البارت 5
زهره من بلادي
#طائربلاتغريد#
سمعنه صوت بيبيتي وجدي بلبيت
طلعنه لكيناهم بلهول شويه ودخلن خالاتي وبعدهم دخلو خوالي شايلين جنطهم
بيبيتي ... ليش هيجي أم نبيل ليش غير تكليلنه قبل لا تأجرين البيت
نبيل... شنو يابيت هذا
ولك بيبي امك اجرت البيت الكاعدين بيه وامس اجو الزلم كالو باجر لازم نطلع من البيت لان صاحبت البيت أجرته علينه
توجهت انظارنه عل ماما
ماما صدك هلحجي
ها أي أجرته حرامات بيت شكبره ما مستفادين منه
ولج ليش مو انتي جبتينه من بيتنه لهنا بقيت تتوسلين بينه حته نكعد وياج صاحت بيبيتي بقهر
ولج حته الغرفه الي جنه كاعدين بيهه يم حماي راحت خذوهه من طلعنه منهه يعني حته بعد مانكدر نرجع ليهم
جدي.... بويه بس فهمينه وين نولي هسه واني هلتشوفيني رجال جبير وما بيه حيل بعد
بويه تعاو كعدو هنا وياي
واحد صفن عل ثاني كال نبيل
ماما هاي مو افكارج منو الكالج بهاي الشغله
ها محد
لا اكو واحد واذا الله ما يجذبني ابو علي وره هاي السالفه مو صح
أي صح موزين يخاف على مصلحتنه
لا والله يخاف عل مصلحته هو لان لكه كنز بيد ناس مطفيه
شنو ولك منو المطفيه
والله ما ادري أشر بأيده ومشه نبيل بقهر
ولك والله حرام عليك تربيتي وتعبي هيج تطلعني مابيه خير
بيبي. هسه دبرينه شلون بينه وين نولي
اكعدو هنا ويانه البيت جبير
دخلنه للغرفه أني وفرات وحده تباوع للثانيه
أوووف هم راح نرجع للهم والقهر ودوخت الراس
فعلا رجعت ريمه العادتهه القديمه
رجعنه كعدنه ويه ماما بغرفتهه وخالاتي كعدن بغرفتنه
وبيبي وجدو بلهول
ونبيل وخوالي بلبراني
مرت الأيام علينه واحنه ماعدنه يوم راحه
بس العرك والمكاون بين بيبي وجدو وخالاتي
وعندي خالاتي المتزوجات كل كم يوم يجون يشوفون بيبيتي وجدو
وطبعا وياهن الجيش مالتهن والمصيبه مايجن كلهن بيوم واحد لا كل يوم الوحده
عود خاف تصير هوسه هههه
صار النه شهرين بهذا البيت امتحنت وخلصت المدرسه
نجحت من الثاني للثالث أني وفرات
نبيل صار صف ثالث متوسط
بيوم جنت ظايجه كلش وكلبي مقبوظ
ردت ابجي دخلت الغرفت ماما كاعدات بيبيتي وماما وخالتي المتزوجه
رحت للهول كاعد جدو
البراني نبيل وخوالي
للحديقه فرات وبنات خالتي
رحت صعدت للسطح
كعدت بين التانكي مال المي وبين الحايط
كمت ابجي واناشغ طلعت البكلبي كله
بعد ربع ساعه تقريبا واشوف ايد انمدت الي بيهه باكيت كلنس
شلت راسي شفت ولد اسمر طوخ يمكن محروك من الشمس عمره يجي بكد نبيل
ولابس دشداشه بازه مقلمه مفتوكه من الصفحه مشكلهه بسرواله الي مدري من الوصخ صاير لونه اصفر لو هو لونه اصفر وبيده الثانيه عوده طويله وبنهايتهه وصله سوده شايفتهه عد ذوله الي يطيرون حمام
