البارت 11
زهره من بلادي
#طائر بلا تغريد#
مد ايده جر الصونده وجرني وياهه دخلني للبيت
ماحسيت غير طابكني عل حايط ومحاوطني بثنين اديه
ردت افلت منه ماكو
امشي منا يسد بأيده
امشي من الجهه الثانيه ايده الثانيه تمنعني
اخر شي نزلت من جوه ايده وردت اشرد
ماحس غير جار الشال مالتي
من خوفي نزعت الشال وشردت
رجعت للبيت واني بدون شال
طبيت للبيت واني ارجف باوعت للمطبخ همزين ماما ممنتبه
ركظت الغرفتي كعدت عل فراشي واني جسمي يرجف
وعيوني مغوشات
افرك بأديه من القهر
شويه دخلت فرات
نزعت حجابهه وهيه تحجي
والله اني مو خدامه عدكم
روحي فرات جيبي فرات موتي فرات
والله الضهريه وتذكرت حفاظات استاذ ماجد
ريحانه ريحانه
هييي شبيج شو متجاوبيني
ها وياي تحجين
لا ويه ابوي صارلي ساعه الغث
اسفه ممنتبهه
اجت كعدت كبالي وكالت
يمعوده ريحانه شبيج
مابيه شي
ها جنتي طالعه
لا
لعد ماما تكلي شوفي اختج رجعت لو بعدهه
ها أي نسيت رحت وديت الصونده البيت ذوله جيرانه الجدد
اكلج خاف واحد متعرظلج مثل ذيج المره
لا لا ماكو شي
لعد شبيج
مابيه عفيه فرات مالي خلك غطيني و خليني انام
ولج حاره موت شلون تتغطين
لا بردانه
يلله نامي بلكت ترتاحين
غطتني وطلعت بقيت بفراشي لا أني النايمه ولا أني كاعده
للعصر كعدت لكيتهم كلمن بمكان
طبيت سبحت ورحت طلعت اكل اكلت
ورجعت الغرفتي
ثاني يوم ماما سوت نزله البيت أم عمار
يلله ريحانه امشي وياي البيت أم عمار نتعرف عليهم
لا ماما أني ما اروح
ليش ولج
ماروح مالي خلك
ولج عيب بلله سألتني عليج شأكله
كليلهه ماله خلك
يلله فرات امشي وياي لو انتي هم مالج خلك
لا ماما اروح
راحن واني بقيت افكر بلي صار
ويه ساعتين رجعو
ركظت عل فرات
ها فرات شصار مصار
شصار يعني عادي
يعني مثلا عرفنا منين ما منين
أي تعالي اسولفلج امج جابت أصلهم وفصلهم
