينا )

اما طه دخل لشهد

شهد تقوم من فراشها

انت ايه اللي جابك روح للست ليلي بتاعتك ليجلس علي الفراش بتأوه ليريح قدميه من الم الوقوف طيله اليوم

فتنظر له شهد بغيظ طلقني ياطه

ليجذبها علي قدميه

طب عيني ف عينك كده

لتحيد ببصرها عنه

انت جاي هنا ليه عاوز ايه

طه :عاوز مراتي وابني ويحسس علي بطنها ومجهول الهويه اللي جاي ده