امرأه بين الذكريات

عذروني ع  الخطاء لان بصراحه  قديمه  القصه وقررت انشرها لخاطر
صديقتي وبنت خالي فا اسفه والله
تعبت بكتابتها فقدرو  جهدي وتعليق
ادعموني

الجده وهي حاضنه طفله وتبجي:اااه يانوره خلوچ
وانتي زغيره شفتني من الدنيا
.. :يمه فدوه اروحلج اسكتي
الجده :كليلي شلون اسكت وخوانج
راحو وعافو اثنين برگبتي
... :الله  يمه الله يرحمهم انه
اربيهم
الجده بغضب: نسيتي انتي متزوجه
لو شنو
.. :لا مانسيت بس كلت اربيهم وياج
الجده :لا ارجعي لزوجج وجهالج
وانه اربيهم
.. :يمه عندي حل ليش ماتودين نور
لخالتها
الجده ضربت بعصاتها بغضب:شنوو
شجاي تحجين تسودنتي شتكول العالم عافت بت ابنها ربوها الغرب
.. :يمه مو غرب خالتها
الجده :وخالتها مامتزوجه ماعدها رجال وجهال ولا تنسين اخت امها
من غير اب امها عدله ماجت وزارتها
تردين هسه تاخذ بتها وتربيها نعيمه تماديتي بحجيج هواي كومي شوفي
ابن اخيج وين كومي
نعيمه كامت وهي تنافخ : اي يمه اي
كامت وطلعت الديوانيه ودخلت بالبيت جوه
نعيمه :سااامي ساامي .
طلع سامي من الغرفه :هاا عمه
نعيمه:تعال جددتك تريدك روح شوفها...
سامي طلع بره لان الديوانيه من فصله عن البيت :ها يمه
الجده :هلا هلا بالغالي ابن الغالي تعال يمه تعال اجلس ..
سامي والحزن كاسي وجه كعد بصفها وهي تبوسه وتبجي و سامي جامد يباوع على نور شلون نايمه ومتكوره على نفسها من البرد ويكول شنو ذنبنه تيتمنه واحنا زغار
جده:ااه يايمه لو بيدي اعطيهم عمري بس مو بيدي يمه سامي انت هسه رجال البيت ماعدنه غيرك ....
سامي ناضر جدته بكسران ضهر ااخ شكد صعبه كلمه رجال انت بهالعمر شفت من دنياي حتى اتحمل هيج....
الجده وهي تمسح دموعها بشيلتها :يمه سامي انت شايف وضعنه وانه اللله اخذ مني ثنين ابوك وابو نور الله يرحمهم ومابقى
غيرك انت ونور من ريحتهم يمه اريدك اخو وسند لنور بعد عيني انت
راعيها اعتبرها اختك وانت لاعندك اخت ولا اخو وهي همه ماعدها اريدك اخوها لماجابته الها امها
سامي :يمه لاديرين بال نور اختي
وانه حشتغل وصرف علبيت
الجده بفخر :فدوه اروحلنك يمه بس
ماريدك تشتغل هسه كمل وادخل جامعه والله كريم
سامي :يمه بس منو يصرف علينه ماعدنه راتب انه حشتغل
الجده :لا يمه بعدك زغير وانه عندي تقاعد مالي وراتب ابو نور الشهيد
يكفي ويوفي دير بالك على دروسك
وبعدين اشتغل
سامي سكت هز براسه ماعنده خيار
ثاني مؤقت وراح يدور شغل مايعتمد على راتب ابو نور طلع سامي وترك جدته فتح باب الحوش
وصف البيت حوش كبير كلش وديوانيه كبيره منفصله وبعدين مطبخ متوسط وصاله متوسطه البيت وغرفه الجده باليسار ودرج يصعد على طابق الثاني بي غرفتين كبيره .........بعد شهر....
باليل سامي فارش كتبه ومشغل فانوس( لاله) جانت طافيه الكهرباء
ويقره ويشد حيله حتى يخلص هسه
هو رابع اعدادي علمي باجر عنده امتحان فيزياء وبي درخ هواي وجاي يلخص طاحت عينه على الساعه ساعه 12 باليل شكد تعب
من ضهر بادي لهسه ماخلص مسائل
دوخ ويرادلها وقت طويل اعتقد للفجر يله اخلص اتمدد شويه يريح ضهره اطلق اااه بسبب الم ضهره لساعات منحني على الكتاب سمع صوت وره :أامييي
رفع عينه وهو على وضعيته وشاف ملاكه الصغير ابتسم لها بتعب :هممم
نور قربت وحطت ايدها على جبينه :تبان ~تعبان
سامي ناضرها بحنان صارت اخته وننسته بالبيت :اي تعبان
نور برائه اشرت بيدها : وين أوو~وين الؤو
سامي باس ايدها واشر على راسه :هنا اوو
نور باست راسه:امحح . . وباوعت علي . . اوح اووا ..~راح الؤو
سامي عقد حاجبي وضحك لزم خدها وباسه عرف نطقها ثكيل ومصارت تحجي هواي بسب وفاه ابوها ابوها ضابط واستشهد بحرب
الطائفه بدايه العام وبنهايته ابويه وامي بحادث سياره وهمه رايحين للعمره الله يرحمهم.... شالها وحطاها بحضنه :نونه تحبيني سامي
نور ناضرته بعيونها الزرقاء الكبيره برموش سبحان الخالق وبحاجب بني حدد تلك العيون :اي. . . ثامي
<سامي
سامي وهو يبوس خدودها :عيون سامي
نور اخذت قلم احمر ودفتر يعني اشخبط سامي اخذت الدفتر ونطيتها ورقه :ارسمي
نور باوعت علي بعدم فهم وضلت تشخبط واني رجعت اقره . . شويه
وصاحت :ااميي . . باوعتلها شفتها وهي تضحك وترفع الورقه . حوه~حلوه...... ضحكت على شخابيطها وكتلها :تجنن وبستها هي
ضحكت بصوت عالي واعطتني قلم
بمعنى ارسم وياي رسمتلها ورده بس
مدري كيف صارت ماعرف ارسم وهي تباوع عليه شلون ارسم ضحكت على وردتي قسم بالله مو ورده مدري شصارت كلتلها :حلو
هزت راسها برائه وباستني دليل المكافئه رجعت بستها يالله شكد ماتبوس هالطفله متشبع مثل الحلاوه شفت الساعه 1باليل كل هاذا لعب وماحسيت بالوقت واني اقره اقره نسين نور حسيت اكو هدؤ
ناضرت جهتهه وجدتها نائمه بعمق
شلتتها وحطيتها بفراشي وغطيتها بطانيتي لان الجو بارد شتاء ساعه
4الفجر كملت طلعت بره بالحوش الجو ثلج توضيت وصليت ورحت اكعد جدتي للصلاه لكيتها كاعده :هايمه سامي كاعد
سامي وهو نعسان :اي يمه كاعد
الجده:تريد فطور
سامي:لا راح انام واكعد بالتسعه بالعشره امتحاني
الجده :يمه وشوكت تخلص انشاء الله
سامي :اليوم اخر يوم
الجده :الحمد الله روح ومن يجي صديقك عمر اكعدك
سامي:اي يمه
الجده بتفكير:سامي ..نور متى نامت
سامي :يمه ساعه 12اجتي لعبنه شويه ونامت بال1 وماردت ازعج نومتها بفراشي
الجده ابتسمت براحه وهزت راسها:
رحت ولكيت نور نايمه بعمق وماحسه بحواليها جبت فراش ونمت جنبها من تعب بس غمضت نمت ساعه 9 كعدتني نور ~ثامي.. اوم توام~سامي كوم دوام