كان قلبي لك مدينه ولاحظ اني قلت كان
كان قلبي لك مدينة ولاحظ إني قلت كان..
روايتي الثانية.. الأقل من متواضعة بين يدينكم..
حبيباتي شاركتوني ببعض القلوب مسكرة الله يبيح سدها
وانبسطنا مع بعض.. وفليناها..
واليوم نلتقي.. مع رواية جديدة..
كان قلبي لك مدينة ولاحظ إني قلت كان..
دعوة خاصة.. لبنات عزيزات على قلبي حيييل
وأبيهن يشاركن بفرحتي الثانية >> الدعوه ولادة خخخخ
الغاليات أبذكرهن.. بس تراهن كثيرات تحملن ..
توأمي السيامي.. وروح الروح.. وبنت العم حاملة الدم : الملاك الساحر
أول وحده وقفت جنبي وساندتني الغالية : حربية والمشية ملكية
الغالية.. حبيبتي.. وتوأم روحي.. : أنين الألم..
قلبي.. المرحة .. الي كلها وناسة : وجود
والبنات الغاليات الي حبهن معميني.. ومخلييني أهلوس ليل الله ونهاره
سويت شوشو , رنوبة , نور المحبة , مس دوت , ايمي, القلب المعتلي , غلا أبوهاااا , فراشة الدلع , والغالية مووت بنت الديرة الي هي بشاير نجد, وبنوتهـ مرجوجهـ , سوسو و دودو , وفي انتظار همس , والمتابعين من خلف الكواليس ..
وفرح القلب وهمسة دلع والسميراء
والكل بدون استثناء
~[ المواجههـ ]~
شهد بعصبية:وكيف تقرر عني؟؟ أنا قلتلك إني رافضة .. تعرف شو يعني؟؟
تركي: مو بكيفك.. أنا عطيت الرجال كلمة.. وملكتك بعد بكره..
شهد وارتفع ضغطها: انت شتقول؟؟ مجنون انت؟؟ ملكة بعد يومين من الخطبة؟؟
تركي: ليه وش وراك يا خانم؟؟
شهد: مو بكيفك.. مو عشاني يتيمة ومالي سند ..
تركي: أنا قلت وخلصت.. وأظن لي كلمة عليك.. أنا أخوك .. وولي أمرك..
شهد بصراخ: هذا ما يعطيك الحق إنك تتدخل بحياتي.. سااااامع؟؟
تركي: هه.. غصبن عليك.. ورجلك فوق رقبتك بتتزوجينه..
شهد: ايه.. ادفني مثل ما دفنت دانة.. انت الي قتلتها يا تركي انـــــــت
طلعت غرفتها تركض ودموعها بالأربع ما وقفت..
اليوم أخوها بيعلن نهايتها .. الي ما كانت مختلفة كثير عن نهاية المرحومة دانة..
بيزوجها غصب عنها.. طبعاً لأنه مالها أحد.. غصب عنها بيتحكم تركان بحياتها..
