بين العشق و العناد/بقلمى اميرة الشربيني(ميرا نوفيل)

البارت الاول

في الصباح بيوم جديد بعد يوم متعب و مرهق علي البنات
ماريام صحيت قبل سما و تقي زي كل مره و تطلع برا تلاقي سندس صحيه و بتشوف الاخبار علي الفون

ماريام:
صباح الخير

سندس:
صباح الورد يا حبيبتي لسه بردو البنات ماصحيوش

ماريام:
اه اتعودي علي كدة بقا

سندس:
هههه طيب هقوم بقا اعمل الفطار و حولي تصحي سما و تقي

ماريام:
حاضر هقوم اهو

فعلا ماريام قامت وصحت سما

ماريام:
سما اصحي بقا

سما بنعاس:
سبيني شوية

ماريام:
يابنتي هتتأخري علي الكلية

سما قامت:
اهو قومت اعمل ايه

ماريام:
قومي كدة و خودي شور وفوقي لحد ما ماما تعمل الفطار

تقي وهي لسه نايمه:
هو كل يوم بنسمع نفس الاسطوانه يا ناس

ماريام ضربتها بالدبدوب

ماريام:
اه ياختي وهستمعيها طول عمرك

تقي:
ههه ماشي احلا اسطوانه

سما وهي داخله الحمام:
طب مافيش تغير للأسطوانه اصلي زهقت منها

ماريام:
روحي يا كلبه خوشي

سما جريت علي الحمام

سندس خلصت الفطار و حطت الاكل طبعآ بمساعدة البنات
و فطروا بس لقوا الباب بيضرب

ماريام:
ثانيه هقوم افتح اشوف مين

سندس:
ماشي

ماريام قامت تشوف مين لقت عم ابراهيم صاحب البيت

عم ابراهيم:
ايه يا ماريام هقعد استني الايجار كتيير

ماريام:
عم ابراهيم!.معلش هنجيبهملك بس استني علينا شوية

عم ابراهيم:
مستني لحد امتي؟ لحد ما اموت!!

ماريام:
بعد الشر عليك ماتقولش كدة بس انا هحل الموضوع واجيب الايجار ماتخفش

عم ابراهيم:
اما نشوف انا ماشي ومن غير سلام

عم ابراهيم مشي و ماريام قفلت الباب و علي وشها الحزن

سندس:
مين يا ماريام

تقي:
مافيش غيرو عم ابراهيم صح

سما:
هو مابيتهدش كل يوم كدة ده واحد وقح صحيح

ماريام:
خلاص يا سما الله

سندس:
سما عيب انا كدة ربيتكم و بعدين هو لو وقح ماكنش استني علينا كل ده

سما:
اوففف

تقي:
خلاص ماما عندها حق يلا بس نكمل اكل

ماريام:
خلاص انا كلت رايحه اظبط نفسي عشان نروح بقي الكلية