الهام {باللهجة الجزائرية}.(قيد التعديل)

البارت

امين:ااااه..

الهام فتحت عينيها وهي تشوف فيه وجهو معمر دموع وشاد قلبو ..

ناضت تجري حطت يديها على خدودو مفجوعة تسقسي فيه وش بيه و وعلاش راه يبكي...

الهام:امين.امين وشبيك علاش راك تبكي😢.. وجعتك انا كي ضربتك!!؟ ديزولي والله مابلعاني مي نتا خليتني .. وماوحوستش عليا المرة الدوزيام لي تخليني وتزيد تضربني .. والله غير قلبي راه يتقطع يعني كيشغل نتا لي كنت تخاف عليا من كلش و تحامي عليا كي كنا صغار مي كي مبرنا تبدلت العقلية وليت نتا تضربني وتحبلي الشر !!
زاد عيط وحط يدو على عينيه ..

هي قعدت عيى ركايبها فوق السرير وتسيي تنحي في يدو من على وجهو .. فالخر هو نحاها وخزر فيها قعد قدامها وشدها مكتافها قعد يشوف فيها وهي ما فاهما والو ..

امين: غدوا نروحو نحو هذا البيبي..

♤الهام♤
مافهمت فيها والو عينيا تفتحو  عاللخر بيسك ماني فاهمة واالوو تاع الصح.. هذا صح امين !!؟.. راه من نيتو .. حاب يقتل مالايكة .. يقتل روح..!!؟..
"بعد بسم الله الرحمان الرحيم 《ولا تقتلوا اولادكم نحن نرزقهم واياكم ان قتلهم كان خطئا كبيرا..》سورة الاسراء الآية 31.
اول عفسة جات في بالي بعد الصدمة هاذي الآية .. بعدت عليه بخوف
الهام:ا امين الله يهديك حرام.. ر.. ربي مايحبش .. ا..اصلا كيفاش كيفاش يجي في بالك تقتل وليدي..

وشدت الهام كرشها ووجها ولا صفر قعدت تشوف فيه واش يدير حتى سمعاتو يستغفر وهو يعض على شفتو ملتحت العادة لي جامي.. طلع  ينحيها  طلع راسو وشاف فيها والدموع مزالهم في عينيه..

امين:صحا قوليلي واش ندير .. تلفتلي لي نديرها ماتعجبكش لي نقولها تقلقك .. كرهت الهام كرهت عفت كلش حياتي مانيش طايقها .. والله قلبي رح يطرطق .. انا لي جامي بكيت ولا حملت بنادم من غيرك راني نشوف فيك تضيعي من يدي .. خايف مقلق ومخنوق كاره كامل هادو رافدهم قلبي ....

يهدر ومن نبرة صوتو يبان مكسور... بدات تبكي ويديها على فمها وهي تشوف فيه..
تقدم منها وعينيه ذبالو جبدها ليه وطاحوا بين زوج فوق السرير هي فوق سدرو وهو داير يد على راسها ولوخرا تمسدلها على ضهرها ..
خلاها هكاك حتى رقدت كي حس بلي رقدت نحاها من فوق سدرو بتش تقدر هي ترقد مليح وعاود عنقها..
واد هو رقد النعاس داه بيسك من اي حبط مالطيارة ماريحش...

#الصباح
10:30  am
فتحت الهام عينيها بلاعقل وراسها يوجع فيها كي الرهج مع فتحت عينيها حتى قابلت عينيه كان يشوف فيها ويركز. على عينيها كي شافها حلت عينيها تبسم وقاللها
امين:صباح الخير على عمري ..

ردت بلا ماضحكت ولا بدلت. اي عفسة في وجهها
الهام:صباح النور..
امين زير حواجبوا :كيفاش صبحتي..!
كانت الهام رح تردلوا مي هذاك الاساس لي جاها ماخلاهاش تكمل وناضت تجري لصال دو بان ..
ردت لمرار هي اصلا ماكان في كرشها والو باش تردو علابيها ترد غير المرار .. راح ليها امين شدها من وسطها وفتح العين كي كملت عسللها وجهها وهي مضمضت فمها ومسحاتو .. عنقها وقعد. هكاك هي ما عنقاتو ما والو حطت برك يديها على صدرو وغمضت عينيها ..
كانت للابسة ديباردور غوز و ديجاما طويلة موف فيها كاب كيك غوز .. شعرها لي تحت ضهرها كان متلوق...
امين:قوليلي برك شحال عندك ماكليتيش يرحم باباك راكي تباني رح تكوتي وجهك راه كحل ماشي ضفر برك ..