شعر فاتن👆
بسم الله
فاتن بعد ماقنعتني امي وضليت افكر ولو هوة القرار محسوم ماطول امي راضيه عليهم ولو مو عليه هوة
بس علمود الامكانيه وكل ام تتمنى هيج قسمه لبتهة
حتى لا تشوفهة مشلوعه قلب
فكرت ورديت الخبر ل امي كتلهة خلي عمتي تجي
طبعا بيت عم ابويه بيت ابو علاء شالو من البيت الورانه شالو ل ديالى بس ويه البنات على تواصل
وسأل على فهد بين فتره وفتره لين صديقي اشوف
بعيونه الاعجاب بس حتى لو اني ابادله امي ماتقبل
لين مو عائله مرتاحه كلش ماديآ
مرت اسبوعين وعمي بعد ماحجه علمود ابنه زوجته محاجيته
اجت عمتي شافتنه وفرحانه وكالت ولج اله ادللج دلال
اشو رجلي ميت عليكم وعلى الحجيه امي وامج احبهة لين علويه كتلهة لشوفي عمه بس متردده
يله وين متوصل خل توصل بقت ٣ ايام يمنه وراحت زيارات على كرايب ماما بيت الساده وشافت بيبي العلويه لين ايحبوها حيل فطيره عمتي والبكلبهة على السانهة
كالت راح اروح ومن ينزل امجد من دوامه اجيبه ايشوفهة لين صار اكثر من ٤ سنين مجايه فتونه وشايفهة وصايره مره وحلوة احلى من قبل
راحت عمتي مر شهر وخابرتنه على تلفون لين ماما شافت بيبي ونست تلفون هناك بيت جدوو اهل ماما لين جيرانه ايصيرون
اجت خالتي كالت حماتج ام امجد خابرتني وكالت خلال هاي ال ٣ ايام نجيكم كتلهة هلا بيكم
البيت بيتكم ميحتاج تنطون موعد كالت لا
مو علمود اخويه خاف بلدوام هم اريد اشوفه وامجد
ايشوف خاله
اجت عمتي وامجد دخلو ب١١ صبح لين طالعين من صبح على براد الوكت امي كعدتنه من صبح طبخت احسن الاكل واني نضفت البيت وشغلت المبخره
وكملت امي كالت بدلي وحظري روحج يله راح يجون
لين امي كلساع اتخابرهم وتسال امي حيل راغبه لهل زواج عبالك عرسهة مو عرسي
سلمت على عمتي وعلى امجد عادي لين اجتماعيه ماخجلت منه هوة يراقبني بنضراته من اكوم ومن اكعد ومن امشي ومن اكل دخلت الفحص الشامل على لبسي على جسمي بس اني ماحافه وجهي يعني كلشي طبيعي ضل ويانه يشاقه ويسولف ويحشش خلصو غدة وشربو الجايات نامو للعصر امي مسويه كليجه
وجاي عصرونيات انجمعنه ناكل عمتي كالت عيني
اخذيني البيت ساده زحمه اجي هنا وامشوفهم متعوده اسلم عليهم فشله اذا سامعين بيه مامرتلهم كلتلهة نخلص ونروح
باوع امجد ل اخويه حسن وكله ضوجه ماعدكم كورنيش سوك فدشي اتشوفني حتى لو نوكف براس شارع
كله امشي للسطح ذاك اليوم لزمت شلون طير واخمطه مني جيرانه وبليل عبرت على قفص طيوره وملصت ركبهن كلهم ونعلت اهل اهله
امجد كله ي مو انته وصيتني على طيره ذاك اليوم وصيت جماعتي مالكيتهة بس اني نص طيوري ماتن
اتمرضن وخذتهن طبيب بيطري بلسوك وانطاني الهن حبوب اخبطهة ب ماي وازقهن بسرنجه 💉💊
