البارت 2
زهره من بلادي
#طائر بلا تغريد#
بيوم جمعه كاعده اباوع علتلفزيون كالت ماما طبو اسبحو
طبينه أني و فرات حبيت اظحك وياهه
درت وجهي عل حايط وخليت شعري عل وجهي ورفعت اديه ثنينهن مستقيم وغيرت نبرت صوتي وكتلهه
أني ميت واجيت اخذج يا فرات ه ه ه ه
فرات.... يمه وركظت فتحت الباب وطلعت ههههههه ولج فرات ولج تعالي اتشاقه وياج ماكو بنص البيت وتصيح وتبجي هههه
اجت امي عل صوتهه تخبلت لزمتني ودك عل ضهري هههههه
مرت الأيام ونجحت من الأول الثاني الدروس صعبت عليه كرهت الدراسه صرت يوميه اشبع بجي الصبح حته ما اروح للمدرسه
اكعدي ريحانه يلله راح يبدي الأصطفاف
ما ما ماروح للمدرسه
وج يمه ليش تتنحسين من المدرسه مو هاي اختج وياج تروح وترجع
ماما أكرهه للمدرسه فاهمتني ما احبهه
يعني شلون تبطلين
أي ابطل
لو تموتين ماكو تبطلين من المدرسه يلله كومي لا اكومج بلصونده
يو يارب كون صاروخ ايراني ويوكع عل مدرستنه
يارب كون نكعد الصبح نلكه المدرسه متفلشه
ههههه اي ظلي بس ادعي بلكت الله يستجاب دعائج
رحت للمدرسه وجان عدنه املاء واني مقاريه
اخذت 5من عشره
وهاي العوبه فرات اخذت عشره من عشره
بيومهه تخبلت عليهه كتلهه انتي تاخذين عشره اليوم اليوم
رجعنه للبيت اول مدخلنه لكيت بابا كاعد بلمطبخ اول ما شفته طكيتهه بجيه
ليش تبجين تعالي حبيبتي ريحانه ابوج ليش تبجين
بابا فرات تعيب عليه بلمدرسه وخلت البنات كلهه تضحك عليه
شنو تعيب عليج
أي
شكالتلج بلله
تكلي الزركه أم كراعين
شنو ولج فرات تعالي الي اموتج شلون تعيبين عل ريحانه
فرات.... أني والله ماعيبت
ريحانه..... لا عيبتي عليه بلصف تكليلهم هاي زريكه
والله بابا جذب
اس ولا كلام فرات انتي الجبيره هيج تسوين بأختج حرامات والله عبالي حبابه طلعتي حقيره
امشي منا يلله
حظنت بابا واني اناشغ جذب بيومهه كلش ارتاحيت
ماعرف أني خبيثه لو طفله بعدني بس الي اعرفهه هسه كولش متندمه عل الي سويته بفرات
مرت الأيام والحرب بعدهه
وكل ما جالهه تكبر وننطي شهداء اكثر
بابا بعدله كم شهر ويخلص جيش جان فرحان وهو يسولف النه عل مشاريعه من يخلص من العسكريه
