البارت 8
زهره من بلادي
#طائربلا تغريد#
سمعت صوت ماما تصيح نزلت ركظ عل درج ردت اوكع
وصلت لأخر الدرج واشوف فرات واكفه يم ماما
وماما لازمتهه من شعره وتجر بيهه وتصيح عليه تكلهه
انجبي حقيره بعد بس انتي عليه
وفرات تصيح وتتلاسن ويه ماما
لأول مره فرات تتعصب بهل شكل بحيث جسمهه كوله يرجف
جرتهه ماما من هدومهه وتصيح عليهه
ركظت عل فرات سحبتهه عليه بدون ما احجي واخذته ودخلت للغرفه لان الحجي ميفيد ويه شخص باع كولشي عل حساب واحد ميسوه
المهم دخلت فرات بلغرفه وهيه تبجي وترجف
تعالي فرات اكعدي هنا
هاج هذا الماي اشربي ورتاحي
يلله هسه احجيلي الي صار شنو
وج ريحانه وج هاي مستحيل تكون ماما
لا حبي هاي ماما بس تعبت من التمثيل
وج اكوله ماما ليش هيجي سويتي نبيل مراح يطب النه بعد
تكولي يطيه طوب محد كله يصير رجال براسي
بس اني اريد اخوي
والله الباب يفوت جمل
وج ريحانه تطردني أني ونبيل وحته انتي حته تتزوج هذا ابو كرش
هههه لعد شعبالج يمعوده أني اصغر منج وفهمت كولشي من زمان
لا ريحانه اكيد اكو شي غلط
لا وداعتج ماكو شي غلط بس باجر راح تعض إصبع ندم
بقت تبجي لحد ما غفت
يومين مرن نبيل ماكو
بعده بليل كاعدين بلبيت بس ماما من الصبح هيه تطبخ وتحظر
ونظفت البيت ويه خالاتي
وذبت الاسود
احنه منحجي وياهه
بس عرفنه اليوم راح يجي الشفيه يخطب
اندك الباب راح خالي فتح الباب
جان يدخلون اربع نسوان كبار وشكلهن عرب
دخلن تلكتهن بيبي وخالاتي تبوس وترحب
احنه دخلنه للغرفه ونسمع الحجي
بقن تقريبا ساعتين وطلعن
مرت الأيام بسرعه
بس انشوف ماما تحظر العرسه وفرحانه عبالك اول مره تعرس
وبيبيتي وخالاتي مكيفات ويغنن
نبيل عرفنه كاعد عد ولد صاحبه من راح خالي عبدالله سائل عليه
بعد اسبوع صار العرس
همزين ما سوو زفه بس أقاربه وخالاتي
طب لابس قاط وكرشه واصل الخشمه
ماما مصدكه نفسهه لبست فستان ابيض وسوت تسريحه
وفرحانه
اخذه وطلع راحو للفندق
بقيت أني وفرات وحده حاظنه الثانيه ونبجي
حسينه اليوم استشهد بابا
ثاني يوم فرات تمرظت حرارته ارتفعت بشكل
حتاريت شنو اسوي
رحت سويت الهه كمادات
اخلي الخاولي عل كصتهه يكوم يجويني
تخبلت
بيبيتي راحت يم بتهه خوالي وياهه راحو
طلعت بلشارع اباوع
شفت أزهر اشرتله اج يركظ
