بارت ١
#عفت الخلك لجلك
زهراء: اصيح ماما اتاخرت وين الجاي يلااااا
ام زهراء: ولج ماما شبيج مستعجله
زهراء: ماما محاضرتي ب ٩ لازم اوصل قبل ال ٩محاضره مهمه واعدل بكعدتي ع الكرسي
اعرفكم على نفسي...
زهراء من مدينة العماره عمري ٢٤ ادرس قانون مرحله ثالثه اني كبيرة العائله طولي ١٥٩ وزني ٦٥ وجهي مدور تقريبا عيوني سود حلوات وكاانما عيوني غزال بشرتي حنطاويه تبدي قصتي من بداية هلسنه
محمد : هاي البومه شبيه صيح من الصبح ؟
علي: يعني شبيه خابصتنه بجامعته والتزامه كلعاده
زهراء: وانتوا الزوج متروحون دوامكم هاي بدايته
اخواني محمد وعلي تؤائم اعمارهم ٢١
محمد طب مرحله اولى علي هندسه مرحله اولى
هدى: ماما بابا وين
ام زهراء: راح لدوامه
هدى: عندي امتحان رياضيات ردته يوضحلي مسائل مافاهمتهم
اعرفكم على هدى اختي الصغيره آخر العنقود عمرها ١٨ خامس علمي
طبعا والدي مدرس رياضيات اسمه مهند وماما مدرسة عربي اسمه سماره
زهراء: اجه سايق مالتي باي ماما طلعت اركض والبس بجنتي ولازمه الملازم وصعدت
وصلت للجامعه وامشي بهدوء هذي طبيعتي بلمشي من اطلع وبلجامعه وصلت للقسم مالاتنه سلمت وكعت ع الستيج مالتي واتلفت هذني زوج مالاتي ماكو
فاطمه: هلاو زوزو عمي شطالعه اليوم صاكه صاكه
زهراء: كاعده واتلفت منتظره صديقاتي مروه وريهام واجتني الفايخه فطوم طك بعلجه وتكلي طالعه صاكه جاوبته برود
زهراء: ولج فطوم أول مره شوفيني دسكتي شكد فايخه
فطوم: هههههههههه يا والغسل عود اتغزل بيه مو مال غزل انتي وطكيته ضحكه
زهراء: كمت اتبسم على تفاهة هاي الفايخه كاعدين بس اني وياه بلقاعه ومااحس اله صوت هزني هيج بيه نغمه مميزه صوته مااوصف جماله
حيدر: السلام عليكم بنات بلا زحمه منو عميد قسمكم زهراء: مالحكنه نرد السلام خرط الحجي خرط رفعت راسي اويلي الهيبه والطول وجمال العيون عذاب مااسولف عليهن ولا بس عسكري ونجمه ع جتفه زايدته جمال جاوبته فاطمه
فاطمه: خويه استاذ وسام بعده مجاي
حيدر: دخلت للقاعه لكيت بنات ٢ وحده تفرفر وحده كاعده دتقره سلمت وسئلت اوف الي لابسه اسود ذبحتني بنظراته من شالت عينه بس نظراته طبيعيه جاوبتني الخ ودرت ظهري وطلعت تمنيت هاي البنيه تجاوبني رديت شكرا وطلعت
زهراء: مالحكت اجاوب جاوبته الملكوفه فطوم بعد احسن فكتني
مروه : هلاو
ريهام: شلونجن ليش كاعدات هنا
زهراء : خايبات وينجن ليش اتاخرتن
ريهام ومروه ثنينهن حجن سوه
زهراء: اوكفن وحده وحده تحجي وجان يدخلون الطلاب والطالبات كلهم فطوم هاي شكو
حسام : يعني شكو يلفايخه اجه الدكتور محاضره
كملنه المحاضره وطلعنه جاي نمشي نروح للنادي اني ومروه ريهام فاطمه وكرار واشوف نفسه الولد الي اجانه للقاعه قبل نص ساعه واكف باب النادي يربي شبيه اني هاي الولد محد هزني ولا حرك مشاعري ليش من شفت هذا حسيت كلبي يطلع وامشي بهدوء وافكر والكل سبقوني للنادي بقيت امشي وحدي وصلت باب النادي واكف هو جان يصيح بلازحمه ممكن سؤال
حيدر: واكف باب النادي واوف شفته ام عيون الحلوه وياه صديقاته وطالب بس من شافتني ضلت تصفن وتمشي ع كيف كلت مااسئلهم اسئله على صديقي
حيدر: بلازحمه عيني شفته وكفت بااتجاهي كملت ولد صديقي اسمه حسام سلمان وياكم
زهراء : هم هزني صوته احس نغمه جاوبته اي عيني تلكاه بلحديقه الي يم قسمنه دائما يكعد بيه او اتصل عليه
حيدر: اتصل عليه ميرد لان بلمحاضره الظاهر مخلي تلفونه صامت
زهراء: اي يمكن
حيدر: شكرا
زهراء : عفوا
دخلت للنادي اشرتلي ريهام باانه احنه هنا كاعدين اجيت كعدت يمهم اكلنه وكملت محاضراتي كلعاده ورجعت للبيت تعبانه تغديت ونمت
يتبع....
عذروني بارت قصير وبااستعجال كتبته لان دا احضر للسفر
