البارت 6
زهره من بلادي
#طائربلاتغريد#
كعدنه بلهول وأبو علي كاعد علكرويته بصفه كعدجدو
وكباله كاعده بيبيتي وماما ونبيل وخوالي واكفين بلباب
واني وفرات كعدنه بلكاع بصف ماما
كال ابو علي
طبعا انتو تدرون بيه الله منعم عليه بخير وما محتاج شي
كتله بكلبي أي مبين من دشداشتك الي اجيت بيهه اول مره
بس بالي يمكم انتو يتامه
يحجي ويباوع علينه
اباوع الماما مبتسمه وتباوعله عبالك صدام حسين من يخطب
كمل وكال
امس مريت عل مطعم بشارع ال...... وجان اشوف مكتوب عليه للبيع
دخلت للأداره وحاجيت المدير طلع يردون يبيعونه
والمطعم مكانه يخبل بنص الولايه
والناس عليه مكاتل وسعره كلش زين
زين ليش يردون يبيعونه اذا هيج خوش مطعم حجه نبيل
مو اصحاب المطعم خايفين من امريكا يردون يبيعونه ويسافرون مو همه كراد
ها ماما شتكولون
وحنه شعلينه نتر نبيل
مو نريد نبيع البيت القديم ونشتري المطعم
هااااا هيج كولو حجه نبيل وابتسم
أي يا ماما لعد منيلنه فلوس
زين احنه قاصرين شلون تبيعون البيت
شوف عمي نبيل الرجال الي راح يشتري البيت يدري بيكم قاصرين وما يصير تبيعون البيت
بس هو قبل يشتري البيت وينطيكم فلوسه كاملات بس لازم نكتبله كمبياله وتوقع عليهه امك حته من تكبرون تتنازلون عن البيت وهو يشك الكمبياله
انته خوب مدبر كولشي مو عموووووو
غير المصلحتكم يابويه
فز نبيل وصاح لتكول بويه انت شنو متوصل ال اظفر ابوي
نبيل عيب هلحجي صاحت ماما بنبيل
شوفو سوو الي تردونه أني شعليه اصلا انتي مقرره ومخلصه بعد عليمن جايه تكليلنه
طلع نبيل وطبك الباب حيل ورى
ثاني يوم باعو البيت واشترو المطعم
اخذونه للمطعم تغدينه بيه فعلا جان مطعم راقي
مكانه حلو والناس هوايه بيه
طبعا ابو علي هو الي لزم المطعم
ولحد هسه منعرف فلوس السياره وين راحت
المهم نسيت اكول الكم بعد ما استشهد بابا اب سبع أشهر جان ليل نايمين كولنه
وجان نسمع ظرب رصاص بلشارع
الجو احترك بلرمي
ركظنه أني وفرات لبدنه بحظن ماما
طلعو خوالي للشارع بعد شويه رجعو وهمه يظحكون
واحد يركص واحد يصفك
