كلشي محجيت ضليت ساكته رفض الجهاز فتت للغرفه أولا خل اكلكم على البيت البيت طبعا
دائر مدايره حديقه حيل حلوه وندخل رئسن هول (غرفه استقبال)وهاي الغرفه
بيها مطبخ مفتوح بل مطبخ نافذه او شباك يطل على الحديقه البرا وممر صغير
بي غرفه ودرج فوك غرفه وحده بس ف غرفتي جانت الجوه ...
اني ميته جوع حيل جوعانه يومين مو ماكله شيء استحيت اطلب منه أكل فكرت
انو التهي وانام لأن حيلي جان مهدود وتعبانه كلش اتضايقت من ملابس الطلعه
اكو كنتور (خزانه ملابس ) فتحته لكيت ملابس بالعلامه مالتهن جديدات بدلت غير
ملابسي اكو شباك (نافذه) يدخل منها ضوء الشمس الجو جان حلو وريحه الزرع
والورد حيل طيبه خليت راسي على المخده هوه دك الباب صحت منو كلي منو
اكو بل بيت غيري ؟ كمت فتحت الباب كلي تعالي اكلي كتله مو جوعانه كلي
يا مو جوعانه بربج صارلج يومين لا أكل ولا شرب؟ تعالي اكلي طلع راح صعد
فوك اني رحت اكو طاوله بالمطبخ وبيها أكل كعدت أكل خلصت كمت غسلت
ايدي وشلت الاكل للثلاجه حيل روحي طاكه ونفسيتي تعبانه بل هول(غرفه الاستقبال)
اكو بلازما شغلتها وكعدت اتفرج هوه منزل من فوك كعدت ع بلازما ساعه 3 الضهر
محسيت الا ساعه 9 بليل شنو السالفه شبسرعه مر الوكت؟ نعست شويه
كمت للغرفه خليت راسي على المخده مكدرت أنام لحد ساعه 1 بليل اني
بس اتكلب بفراشي الشباك جان مفتوح ونسيم الهوه حيل حلو يجي منه
لكن جان تبريد معلوك كمت سديت الشباك وضليت ع تبريد الغرفه صارت ثلج
مسمعت اله الباب انفتحت اندرايت لكيت سيف سألته شتريد؟ كلي حاره فوك
ف جيت هنا كتله ليش مو اكو تبريد؟ كلي ماكو فوك تبريد عندج مانع انام هنا؟
كتله لا ليش عندي مانع نام هنا واني رح انام فوك كمت داطلع كلي منو سمح الج
تنامين فوك ؟ كتله ليش مثلا بهاذا البيت أخذ إذن وين انام؟ كلي أي كتله مو بكيفيك
هيه عوفني بحالي مو تمشي شهر عدل وسنه اعوج كلي هاي عليمن اعوج؟
كتله عليك ضربني راشدي لحد هسه ما أنساه بحيث وجهي صار دم هيه ضربه
وهيه دفعه حيل للحايط ضهري تكسر كمت ابجي ع صامت كلي بعصبيه وصياح
ليش متخلين واحد يمشي عدددددل وياج بنت الكلب ميكفي حته اهللللج عافووج
الله اااااعلم شمسويه الهم اني كمت اصيح كتله ااااانت دمرتني من يوووم
شفتككك مشششفت خيرر وتلوومني راجع نفسك وشوف شسويت شعملت بيه
سألني نزل الطفل؟مجاوبته مره ثانيه نزل الطفل؟ كتله اي كال كلش زين
واستلمني بوكسات وضرب كام كلي تأدبي لتجاووبين بالله العضيم ماجوز منج
ولاتفكرين أمل من الضرب تره مامل لو يجي الله ف عدلي احسن الج اني ضليت
كاعده بمكاني من الاذيه مابيه حيل ابجي اذيه مو طبيعيه الكافر ميعذبوه هيج
أحس نفسي نشليت اي شيء احركه من جسمي اتأذه ضليت جامده بمكاني
كعد ع جربايه (تخت) خله ايده على وجهه ويستغفر الله طفه الضوه ونام اني
ابد متحركت من مكاني دك جهازه باوع على الجهاز اني من بعيد شفت امي تتصل
يالله بس خل يرد كعد رد على المكالمه ولأن جان هدوء صوت المكالمه مسموع
ف امي كالت الوو مرام وينج يمه هيه هيج كالت دموعي مادري منين كامت تنزل
ابجي ع صامت كلها سيف شتردين؟ كلتله وين بنتي اريدها كلها ماعندج بنيه
يمنه يلا مو على مزاجكم تاخذوها وترجعوها باي كلتله بننننتي مو اني طردتها
اريدهااااا البنتي ما لكم حق تاخذوها جيت للبيت وماكو أحد نطوني العنوان واني
اجي اخذها كللها بنتج يمي وانسي عندج بنيه يمي اعتبريها ماتت اعتبريها ضايعه
اي شيء وقفل الجهاز كتله بعد ماعندك حجه خلص امي واتصلت رجعني لاهلي
ولله ماريدك انت صرت كابوس بحياتي!!كلي بابا انتي صاحيه خليها حلقه ب اذنج
خلي هاي الكلمه تتكرر دائما بدماغج انتي خلص ملكي وبس لاتحاولين وتعيين
نفسج لحد ما أنزل للكبر يلا تشوفين حياتج ماطول اني عايش انتي ملكي
مرح اكرر هلكلام رجع نام اني ضليت ابجي بمكاني لأن صدك صار كابوس
حياتي رجع ابويه إتصل
يتبع...
أنت تقرأ
حبيبي أخ زوجي
Roman pour Adolescentsكانت تعشق شخص ما على مواقع التواصل وفجأة شكت بحبه لها وتركته وتزوجت غيره ولكن المفاجأة هو أخ زوجها ! فماذا سوف يحصل عند معيشتهما تحت سقف واحد ولكنها مع شريك حياتها الثاني؟ قصه مختلفه تماما قصه من الواقع كل أسبوع حلقتين
