البارت 7
زهره من بلادي
#طائر بلا تغريد #
فتح دكم قميصه وطلع من البيت
ركظنه ورى فاتح الباب وطالع بره البيت
رحت الماما
ماما شفتي نبيل
لا مشفته وين راح
ماعرف طلع كلش مقهور
عزه ليش مقهور ولج
من عمايلج غير
احترمي ولج
شأحترم ليش خليتي احترام انتي تردين تعرسين حظرتج
ماحسيت غير راشدي عل وجهي لفني لف
لزمت خدي وباوعتلهه بحقد وركظت للغرفه
نبيل
جنت اتوقع من اول ما شفت ابو علي واهتمامه لماما ان هو عنده نيه زواج
بس جنت اكذب نفسي
وجنت اكول مستحيل ماما تقبل تتزوج واني بهل عمر
بس الي ماجنت حاسب حساب اله هو أن ماما تقبل تتزوج بعد بابا وخصوصا ما صارله هواي من استشهد
من فاتحتني بيبيتي بلموظوع حسيت اختنكت
نار ومشتعله بجسمي
فتحت دكم قميصي وطلعت هايم عل وجهي
ردت بس اشتم هوى ماكو
ماكدرت اتنفس بعد
بقيت اركظ بلشارع لحد ما وصلت يم بيت صديقي طارق
دكيت الباب واني الهث
طلع طارق شافني هيج حالتي
لك نبيل خويي شبيك
اشرتله ما اكدر احجي
تعال ادخل للبيت ارتاح
دخلني للبيت واني ما مرتاح
جاب لي كلاص مي أخذته منه بسرعه شربته
ها نبيل احجي شبيك
ولك ماعرف شأحجي مختتك حيل
هسه غير تحجي وياي فهمني
دنكت واني مستحب شحجي اكله امي راح تتزوج ما كدرت
عفته وطلعت
واسمعه يصيح وراي ولك نبيل شكو نبيل وين رايح
طلعت اخذت تكسي وركظت للمطعم
دخلت لكيت ابو علي كاعد بلمكتب مال المدير نافش ريشاته ولابس قاط وهو منا عنده كرش طالع جنه فطوطه
شافني كال
هلا والله هلا بابن الغاليه
ركظت عليه كمشته من ياخت قميصه
اوكف اوكف شبيك ابني
لتكول ابني سمعت
لك بابا شبيك ليش معصب
انت تريد تتزوج امي
أي وشكو بيهه
لا بيهه مشكله لو تموت ما تتزوجهه
جر ايدي حيل وعدل ياخت قميصه وكلي
اكعد شويه خلي نتفاهم
ماكو تفاهم زواج انسى
والمطعم من باجر أني راح اجي اكعد بيه والفلوس الباقيات عود نتحاسب عليهن
والله ومحمد وعلي وياك
