البارت 3
زهره من بلادي
#طائر بلا تغريد#
شجاني وما حضنتك كبل متروح * * عفتني وغيبتك صارت طويله
شجاني وما كتلك الله وياك * * بقيت انتظر ليله بأثر ليله
رحت بس من خلصت الدموع * * وشلت الروح بيدك فرد شيله
ونسيت اﻷبتسامه وفرحة العيد * * ﻷن ضحكاتي بغيابك صارت قليله
مرت الأيام ثقيله وموحشه كظيتهه كاعده بغرفت بابا بعد ما كعدو ويانه بيت جدو
طبعا بيتنه بيه غرفتين صغار وهول وبراني
غرفه البابا وماما وغرفه اني وفرات ونبيل كاعد بلبراني
بعد ما اجو بيت جدي الي همه عائله جبيره
جدي وبيبيتي وخوالي ثنين نجم وعبدالله
وخالاتي ثلاثه زمن ورضيه وفوزيه
صار البيت مستعمره
أني وفرات كعدنه بغرفت بابا
وخالاتي كعدن بغرفتنه
الي عرفته بعدين من فرات ان هيه من شافتني فقدت بلفاتحه راكظه للشارع شايفه نبيل وكايلتله ريحانه فقدت خطيه جاي يركظ
بقينه أني وفرات متكابلات بلغرفه منطلع بره هواي عل كد الأكل لو نسبح
حته المدرسه ماحبيت اروح اله بعد
راحت بيبيتي اخذتلي اجازه والمديره مقدره وظعي لان شافتني بلثالث جانت موجوده لان بيتهم قريب علينه
فكايله البيبيتي براحته خلوهه شوكت متجي تجي مراح نسجلهه غياب
نبيل يكعد الصبح يجي يشوفنه ويروح للدوام ومن يرجع هم يكعد ويانه
بيت جدي مالنه ميانه وياهم
لحد ماخلص الأربعين
رحنه للمقبره من شفت القبر ماعرف شنو صار بيه رغم جنت صغيره بس حسيت بكسره
شويه حسيت ايد نحطت عل كتفي
باوعت نبيل كومني أني وفرات اخذني للسياره
بعده رجعنه للبيت
رجعت للدوام وماما لزمت عده
بعد العده قررت ماما تروح تشتغل بمعاملت حقوق بابا
قبل جان الشهيد اله بيت وسياره وراتب
وطبعا احنه بعدنه قاصرين فماما هيه المسؤله علينه
كامت تروح هيه وبيبيتي من الصبح مترجع غير للعصر
وهيه مقهوره لان المعامله مجاي تمشي بسرعه
كله جدو عادي كل المعاملات هيج لان الشهداء مو قليلين
بقت ماما عل هل حاله لحد ما فد يوم راحو يشتغلون بلمعامله صار الظهر انفتح الباب ودخلت ماما وبيبي بس ماما دخلت مستعجله
راحت عل براني لملمت غراظ نبيل وشالت الفراشات لان نبيل وخوالي ينامون بيه
ورتبت شويه
وبيبيتي فوك راسهه تنج
يلله بسرعه الرجال مات من الحر
بقينه صافنين يارجال
شويه ودخل رجال احمراني كصير حته اكصر من ماما
عنده كرش ولابس دشداشه بيضه من القدم صايره صفره
دخلنه
للبيت وهنه يهلن وميرحبن بيه
تفظل ابو علاوي تفظل البيت بيتك
دخل سلم عل جدو
يا الله شلونك حجي
جدي ... الحمد لله انت ياهو
