#عفت الخلك لجلك
بارت٥
اتمشى بلجامعه وشلت تلفوني اتصل على حسام
حيدر: الو حسوم وينك
حسام: بلنادي باشا تعالي
حيدر: حسام دومك جوعان وساكن النادي
حسام: هاي العزيزه غير نداريه يلا تعال
حيدر: جايك
واني اتمشى للنادي شفتها هيه وصديقاتها كاعدات بلحديقه القريبه ع النادي يسولفن ويضحكن عيني منشالت عنها شوكت اكعد يمج واحجي وياج يزهوره اوف
دخلت للنادي واشوف حسام وتوجهت اله كعدت يمه واكو ولد ٢كاعدين يمه
حسام: هلا بلباشا
حيدر: هلا بضلعي
حسام: اطلبلك شي
حيدر: لا اريدك بموضوع بالي مشغول
حسام: كول
حيدر: نظراتي توجهت للشباب الكاعدين موضوع خاص وحساس جدا
حسام: لعد انتظرني اكمل ونطلع نتمشى
حيدر: يلا استعجل
كمل حسام وطلعنه نتمشى بديت بلكلام
حيدر: حسوم اني معجب ببنيه مو معجب بيه احبه صارلي اكثر من شهر هنا وكضيتها نظرات
حسام: فتحت عيوني ورخيتهن ها وكع الباشا
حيدر: اي وكعت
حسام: كلي منو هاي تستاهل لو لا
حيدر: زهراء
حسام: زهراء
حيدر: اي شبيه
حسام: مابيه شي البنيه حيل مؤدبه وخلوقه وعلاقته جيده وي الكل وبحدود والكل يحترمها ويحسب اله الف حساب
حيدر: جيد اريد اوصل اله شلون
حسام: وحده من صديقاته صديقتي وقريبه عليه اكولله وهيه تكول اله وترجعلي جواب اي او لا
حيدر: هاهيه اعتمد عليك وكون البنيه ثقه
حسام : لا لتخاف صديقته
حيدر: ماشي حبيبي انتظر الجواب مستعجل بلش من هسه
حسام : صار باشا وضربت ع متنه
زهراء: دخلنه محاضره دخلت ولكيت الباشا حيدر كاعد ع الستيج الورايه تماما كاانما حجزه بيده سبحته ومحبسه الي يلالي بيده ولازم لحيته ويباوع عليه ويتبسم كعدت كملنه محاضره كانت آخر محاضره طلعنه دنتمشى اني والبنات اجه حسام صاح فاطمه
حسام : هلاو بنات
البنات: هلاو حسام
حسام: فطوم تعالي رايدج
فاطمه: اي جايه امشي كدامي مواضيعك ماتخلص اكيد ع هاي الزركه صاحبتك
حسام : ام حلك وشبيه الزركه مالتي ع الأقل حظها كاعد جي احبها
فاطمه: اوووو ع حورك انت هم شلونك
حسام : كافي تلغين وتعالي بسرعه
فاطمه: مشيته بعيد عن البنات هاكول شكو
حسام: اسئلج كم سؤال جاوبين بصراحه
فاطمه: دكول شكو
حسام: زهراء تحب معجبه بشخص
فاطمه: لا انت تدري بزهراء
حسام: اكو شخص معجب بيه وميريد يصارحها مباشرة خاف تنحرج وترفض
فاطمه: منو بس لا هذا الملكوف همام اشوفه ياكله بنظراته
حسام: انتي غبيه تدرين بهمام صارحها ورفضت
فاطمه: اوك منو اكول اله
حسام: الباشا حيدر
فاطمه: خليت ايدي ع حلكي اويلي
حسام: هافطوم بس لا معجبه بي
فاطمه: باارتباك لا ويع شسالفه
حسام: تكوليه الولد معجب بيج ويحبج ومتخبل عليج ورايدج من صدك شنو ردج ترجعيلي جواب انتظرج بليل
فاطمه: اي عيني تدلل يلا رايحه باي
حسام : انتظرج بليل الله وياج
فاطمه: مشيت بخطوات ثكيله اني ميته وهو رايد زهراء شنو حظج يفطوم
حيدر: رجعت للبيت كل امل وفرح انتظر الجواب منها لحضه لحضه حتى اكدر احاجيه براحتي واتغزل بيه وتكون حلالي تعبت واني اتمشى بحديقة بيتنه ستوني داخل قطع سلسلة افكاري كرار يلعب وي ابن ذو الفقار
كرار: ها سيادة الباشا خوب الكرابصار علينه ادخل يردونك بلديوان
حيدر: اي مو اشوفك محزم شو جاي تلعب وي سيف يلا العب اني داخل للديوان
................
زهراء: حسام صاح لفطوم وراحت نص ساعه ورجعت رجعت لونه متغير وضايجه سئلناها ماجاوبت اجتني اخواني ورجعت وياهم دخلنه للبيت لكينه بابا الحمد لله زين ويسولف ويضحك
محمد: ها بابا بشرني شصار
ابو زهراء: من وره ماطلعتوا تريكت ورحنهاني وامكم ع شيخنه وحجيتله كلشي كال العصر ادز عليهم وع عمامك واحله بينكم وادز عليك احسن من المحاكم
علي: بابا ترة نروح وياك
ابو زهراء: اكيد بابا اخذكم
زهراء: أن شاء الله تنحل بابا مدام صارت يم شيخ اكرم
ام زهراء: اي ونعم منه خوش زلمه
رحت على غرفتي بدلت وغسلت نزلت تغديت غسلت مواين الغده ورحت نمت للمغرب كعدت نزلت بعدهم بابا والولد بيت شيخ اكرم لزمت التلفون واتصفح انستا لكيت فاطمه مراسلتني
فاطمه: هلاو زوز
زهراء: هلا فطوم
فاطمه: شخبارج شلون ابوج
زهراء: الحمد لله بخير احسن
فاطمه: مراح اكلله ع حيدر حيل احبه وهو الي اصلا ميفيد زهراء مو يمها
زهراء: شفت فطوم صفنت حجيت ها فطوم شفتج ضايجه اليوم بالج شي حجيلي
فاطمه: لا ولج ماكو شي مشينه للبنات بلكروب ديسولفن
زهراء: ماشي تعالي ...
حسام: الساعه ب ٨ بليل راسلت فاطمه
حسام: مساء الخير فطوم
فاطمه: مساء النور هلا حسام شخبارك
حسام: تمام زين شصار حجيتي لزهراء
فاطمه: اي حاجيته
حسام: عدلت كعدتي اي وشصار
فاطمه: تكول اني مااحبه ولا بالي ولا اريد احب
حسام: معقوله اشو الولد يكول تنظرلي نفس النظرات
فاطمه: هذا الحجي الصار بعد شعليه انه
حسام: اشكرج ماقصرتي باي
فاطمه: باي
هسه تصير حصتي حيدر ميجوز تباوع لغيري اني متت عليك من اول ماشفتك
.........
زهراء: كاعده اصلي بغرفتي وسمعت صوت الباب كملت صلاتي نزلت ركض
هذولي بابا والولد
ام زهراء: ها ابو زهوره شصار
ابو زهراء: باابتسامه لطيفه الحمد لله نحلت
زهراء: بابا حجيلنه تفاصيل
ابو زهراء: اكعدوا احجيلكم تفاصيل دخلوا خواني وادعوا بلعدهم لكن اني عندي اوراق اصليه وشهود وشيخ اكرم ولده والناس الكاعده جان الحق ويايه واعترفوا بغلطهم خلاهم الشيخ وصارت هوسه واتجاوزوا عليه
هدى: عمت عينهم
ابو زهراء: شيخ اكرم هدئهم وكعدهم ومشوا ابو الفضل العباس ع عليه وعليهم وصالحونه الحمد لله
زهراء: اي الحمد لله
ام زهراء: الحمد لله طبعا اخوانك ماهر وكاظم زينين بس عامر يحرض بيهم
ابو زهراء: بعد تصالحنه والله يهدي الجميع
ام زهراء: اي الحمد لله
زهراء: بوست بابا وصعدت لغرفتي ارتب غراضي وحضرت ملابس للدوام باجر
يتبع......
بنات اريد دعمكم الي اريد متابعين وتصويت تكدرون تنشرون حسابي تروجون لهاي القصه اكون ممنونه ❤
بوساتي😘
