في غيابك انتهى طعم الفرح

البارت الثاني واربعين

#قامت ايات من نومها اول ماقامت دخلت اخذت شاور قعدت تحت الماي تفكر في عايشة وايامهم مع بعض وضحكم وسوالفهم وراحت بعيد ما انتبهت الا بطق الباب ...

سبايكيو: شتسوين بالحمام
ايات: فارشة لي اتعشى لج خاطر
سبايكيو: عن السخافه شتسوين
ايات: بالحمام شسوون مثلا
سبايكيو:وايد اشياء
ايات: اكلي تبن
سبايكيو:ههههه يلا انا بره انتظرج
ايات: اوكي

#قامت ايات ولبست الروب وطلعت ...

ايات (بدون ماتحس لانه تفكيرها كان في عايشة) : شفيج عواش
سبايكيو( كانت تلعب في تلفونها رفعت راسها منصدمه): ها
ايات (انتبهت):لا وشي شفيج كنت افكر بعايشه الله يرحمها
سبايكيو:الله يرحمها قلت ايي اخذج نروح نتعشى
ايات:يلا بس خل ابدل واطق شعري هوا ونطلع
سبايكيو: اوكي بكلم احين لقروب
ايات:اوكي

#راحت ايات تجهز لها ثياب وخذت ملابسها وطلعت راحت تبدل وسبايكيو اتفقت مع لقروب على مطعم بعد نص ساعه ايات جهزت ...

سبايكيو:كملتي
ايات:يلاااااااا شجوفين
سبايكيو:يلا يلا كا بنروح ناكل باستا
ايات:اوكي

#ركبو السيارة وراحو المطعم وكانو هناك لقروب ...

فهود:يالبى اللي وصلو بس
سارة(تبوس سبايكيو على خذها): وحشتيني
سبايكيو:و انتي وحشتيني اكثر
سارة(بدلع):لا انتي اكثر
ايات:اللهم صبرني اقول بس خل ايي ياخذ الاوردر
الكل:ههههههههههه
ايات(لفت ويها وطاحت عينها على زين واهي عيونها في عيون زين ):هاذي شيابها اهني
خلود:من
ايات:هالحثاله
خلود(لفت جافت زين):ويععع كل مكان تطلع هاذي
ايات:خلاص ماعليكم منها طلبو

#طلبو لهم الاكل وتمو يسولفون بعد ربع ساعه يابو اكلهم واهما ياكلون جافو دينجرو وسمر داخلين .... جافتهم دينجرو راحت لهم

دينجرو: هلا هلا باللي رايحين كويت بدون مايقولون
ايات:الناس تسلم
دينجرو (تسلم عليهم وحدة وحدة ): مو عيب تروحون سكيتي
ايات:على اساس اذا قلنا بتين
دينجرو:اي بيي بس يلا حمدالله على سلامتكم
الكل:الله يسلمج
خلود(تبي تقهرسمر):والله يادينجرو كانت سفرة ناريه طافوج البنات صواريخ
ايات:ههههههههههههههههه
سمر:حبيبي انا بروح حق زيون
دينجرو:اوكي
ايات(لعانه):سمر شفيج ماسلمتي مو مالين عينج وبعدين تعشو معانا
سمر (تورطت):ها لا زين لانه شوي مضايقه فطالعين معاها ولا تزعلين (راحت حق ايات وباست خذها) الحمدالله على السلامه انشاءالله استانستي
ايات (قطعتها):دينجرو بتقعد معانا تتعشى واحشتني رفيجتي
سمر:بس
خلود(دخلت عرض):لا بس ولا شي ايات قالت كلمتها
سمر:بس زين بروحها

#قامت فهود وسحبت دينجرو وقعدتها وصارت تسولف ويها وسمر تطالع زين زين مو فاهمه شسالفه تنطرهم يروحون لها ....

ايات:سمر قعدي
سمر:زين بروحها
خلود:اي ناديها
سمر(تطالع ايات):عادي ايات
ايات:شله تسأليني ليكون بتقعد على راسي ترا يامكثرهم الكراسي انا شلي دخل في امها
الكل( ماعدا سمر ):هههههههه

#راحت سمر تنادي زين ..

زين: شفيها حبيبتج قاعدة هناك
سمر: قومي بنروح نتعشى هناك
زين :هااااااا
سمر:قومي هاي قرار ايات حاولت اردها بس ماقدرت اردها كلوني
زين:انتي من صجج تبي انا وايات نتجابل والله بتذبحني
سمر: قومي وفكيني
زين :لا مابي اقوم والله مينونه جايفتني

#بعد محاولات خمس دقايق قامت زين وراحت على طاولتهم وسلمت بس محد رد عليها السلام غير خلود وسارة وسابيكيو قعدت بكل هدوء وايات كانت تاكل و مفهيه رن تلفون ايات..

ايات:هلا قلبي
ابرار:مشتاقه لج حيل
ايات:اكثر والله
ابرار:وينج حبي
ايات:طالعه اتعشى مع القروب
ابرار:منو معاج بالضبظ
ايات:انا و سبايكيو و سارة و فهود و خلود و رهوف و شهودة وبلاكو و دينجرو و سمرو ورفيجتها زين
ابرار(بتنزفز): زين زين ماغيرها
ايات:اي حبيبي بس تطمني قلبي وعيوني وعقلي لج انتي (قالتها عمداً بصوت عالي )
ابرار:اخخخ فديت حبيبي يا ناس
ايات:فداج
ابرار: يلا حبيبي اخليج تاكلين اكلج عوافي قلبي
ايات:الله يعافيج
ابرار:ديري بالج على عمرج وانا بدش اخذ شاور وارجع ادق عليج فيديو ولهت عليج وربي
ايات:احبجججججج اوكي انطرج انا واحشني ويهج و انتي واحشتني
ابرار:اعشقج يلا حبيبي احبج باي
ايات:باي عمري

#سكرت ايات من ابرار .. زين كانت تلعب بالصحن وميته قهر من اللي سمعته وكانت تتمنى اهي مكان ابرار وتطالع ايات وايات مو طاقه لها خبر .... كملو اكلهم كلهم واتفقو يروحون سينمااا طلعو من المطعم ..

زين:عليكم بالعافيه روحو انا مابيي معاكم
دينجرو: ليش زين
سمر:زيون ليش تعرفين ماحب اروح فلم بدونج
زين:بس استانسيت معاكم خلاص بروح البيت بارقد
سمر:لا بتيين ويانا لا ازعل

#وافقت زين تروح وياهم بعد ما سمر كلمتها ... زين ماكانت تبي تروح عشان ايات موجودة وماتبي تنقهر اكثر وكانت طول الطريج تدعي ان ابرار ما تتصل حق ايات عشان ماتنقهر اكثر واكثر ...