Midnight Flower (Season 3)

First

၃နှစ်​ဟူသော အချိန်​ကာလမှာ တဖြည်းဖြည်းတိုက်​စားကုန်​ဆုံးသွားလေသည်​။

၃နှစ်​တာကာလအတွင်း ကိစ္စတော်​တော်​များများ ဖြစ်​ပျက်​သွားခဲ့သည်​။LIMအိမ်​တော်​၏ သခင်​မဖြစ်​သူ Lim Zhenမှာ ကျောက်​ကပ်​ရောဂါကို ကုသနေဆဲမှာပင်​၂ကြိမ်​မြောက်​ခွဲစိတ်​မှု၌ မအောင်​မြင်​ဘဲ ဆုံးပါးသွားတော့သည်​။ Yaumgမှာ မည်​မျှပင်​Zhenကို မချစ်​ခဲ့ပါဟုဆိုသော်​လည်း ငယ်​စဉ်​ကတည်းက ခင်​မင်​ရင်းနှီးခဲ့သူတစ်​ဦးဖြစ်​သောကြောင့်​စိတ်​မကောင်းဖြစ်​ရလေသည်​။

နောက်​ထပ်​ကိစ္စတစ်​ခုမှာကား Lim မိသားစုဝင်​တစ်​ယောက်​တိုးလာခြင်းပင်​။ Lim Yaumgနှင့်​ကွယ်​လွန်​သွားသူ Lim Zhenတို့၏ သမီးငယ်​Lim Huamoလေးပင်​ဖြစ်​သည်​။ အသက်​၁နှစ်​ခွဲသာရှိသေးသော Huamoလေးနှင့်​Lim Yaumgကိုထားခဲ့ကာ Zhenမှာ လောကကြီးထဲမှ အရင်​ဆုံးထွက်​ခွာသွားရသည်​။Yaumgမှာ ထိုကလေးတစ်​ယောက်​ကိုသာ ထိန်းကျောင်းရင်း နေ့ရက်​များကို ကုန်​ဆုံးခဲ့လေသည်​။

နောက်​ဆုံး ကမ္ဘာ့ထူးခြားအံ့သြဖွယ်​ရာကြီးမှာ Zhenနှင့်​တရားဝင်​လက်​ထပ်​ပြီးချိန်​မှစ ယခုကလေးလေး အသက်​၁နှစ်​ခွဲအထ်ိ ၃နှစ်​တာကာလလုံးတွင်​Lim Yaumg လုံးဝ မိန်းမမပွေတော့ခြင်းပင်​။ အိမ်​တော်​ပေါ်ကို ဘယ်​မိန်းမမှလည်းမလာတော့သလို သူကိုယ်​တိုင်​ကလည်း ဝီရိယထုတ်​ကာ မီးရောင်​နီနီလေးများထွန်းထားသော အိမ်​များသို့မသွားတော့ပါ။

ထို့ပြင်​Lim Chanyan ၏ Lianhua ဂိုဏ်းမှာ တရုတ်​နိုင်​ငံ နှင့်​ဂျပန်​နိုင်​ငံ ၂နိုင်​ငံလုံးတွင်​အာဏာရှိလာသည့်​အပြင်​LONGဂိုဏ်းကိုပါ မထီမဲ့မြင်​ပြုလာလေသည်​။ မောင်​နှမအချင်းချင်းဖြစ်​နေ၍သာ ထိပ်​တိုက်​မတွေ့သေးသော်​လည်း Limမောင်​နှမ၂ယောက်​မှာ ရန်​သူဖြစ်​လာလေပြီ။ အကယ်​၍များ ဂိုဏ်းအချင်းချင်း အမှန်​တကယ်​တိုက်​ပွဲဖြစ်​ပါက သူ၏ သမီးလေးHuamo အတွက်​လုံခြုံသောတစ်​နေရာရှာထားရမည်​ဟု Lim Yaumg မကြာခဏတွေးနေမိသည်​။

ပုခက်​ထဲမှ ကလေးငယ်​လေးမှာ အူးဝါး အူးဝါးအသံပြုရင်းနိုးလာလေသည်​။ ထိုင်​ခုံတွင်​ထိုင်​ကာ အတွေးလွန်​နေသော Lim Yaumg ခမျာ ချက်​ချင်းပင်​ကလေးမလေးကို ပွေ့ချီ ၊ ခြံထဲသို့ ဆင်းသွားပြီး ချော့မော့ရတော့သည်​။