7:00صباحاً
...: اف وهسة شنو البس دخييلك ربي ماعندي ملابس شون اروح للتدريب هيج💔😩 اخر شي اخذت ستره جلد سوده وجينز ثلجي وتيشيرت ابيض وعليه اسم نايك بل اسود وحذاء اسود وابيض من adidas
واخذت جنطه بيضه وحطيت غراضي بيه ونزلت للريوك صباحو
الاب: صباح الخير
الام:صباح النور
...: شونك بابا وبست ايده وحضنته وامي كذلك نفس الشي
الام: حبيبتي اخذتي مفتاحج وياج اني وابوج نتأخر اليوم بل شغل يلله نرجع
...: اوك ماما اخذت اللفه مالتي وكوب الكهوة وطلعت بسيارتي وصلت للمركز التقيت بصديقي مور
وفابيان
اها لحظه نسيت اعرفكم عن نفسي
تعريف :اني سيلان عمري 20 سنه ادرس شرطه ساكنة ب المانيا يعني نولدت هنا ب المانيا اني البنت الوحيده ل اهلي وماعندي اخوان او خوات احب الدرس الشرطه او التحقيق اهلي ابد ميرفضولي طلب لاني البنت الوحيده وامي جانت كل متصير حامل يوكع الطفل يعني صارت حامل قبل ب اربعه قبلي وسقطتهم واخر شي اني👼 بقيت مجلبه😂😂💔 المهم ابويه عنده شركه وامي السكرتيره مالته
حالتنه حيل زينه
الطبع: هسه اني طبعي حيل عصبيه بشكل مو طبيعي وعنوديه وماهتم ل اي شي او ل اي شخص
حياتي وية اهلي دائماً عركات بس هاي الصبح اكون رايقه ف احجي بهدوء اما كلامي فهوة كلام رجال عبالك صوتي خشن شويه وملامحي حلوه وطبيعيه ماحس بيه شي مختلف طولي 160 وبشرتي بيضه عيوني زرك وشويه بيهن اصفر همين وعندي خدود وغمازات رموشي طوال شويه زياده عن اللزوم يعني وصف طبيعي وزني 65 وشعري لخصري ولونه اشقر رمادي فاتح
هاذا اليوم احسه بيه تشائم هواي
فابيان: حته اني
سيلان: وهذوله اصدقائي المقربين حييل مني مور وفابيان وبعد بنيه اسمهة يلدز دخلنه قاعه التدريب اخذت هدومي مال الرياضه وبدلت اني ويلدز وسيلا احنه بس 3 بنات و 27 ولد بلشنه تدريب من الساعه 8:20 لحد 12:05 دك الجرس استراحه الغده تعبت فد مره اخذت جنطتي ودخلت للحمامات سبحت وطلعت نشفت شعري بسرعه ولبست حطيت مسكارا علمود تبين رموشي اكثر رحت للمطعم شتريت وجبه الاكل مالتي وكعدت وية كروبي يعني يلدز وفابيان ومور مو كل المجموعه خلصنه اكل ودك الجرس رحنه بسرعه للصفوف جان عدنه امتحان امتحنه وخلصنه وطلعنه رحت للبيت اهلي مموجودين طلعت كيك من الثلاجه وعصير وكعدت اكل خلصت غسلت الماعون والكلاص اخذت كتبي وكعدت ادرس صارت الساعه بل 5:00
اجوي اهلي صعدت لغرفتي ضليت العب بل تلفون صارت بل 7:30 نزلت جوه جانت ماما جايبه وياها شاورما اخذت لفه وكولا وصعدت فوك باوعت فلم اكشن وراهة غسلت وجهي وسنوني ولبست ملابس نوم ونمت
كعدت الصبح بل 7:00 كلعاده طبيت سبحت ومكيجت مكياج خفيف ولبست تيشيرت اسود وفوكاه جاكيت ابيض وبي خط احمر من Puma وبجامه سوده بيهة 3 خطوط من الجانب حمر من adidas وحذاء احمر مز adidas كذلك ونزلت بسرعه
صباحو
الاب والام: صباح الخير
سيلان: شونكم
الاب : حبيبتي والله حلمت حلم مو زين اليوم
سيلان: شنو الحلم بابا
الاب: حلمت نفسي مضيع كومه شغلات مهمه وادور عليهن ما الكاهن واخر شي تعبت فد مره ماعرف شنو تفسير الحلم
سيلان : حته اني والله اخذت كهوتي وكمت رحت للمدرسه ورجعت نفس التمرين والدروس بل طلعه
يلدز: سيلان وينج شبيج صارلج يومين مو ع بعضج
سيلان: والله ماعرف شبيه
يلدز: ليش شكو فهميني
سيلان: يلدز صديقتي المقربه واصلهة تركيه
بس مولوده ب المانيا وابوهة عراقي كردي يعني حجيهم مكسر بس من تصادقنه صارت تعرف تحجي زين كتله راح اروح يلله باي
يلدز: باي
وصلت للبيت ام وابويه يبجون
ذبيت جنطتي بسرعه ورحت يمهم شكو بابا شبيك
الاب: ولج ابوية مااات مات
سيلان ضليت مصدومه شون مات
الام: صار عندا مي بل رئه ومات يلله حبيبي كوم حجزت على طياره للعراق بل 10 بليل
سيلان: انقهرت على بابا حيل حضنته وكمت ابجي ويا
انطته ماما مهدء ونام حظرت جنطتي ماما كالت نبقى اربعين يوم وباجؤ اخر يوم دوام خابرت الاستلذ وحجيتله ضروفي واخذت اجازه منهم حضرت 4 جنط وجنطه عل ظهر عاديه ومكياجي وغراض سباحه عبالك رايحه اتونس 😅 خلصت كلشي صارت بل 5:00 رحت لتدريب الملاكمه والكاراتية ضليت اتدرب رجعت للبيت ب 8:00 سبحت وبدلت شعري بقيته مفتوح لبست جينز اسود وتيشيرت اسود وجاكيت اسود كلهة من adidas وعطري همين من adidas حطيت مرطب ومسكارا ونزلت جانت الساعه ب 8:45 اخذت سيارتي ورحت للمطار دخلت السياره مالتي بل طياره لان اريد اخذهة ويايه اهلي مادري بيهم وبن انصلت على امي كالت احنه ب صالة الانتضار رحت يمهم انتضرنه شويه وجتي الطياره صعدنه بل طياره نزلنه ب تركيا صعدنا غير طياره وصلنه للعراق رحت اخذت سيارتي واخذت العنوان من بابا واهلي جوي بسيارتهم اني سيارتي فيراري ولونهة ابيض وصلت للمكان كلهة تباوع علية جانوا ناصبين جادر مال فواتح وكلهم رياجيل بره نزلت سديت الباب ورفعت الجام علمود تنسد لان هية تصير مفتوحه عل هوا سديته طلعت جنط مالتي شلتهن شيل ما سحلتهن لان اكو تراب كدامي ف شلتهن جانو موو هواي ناس رغم جدي حسب ما اعرف كومه ناس تحبه وتعرفه دخلت للبيت نسوان بجي ولطم ضليت مستغربه احنه من عاداتنه ب المانيا منسوي هيج سلمت على بيبيتي وعماتي صعدني بغرفه فوك بيتهم حيل صغير جان حطيت غراضي ونزلت اهلي جانو جايين اول يوم الفاتحه جان مطر هل حجي الساعه بل 11:30 الضهر
حيل تعبت وجنت كلشي مماكله وهمة جابو جدورة حيل كبار وكعدوا يطبخون واني ضليت صافنه عليهم صاحني بابا برة رحتله وملهة تباوع همين حسيت نفسي محلوة لذا يباعون عليه رحت لبابا
الاب: سيلان بنيتي سلمي على عمامج وولدهم وولد عماتج سلمت عليهم كومه جانو ايدي وكعت واني اسلم بل عشرين واحد جانو
سيلان: بابا كم واحد هذول
الاب: والله ماعرف ما حاسبهم اخواني 9 يعني يطلعون وكل واحد عنده 6 رياجيل
سيلان: شباب بابا مو رياجيل بعدهم صغار
الاب: روحي فوتي بنيتي
سيلان: اوك بابا دخلت وعفتهم طلعت غراضي ودا اصعد بل سياره اجه ولد عليه
..:اوكفي وين رايحه
سيلان: لفندق علمود ارتاح
..: ابوج يدري
سيلان: لا وانت شعليك بعدين تسأل
...: امشي طبي مو بكيفج تطلعين
سيلان: لزم ايدي بسرعه دفعته وضربته بوكس كلهة مصدومه وتباوع نزف خشمه دم ضليت صافنه شسوي يربي اجه بابا انصدم
الاب: سيلان هاي ليش بنيتي هيج سويتي
سيلان: بابا يتدخل بيه وانت تعرف اموت من الي يلحون ويسألون هواي ويتدخلون بحياتي
..:يابه انتي شاربه شي
سيلان: اي مخدرات
..: انتي ماتوقع عمي رباج هيج تربية
الاب: كرم عوفهة تضوج احد يتدخل بحياتهة وتره هية عمرها 20 يعني مو صغيره فوق السن القانوني يا ابني
كرم: عمي والاه ماعرف شكلك
سيلان: اكرمنه بسكوتك ولتكول شي طلعت جكاره دخنتها بسرعه وصعدت بل سياره
كرم: عمي بنتك تدخن واسلوبها محلو ابد
الاب: ابني هاذا طبعهة ماكدر احرمهة من شي هي بنتي الوحيده بعد
كرم: اوك عمي وراح
سيلان: اني مو طبيعتي ادخن يعني الباكيت يضل يمي شهرين يطول لان ادخن بس اذا صرت حيل حيل عصبيه وهاذا ضوجني حيل نزلت ب فندق اجرت مال. 40 يوم لان ماتحمل بيتهم يخنك
البنيه: منكدر ناجرلج اكثر من اسبوع لان الغرفة محجوزه
سيلان: افف ماشي انعل رب هيج مكان
البنية: العفو اذا معاجبج روحي لغير مكان
سيلان: منو طلب منج تحجين بلله نطيته الفلوس واخذت المفتاح وطلعت حطيت غراضي وطلعت عل بالكونة وراهة بدلت لبست بنطرون ابيض مشكك وتيشيرت احمر Naik وحذاء ابيض وجنطه بيضه ونضارتي احمر نزلت رحت للصرافة صرفت فلوس وراهة رحت للسوبر ماركت اشتريت اكل يعني حلويات وجباسه وراهة اشتريت بيتزا وكولا تعشيت وراهة طلعت لمول المنصور شتريت ملابس سود لان ماعندي هواي اشتريت فستان اسود وجاكيت وقبعه ونظاره و 4 تيشرتات وثنين فساتين و3 جينز ومكياج شويه وعطور وماسكات اديه وكعت وبعدهم يصفنون عليه يحسسوني جايه من غير كوكب حطيت الغراض بل سياره ورجعت اشتريت عصير اكو درج كهربائي ما نزلت من الدرج كعدت عل يده مال الدرج وخليته هو ينزلني وكلهم يباعون ب ذهول خجلت شوية وراهة راسن طلعت صعدت بل سياره ورحت للفندق طبيت سبحت وطلعت لبست شورت وفانيله تعلاكه لان حاره شويه ونمت
8:00 صباحا
سيلان: كعدت طلعت نوتيلا وكيك وعصير وخبز واكلت
وراهة نزلت طلبت كهوة وطبيت سبحت وطلعت لكيتهم جايبين الكهوة بدلت ملابسي لبست تيشيرت اسود وجينز اسود مشكك وجاكيت اسود ربطته على خصري وجنطه سوده وحذاء اسود واحمر naik
واخذت تيشرت وبجامه وردي فاتح لونهن اخذت الكهوة ونزلت وصلت للبيت جانو كومه نااس هناك
حيل كومه اكثر مما تتوقعون ضليت صافنه شويه وراهة نزلت وقفلت السياره اجه بابا يمي
الاب:هلا بنتي
سيلان: هلاو بابا شونك
الاب: الحمدلله زين
سيلان: بابا ليش هلكد هواي ناس
الاب: شيخ العشيرة جاي
سيلان: شسويله
الاب: لتسوين وكاحه بنيتي ولتضربين الشباب
سيلان: بابا هوة بلش
الاب: باعي هسة شيخ العشيرة هنا لتسوين شي ينزل راسي كدامهم
سيلان: اوك ودخلت جوة هذولة مخابيل وربي سلمت ع ماما وشفت طفل كيوت يجنن ضليت العبه و طلع ابن عمتي الوسطانية اسمهة منى وابنهة اسمه سيف ضليت العبه عاد كلتلي راح تروح تحضر الغدة واني انتبه علية لازم نومته وصعدته فوك عمره سنه ونص
فتت للحمام وراهة صعدت فوك لكيته ماكو نزلت جوة سالتهم كالوا مشفناه لبست حذائي وطلعت
كرم:وين طالعه يمعوده رياجيل كومه بره
سيلان: سيف ماكو بل بيت جان يرد عليه ولد من وراية
..: شفته طلع بره وكلت هسة اكيد يدخلوه وضليت حاير بل جداري لذا مكدرت الحكه
سيلان: اوك شكرا وعفتهم وطلعت بيت جدي صاير ع شارع عام ضليت امشي على ايدي اليمنه وكله كبل لان على ايدي اليسره صاير الجادر لذا اكيد لو شايفيه جان دخلوه جوة سئلت بابا
الاب: لا ماشفته ابد
سيلان: اف وين راح يعني
..: اني شفته اخويه اخذة لمحل براس الشارع يشتريله لان جان يبجي
سيلان: اوف شكرا ورحت لراس الشارع شفته واكف بنص الشارع وحده وسياره قربت من يمه بسرعه ركضت علية بكل قوتي وشلته دا اريد اعبر ملحكت رأسن حطيت ايدي ع راسه وابدي الثانيه ع ضهره وحضنته قوي حسيت طرت وراهة وكعت مهتميت لل الم بسرعه كومته خاف بيه شي كلشي مجان بيه دا اكوم حسيت ب الم مو طبيعي اباوع كزازه جبيره سايق السيارة نزل بسرعه وتلخبط كتله ماكو شي بس الولد انتبه عليه شوية وناس كومه جتي تمددت بل كاع والنزيف صار هواي حته شيه عشيرتنه اجوي كل الي بل فاتحه وبهل اثناء جانت جاية سيارة الاسعاف عيوني فد مره غوشت سمعت واحد يكلي تسمعيني اني الضابط فاضل
الطبيب: رجائا اتركه مو بحاله تكدر تحجي بيه ترة اخي
سيلان: ضليت احاول ابقى فاتحه عيوني بس مكدرت
الاب: يارب استر دخيلك احميلي بنتي هل وحيده
الام: يمه سوده عليه بنتي انشالله بيه ولا بيج وتبجي
الاب: كافي الله عليج حبيبتي كافي والله اني هم كاعد اموت بس لازم نهدء علمود صحتهة
الام: شوف المستشفى حته ميهتمون للمرضى شون ابقي بنتي هنا بسرعه ناخذهة لمستشفى اهليه بسرعه
الاب: بس اهدي اني راح اسوي كلشي اوك
كرم: عمري اهدوا شوية شتنقلوهة مصاريف كومه والله تصير
الام: شوف اسكت احسلك لو اصرف عليها ملايين الدولارات عادي عندي المهم تطلع بخير
الاب: حبيبتي اهدي
طلع الدكتور وكلهة التمت عليه
الام :دكتور بنتي شونهة
الدكتور: صحتهة زينه بس عدها كسر ب ايدهة جبسناها ل ايدهة وخلصت العملية ع خير
اذا تفاعلتوا بهل بارت انشرلكم التكمله اوك حبايبي
