بذرة حب

البارت الاول(قصه حقيقيه)

نمت بعد ليله كله احلام مادري شنو بيه بس طريق اضلم و طريق منور واكفه بنصهن وحايره وشفت علبه بيضه اخذته عجبتني بس اجت عجاجه وضاعت العلبه وضليت اركض وادور عليه لما تعبت يله لكيته'

مرام..مرام يمه كومي راح الوكت يله اتاخرتي ع دوامج..

- يمه والله نعسانه بس 5 دقايق انام فدوه

- اشلون بله انخلصه دقايق من اكولج نامي من وكت ليش اشلعين كلبي كومي

- ااااااي ع كيفج زرفتي ايدي هسه اكوم بس اتندسين كمت كمت كافي
كمت مصطوره ما اشوف دربي من النعاس

- حطيت القوري ع النار ورحت اغسل وطلع ملابسي

اميره اختي هم كاعده اتروح لكليته

تريكنه سوى بلمطبخ وبدلنه وكلمن راحت لدوامه

طلعت جان جو بارد مغيم وخ
هوى عالي
.اشاااه بارده ومن افتح حاكي عبالك اشرب جكاير ههههه امشي بشارعنه جانسايد بيوت ومقابله ساحه والساحه مسوين كل بيت كدامه حديقه مسيجه

جاي امشي جان فجائه يطلعلي جلب اسود هوى يباوعلي واني اباوعله حسيت كلبي وكع انوب محد بلشارع جان ايطكه بركضه واني ركضة يا مستحه ياعيب

ماحسيت غير اني اباب المدرسه مدري وين راح الجلب انوب اني البس عبايه واركض شكلي جني مخبله دخلت للمدرسه لكيت صديقاتي واصلات قبلي سما وساره

- صباح الخير

- صباح  النور هاي شبيج فحطانه

- اسكتن ركض وراي جلب اسود اله اشويه ايكطعني انوب الشارع فارغ يمه متت خوف

- هههههه صدك تحجين منين اجاج

- حضي المصخم جابه

. قاريات للمتحان لو لاا

اي اكيد لعد اشلون

بس كون.مو اول درس

لا ثالث درس

خلصنه دوام ورجعت للبيت حضرت الغده وي امي وتغديت وغسلت المواعين ونمت

احنه من سكنت بغداد  بيتنه عباره عن حديقه وطارمه جبير وبي خمس غرف ومطبخ وستقبال وصاله غرفتين جوى وتلاثه فوك اني واميره غرفتنه جوى يم غرفة امي والولد

كعدت من نومتي خليت الجاي ع النار ولتمينه اني واخوتي تلاثتهم واميره ناكل بسكت وجاي العصر دوم هاي العاده عدنه من احنه اصغار   خلصنه وكمت شلت الكلاصات غسلتهن ورجعت للهول قبل لا ادخل سمعت امي واميره  يحجن بس بسصوت ناصي عرفت اذا ادخل ايغيرن الموضوع  فضليت اتصنت بدون ما ادخل

.اجاني عمج ماجد اليوم حازم امحاجي ايريد مرام  وثامر محاجي عدنان اني ردت مرام لياسره احسم لايكين لبعض بس ياسر كاله حجايه مدري متقد مدري هيج شقى بت العم لابن اللعم

اميره.اشوكت هاذ الحجي
.من اجه  اخر مره من نزل من كليته مجاز
..يمه بس مرام بعده ازغيره

.اي اني كلت الماجد بعده زغيره لما اتكمل السادس الله كريم

اي عادي يمه كوليلهم ازغيره مابيه شي  او كولي ابن عمه رايده عليش دايخه وبعدين ياسر خوش ولد منا لمن ايكمل دراسه تلكين مرام كبرت

.شلون اكول ابن عمه رايده وهوه محاجي بس هيج

.الله كريم يمه هسه بعده هيه كوليلهم بعد وكت ع هل حجي خل البنيه تخلص السادس عاد

.انشالله اكول لعمج هل حجي بس كون ميزعلن عمتج وخالتج

لا مايزعلن هيه قسمه ونصيب كولي هيه مراضيه اذا كلش وفضيه

.الله كريم كومي سوي العشه هم يالله

.طفرت كبل للمطبخ سويت روحي اشرب ماي واني دايخه

ابن عمتي..
ابن خالتي...
شنو هاي منو كلهم اقبل بيهم بعدين ليش يخطبني حازم  وهوى يدري بيه اكره  ودوم نكره من نتلاكه وثامر اصلا كد السلام من سنه للثانيه ما اشوفه
زين ليش ياسر محجه بيه ليش مخطبني مثلهم اوووو اشبيه اني كلبي انقبض  اصحي مرام مالج علاقه بهاي السوالف
هيه مال زواج والله يغنون ذوله اتزوج اصلا بعدني ازغيره بس ليش ياسر ميريدني ....

ضلت ابالي لا كدرت اكل ولا اشرب عفت كولشي ورحت نمت كتلهم تعبانه
امي.مرام اتعشي وروحي
مرام .يمه ماريد راسي يوجعني
رحت نمت او الحقيقه رحت افكر وافكر ليش هسه انتبهت ياسر ياسر
حلو لطيف كل صفات الرجوله بي هوى سنه ثانيه كليه قانون ومن يجينه احس كل بنات الجيران اعيونهن عليه بس ولا مرى فكرت بي

اووو اصلا هوى مكروه واني ممفكره بي اشبيج مرام ضرب عقلج ليش هلياسر احتل تفكيري كافي خل انام
امي.
مرام يله كومي ساعه سبعه ونص كعدي يله
اي اي يمه كعدت كمت غسلت واني اغفي بدلت اتريكت ومشيت دخلت مدرستي ورحت لسما وكفنه وي البنات ايضحكن ويصنفن ويسولفن واني بالي طاير مرام مرام مرمر

هاهاها يمعوده
اشبيج صافنه؟
كولشي مابيه هيج خل ندخل قبل لا تجي ست فوز ترزلنه
خلص الدوام ورجعت للبيت واني ما ادري اشبيه ما ادري جي مراهقه وكبل طبع ابالي الحجي عمري مفكرت احب وانحب ودائما اعيب ع البنات من ايحبن ويسولفن
ادتغديت ونمت وكعدت ع صوت سلام واهلا وسهلا وتفضل طفرت للمطبخ يمه منو اجانه ياسر ابن عمج
؟؟؟؟؟؟؟؟
منووووو .شبيج صفنتي ياا ياسر اشبيج روحي لمي كفشتج لبسي حجاب
ركضت للغرفه لاكتني اميره اشبيج اتركضين كتله كلشي مابيه
ورحت
اتمنى التفاعل حبايبي اضغطو ع النجمه موو تنسون❤👇👇

يتبع