احلامي ليست رماد

                            البارت الاول ❤

اول روايه الي اتمنئ دعمكم حتئ اسمتر

اركض بكل قوتي. بشوارع البصره الضلام دامس. ماكو ناس. لان الساعه 1 بليل والجو ثلج ومطر قوي وبس صوت الكلاب اووف ياربي ساعدني تعبت وحق اسمك اتعبت وين اروح وين انام.  ومنو يساعدني بهل ليل اذا اقرب الناس الي خانوني وباعوني.
اووف والله تعبت كافي. يالله متحانك صار كولش صعب.
واكفه بنص شارع عام. 
ميته جووع وعطش. وعيوني كوه مفتحتهن من النعاس.  توازني كولشي بيه انتهئ بعد ماكدر خلصت طاقتي.
ضوه كولش قوي اجئ بتجاهي. شلت اديه خليتهن علئ وجهي
وفقدت الوعي. وبعدها ماحسيت بشي

بمكان ثاني.

اكرم. بابا افهمني اريد اطلك خلص تعبت منها ومن مشاكلها

ابو اكرم اكعدو وتفاهمو كافي مشاكل وطلاك ماكو

ام اكرم يمه فدوه اروحلك كافي هل مشاكل. هاي زوجتك وبنت عمك

اكرم اوووف اخر كلام كلته صارلي اربع سنوات وياه ماكو تفاهم بيناتنه كولشي اسوي مايعجبها كرهتني بلنسوان وبحياتي.  اني طالع احسن شي

ابو اكرم. لك بابا ماكو امان هسه ارجع. الدنيه ليل

يمه فدوه اروحلك لاتطلع بهل ليل

اكرم عفتهم يحجون وتوجهت ليسارتي. صعدت والنار شابه بجسمي
وامشي بكل سرعه عندي واضرب بيدي. واصرخ. صارت مقابيلي بنيه واكفه بنص الشارع خففت السرعه دكيتلها هورن اشو هاي متوخر. اول ماوكفت السياره وكعت

ركضت. حاولت اصحيها بس ماتكعد. اووف ياربي المشاكل تركض وراي.
ماكدر اعوفها وامشي احسن شي اخذها وياي للشقه والصبح من تكعد. الصبح اخليها اتروح
لان رجولتي ماتسمحلي اخليها بلشوارع وهيه بهل ليل والوضع موامن

شلتها خليتها بلسياره واخذتها للشقه مالتي.  وصلت. فتحت الباب ونزلت شلتها صعدتها وفتحت الباب دخلتها للغرفه خليتها علئ السرير.

ورحت جبت مي. رشيت عليها. فتحت اعيونها. باوعتلي ونززت طفرت

اكرم لاتخافين ماراح ائذيج جنتي واكعه بلشارع وجبتج لهنا

جنات. باوعتله. وكوه احجي شككرا.

اكرم جانت كلها ترجف شعرها وملابسها كولها مي

اكرم شنو اسمج

جنات اسمي جنات

اكرم. جنات ليش بهاذا الوقت بلشارع اهلج وين.

جنات باوعتله. وانفجرت بلبجي.

اكرم. اوك اهدي اهدي اكيد بردانه راح انطيج من ملابسي ادخلي اسبحي ورتاحي.  لان ملابسج امبلله من المطر

باوعتله كتله. شكرا تعبتك وياي

اكرم هزيت راسي وكمت طلعت بجامه مني وتشيرت اسود