سمعت قصة قصة حب وطلعة وهروب من المدرسة حب واحد غني لوحدة فقيرة قصة حب تختلف عن حب القصص قصة من الواقع من مناطقنا من العراق مو من تركيا
صح لبنية مو كاتبة بس حبت تشارك قصتها وياكم انتظروا اليوم بليل انزلها الكم
بس رفعوا المنشور حته انزلهة الكم بنفس المنشور وبوقت واحد
اخليها +١٨ حتى تقروها بس لا هاي المرة القصة _١٨ اريد المل يقرأ بالخصوص الناقص 18
التكملة بالتعليقات
#قصص_من_مجهول
ما اكدر اكتب اسمي على القصة ولا اسم صاحبة القصة للذلك ستكون هذه القصص من مجهول
حبيباتي اني اول مرة انشر و اكتب قصه و طبعا اني مو كاتبه ولا اسوي نفسي كاتبه و ابدي اشتغل بالأفلام ولا اريد اسمي ينشر وادور اعجابات
بس حبيت انقللكم قصه حقيقيه والله
أسفه طولت عليكم
البارت الأول
اسمي سجى عمر18 سنه طالبة سادس شكلي عادي مثل أي بنت جسم جميل و عيون كبار سود وبشرتي بيضه وشعري اسود طويل
مستوانه المادي أقل من المتوسط والدي عنده كهوة ويطلع مصرفنه من عدهة
والدتي ربة منزل فقيرة من أهل الله
وعندي إخوان اثنين رافد الكبير متزوج وعنده طفلتين و لؤي اصغر من رافد أيضا متزوج و عنده طفل
مخلصين ابتدائيه لأن ولد ما الهم بالدراسة و الماده ما تسمح فبطلوا وكامو يساعدون ابوي بالمصرف يطلعون عماله هم يوم يشتغلون و عشرة أيام يكعدون
و و اختي سهى أصغر من عندي طالبة رابع عام
طبعا انه و اختي كملنا دراسه لأن شاطرات وخطيه وابوي فرحان بينه يريدني اصير محاميه
ويريد اختي مهندسه حته يشوف تعب العمره مالته بينه من يرجع الظهر يكعدنا داير مدايرة ويسولف ويانا سوالف قبل الي يسمعهن بالكهوة واحنا نضحك يكص الركي وينطينا واحد واحد اني ابقى صافنة على شيباتة اكول يمتى يتحقق الحلم واصير محامية وعندي فلوس واعوضة عن الي شافة ابوية ضعيف وكصير وظهرة منحني بس طول عمري اتباهى بي حتى من اشوف اباء صديقاتي حلويين اكول ماكو احلى من ابوية
ومرات اكول ليش دماغي قافل بالعلمي جان صرت طبيبة ويفتخر بيه
بس كلت اتعب نفسي وانجح وصدك وصلت
للسادس هنا لازم ابدي احقق الحلم بس شفت الاوضاع تختلف البنات مكياج ولبس ضيق وشعر صبغ بديت احس بالنقص بالخصوص من شلة تعبانة يسمن نفسهم المشاغبات جانن 5 حلوات ولبسهن يختلف عطور ومكياج الكل جان يتلوك الهن حتى بعض المدراسات
بديت اقارن نفسي وياهم شبية اني لو البس مثلهن اصير احلى بس غير الحظ الي ذبني يم اهل فكر
صرت اتمنى كلشي اشوفه عدهن
دوم اتحسر وميعجبني شي صار اباوع بملل على البيت وعلى وضعنا على ملابسي ليش وليش هذا دائما كلام ليش اني هيج
وجانت امي دوم اتكلي حمدي ربج انه و ابوج موجودين لا تطيرينه من ايدج اكو ناس تتمنى سكف اكو ناس تتمنى ريحة اب بالبيت
و ارجع احمد الله
و بيوم انه كاعده بالصف و اسمع الشله التعبانه يسولفن ع بطولاتهن وي الشباب انه صفنت متعجبه كلت معقوله هيج يسون ومعقوله هيج الحب حلو ليش انه ما أحب و لا انحب قابل مو وحد من البنات اني شنو فرقي عنهم اووف الكل يحب مو بس هذني الا اني من ورة هدومي يمكن محد يكلبني
