مرت السنين وكبرنه رسبت بخامس ابتدائي واخويه جبير لا يقرا ويكتب بس اني واماليد نقرة اماليد اداوم واني بطلت من المدرسه وكاعدين بيتنه وبيبي ام بابا عايشه ويانه لين جدو متوفي وعمو هوة وعائلته بغداد وعماتي مزوجات بغداد وحده من عماتي مزوجه ابن خالت بابا لاعب منتخب العراق معرووف وثانيه ماخذه اخوه بس هذا رتبه عسكريه بلجيش
صرت عمر ال ١٦ سنه وبدت الخطابه تخطب بس ماينطوني كبرت وبين فترة وفترة اروح البغداد ويه بيبي يم عماتي عدهم بنات يم بيت عمي عدهم ٣ ولد وبنيه وحده
اني من النوع الاجتماعيه اسولف اضحك اجامل اشاقه اهلي منطيني مطلق الحريه حريتي حيل زايده
جانو ورا بيتنه بيت عم بابا بيت ام علاء عدهم ٥ ولد ٢ بنات يعني احاجهيهم من سطح بيناتنه سياج كولش ناصي اشاقه واسولف وي ابنهم جان علاقتي وي ابنهم فهد اكثر شي بس عادي وي كلهم علاقه طيبه
شافني عمي وكال هاي فاتن اريد اخطبهة ال ابني وابن عمهة اولى من الغريب كالو وين نلكه احسن منكم رجعنه للبيت امي سمعت ماقبلت كالت لا مانطي ل علي اني ماازوجهة طبعا بابا يمشي برأي ماما لو كلتله البحر ناشف خلاص البحر ناشف
فترة رجعنه خبر ل بيد بيبي كنالهة البنيه بعدهة زغيره مانزوجهة هسه كال هاي هيه علي ابن عمهة 👇
ورا ٤ ايام اجت عمتي النه وكالت اريد اخطب فاتن ال ابني ابنهة اسمه امجد اهلي قبلو كالو كبعي واخذي سمع عمهة وكال اني نهاي على بت اخوي شلون من خطبتهة ماتنطون اشمعنى امجد تنطوه وعلي ماتنطوه 🤔
مرت اسبوعين و ام علي راحت دورت سنه مال كرايبهم وشافت امي كلتلهة امي ليش خيه ام علي رجلج ايريد ينهي على بنتي ..
كالت ام علي عيني لا ينهي ولا شي شهل كلام هذا كلشي قسمه والمايريدني ماريده
كالتلهة امي يعني هاي هيه تمشي البت بقسمتهة كالت ام علي الله ومحمد وعلي وياها شريد منهة
الخلقهة خلق غيرها بس عمهة مدري على شنو امجلب 😒😏
تعرفو على علي ابن عم فاتن
سلام🙋♂️ اني علي ابن عم فاتن مواليد ١٩٨٦ مخلص ثالث متوسط واداوم ب وزارة الدفاع ***** متعين وعايش حياتي واحب وحده وحاولت ويه اهلي ايخطبوهة اليه ماقبلو لين اهلي متشددين وكالو البنيه هاي خفيفه ماتفيدك وتلزم ضهرك اخذلك زغيره تربيها على ايدك (اممم ميدرون هسه الزغيره اتربي وتربي عشيرته على ايدهة) بعدها رفضت فكرة الزواج وبقيت بعلاقتي وي اسراء البنيه الاحبهة بس الوالد الله يسلمه جلبلي اله تزوج واني بصراحه كيفت من ماقبلو بس ضجت ليش شبيه وارفض يله اني احب اسراء كلت اتمر فترة وبلكت ارجع اخطبهة ل اسراء ولو اذا قفلو بعد لو يجي القعقاع يله اني اروح احاجي الحب مالتي كافي تعرفتو عليه
طبعا ايجوز راح ينذكر بعد علي
فاتن سولفتلكم على علي ابن عمي حلو ورجال اله شخصيته وكلهة اتحبه لين شخص صاحب غيره ورزن وشقاوجي ويضحك بس اني بعدني بكيف اهلي او بل احرى امي كالتلي امي على امجد وفاتحتني بل موضوع وين اكو احسن من ابن عمتج وبيت عمتج ناس حالتهم الماديه ممتازه وعدهم افلوس وارقى منطقه كاعدين وعمتج حنينه تحبج واذا ردنه افلوس دائما ايدانونه اقبلي هاي فرصه
كتلهة افكر 🤔
علي 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
