# الحظرية والشيخ "

الحلقة الأولى

# الحظرية والشيخ

،،،بقلم عذراء علي، ،،،

وكأني مدينة هاجر جميع اهلها هرباً من كوارثها ؟!

              .البصرة الفاو،

.جراح جبار سالم  مواليد ١٩٨٠، خريج كلية هندسة.. الابن الثاني لعائلة الشيخ اعرفكم على عائلتي اخوي الجبير جواد وانه جراح وصكر وراكان واختي جواهر وبعدها اخوي نمر واختي بزر الكعده والمدللة جمانة. 
.ابوي شيخ عشرة ال.... وجبير اخوته والكل يحترمه وكلمتة وحده مايثنيهة ، كلها تهابة وتحبه ، امي الشيخة ملكة ،اسمهة ملكة وصدك من سماها ملكة اخذها ابوي على حب جاان يعشكهة واخوها مايقبل ينطيهة لبوي وانتظرها سنين حتة صارت اله وهي بت عمه بس خالي جواد مايحب ابوي ويغار منه . هيج سامع من الوادم،
.جواد اخوي الجبير بس جاان عايش ابغداد يدرس وانه ادرس بالبصرة، وأنه لازم كل شغل ابوي وذراعة اليمين وحتى بالديوان انه على يمنتة وياخذ شوري بكل شاردة أو ورادة
وكل فصل و فاتحة انه ويا تعلمت منه وصرت
اعرف كل تفاصيل العشاير وسنينتهة وجاان الشيخ يكول اغمض عيني وانه مرتاح عبن جراح موجود ،كلمتي مسموعة بالبيت امر وانهي ومحد يتخطى على كلامي ابد الشيخ مخلي كلشي بيدي. 

                  .بغداد.

.غالية مواليد ١٩٩٤، مكملت دراسة ثالث متوسط  وبطلت
عائلتي ابويه متقاعد ماما ربت بيت ،
اخوي الكبير اسعد والثاني أمجد والخ ارشد
اخواتي فردوس الكبيرة وبعدها فاطمة وفرح
واني 😁 غالية،  وآخر العنقود اخويه فضل

.اسعد عنده معرض سيارات
وبيته وحده بصف بيتنه عنده ٦ اطفال

.امجد موضف بالكهرباء كاعد ويانه مزوج وعنده ٣ اطفال

.ارشد عنده محل حاسبات وشغلة بالنت والابراج
ممزوج 🙄،

. فردوس مزوجة ابن عمو وعندها ٥ اطفال

.فاطمة مزوجة ابن خالو وعندها ٤اطفال

.فرح مزوجة غريب وعندها  طفلين

.واني عااانس😁 لساااا

نرجع للبصرة بيت شيخ جبار

كاعدين نتغدا بيوم الجمعة كلها ملتمه عدنه ابوي كل جمعة يجمع عمامي وعيالهم ابيتنه المهم
انتفح موضوعي المايخلص وياهم.

.عمي صالح بويه جراح ليمت نفرح بيك شو تخرجت ولازم كل شغل ابوك شعايزك وماتعرس
نريد نفرح بيك بويه العمر يركض وانت مكضيهة عشاير وطلايب وشغل وهاي بتي شهلة انه موكفهة الك،

.جراح اتنوع لعمي كمل كلامه عمي بتك على عيني وراسي بس انه مامفكر بالزواج هسة
والبت لاتخليها واكفة هية مثل اختي حررام
تبقة معلكه عمي .نهضت من الاكل وكلت الحمدلله سفرة دايمه ،طلعت لحديقة أفكر بشغلي
لهناك واسمع صوت وراي هاي خويه بشنهي صافن بشهلة وضحك،

.جواد شبيك خويه جراح احسك مهموم احج يخوي شنهي سالفتك

.جراح لا خويه مامش شي بس افكر بشغل
لا تهم بيه

.جواد خويه جراح ليش مااتزوج خلينه نفرح بيك كلام عمي صالح صحيح شمتناني يخوي
الحجية ملكة خله ييمه على راحتة جراح عين الله عليه الف وحده اتمناه وانه اريدله وحدة
ماتخذة مني كون يبقة بسدي كاعد .تحجي وهية واكفة على روسنه،

.جراح كمت لمي بست راسها فدوه اغديلج يشيخة وكعدتها بصفي الله يرضه عليك وليدي
.جواد اشوف المحبة والرضى كلها لجراح
تره انه الخطار مو هو تنوعت علية وحجت
انت تعرف بس ترضي الحظرية وتمشي وراها
انه شنهي بعد ،

هاا هيج يمه يعني انتي ماراضيه علي هززت رأسهة وكالت لايمه راضيه ههه فدوات رحتلج يمه انتي الاصل شنهي نازك ماتاخذ مكانتج ابد
اي قشمرني بحجايتين.  لا يمه عيفك من لا يمه وكولي شوكت ترد لديرتك واهلك ماكافي ابعاد
ياوليدي لشوكت تبقه وره حرمتك يمه اخوك الحمل علية ثكيل دشوف حاله،

.جواد هم ردينه يمه انه ماامشي وره حرمتي
بس بغداد راهم عليها وحياتي كلها هناك وين
البعاد يايمه كلهة ساعات وذيج بغداد

.جراح يمه انه شبي حالي شهل حجي وخلي اخوي مرتاح بحياته ماشكيت الحال انه كمت منهم
دخلت للبيت وصارت بوجهي شهلة شلونك ابن عمي نزلت راسي وحجيت هلا هلا خويه شونج
بخير  دامك بخير ابن العم ليش ماتبين علينه
والله ياخويه مشاغل الحياة اكثار من رخصتج
صعدت لغرفتي اخذت ملابس سبحت وبعدها نزلت اخذت السويج ورحت للكاع مالتنه
لكيت العمال هوسة وصياح  كتلهم خير خير
شنهي شصاير بويه ، حجة حمادي يشتغل بالارض عمي الشيخ خالك جواد يهدد ويكول الكاع كاعي ماهلكم يومين وطلعون منهة
انه سمعت الحجي لو احس الدم صعد الراسي
حجيت بعالي صوتي الارض ارضنة واحنة تعبانين بيها مالكم غرض بااحد كملو شغلكم يابه
ركبت سيارتي ورحت لبوي كاعد بلديوان

.جراح السلام عليكم 

.ردو وعليكم السلام

كعدت يم الشيخ واتنوع لعمامي يسولفون ويتضاحكون ماكدرت اكدر خاطرهم سكتت

.الشيخ بويه جراح شبلاك اشوفك ساكت

هاا لا شيخ حسبه أبالي،  ها بويه مكضية ان شاء الله.

بعدها طشت الوادم كلمن راح لبيته بقة اخوي وعائلتة اخوي متزوج بت عمي اسمها نازك
عمي محمد عايش ابغداد. وحرمتة بغداديه
واخوي جواد عشك نازك وتزوجهة وهم بيته ابغداد  اخوي عنده ولد وبت، 

صار الليل تنوعت الشيخ كاعد ويفر بسبحتة
كلت خلي اسولفلة شصار اليوم،

# بقلم عذراء علي