انثى في معتقل الحب

البارت الثامن والعشرون

*انثى في معتقل الحب*
            بقلم(zainab)عطر الورد
............................................

البارت ٢٨
مساء الخير 😍🤗
(تصويت:::تفاعل)

...........ديمة ......
صعدت فوك لكيته متمدد ع الجرباية والريموت التلفزيون بيده ويباوع عليه اول ماشافني ابتسم..
اني رحت لكنتور طلعتلي دشداشة قصيرة سودة وبيها شريط احمر هو يباوعلي رحت لحمام ..بدلت طلعت رحت يمه نمت ...
سيف:اليوم شيخلصج مني ونوب لابستلي اسود ...
ومطلعلة الرجلين بيض جنهن كيمر..
اني خجلت ....من كلامة خليت راسي ع صدرة
وهو حظني ضل يتغزل بيه ....وووو
نمت للعصر كلش الا كعدنه ..كعدت جوعانة..كلش
كعدت سيف ونزلنه اني وياه..لكيت اخته اتسوي عشة طبعا سيف عنده ٢ اخوات و٣ اخوان واحد منهم مزوج بيت وحده واثنين منهم زغار..واخته مزوجة وهاي اخته مخطوبة لمحمد اخو سيف..
هي بس حبابة رحت ساعدتها اسمها نور ...هي ماقبلت اساعدها كالت بعدج عروس بس اني ما قبلت...
ضلينه اني وياه نسولف وسوينه العشى ..
فرشنه السفرة...اتعشينه اني استحي اكل وسيف يسويلي لفات ... خلصنه بعدين ردت اشيل السفرة اني ونور عمتي ما قبلت كالت العروس مايصير تشتغل الا وراء سبعتها هو اشاري واني كعدت ...
يمه ..
مرت الايام وسيف معيشني بدلال واني شوي بديت اتعود عليهم.. بدة الدوام اني اول اسبوع ما مداومة..
رحنه اني وسيف علمود اتفق وي العميد بس بلامتحانات اجي ..وجان اكو واسطة وسيف يعرف العميد وافق العميد...اني امشي وياه بكلية وهو لازم ايدي كلها تباوع علينه شعور شكد حلو ..رجعنه لبيت تعبانين ...سيف بدئ دوامة مرات ما يبات بلبيت يلزم خفر ويجي تعبان ...محد يحاجي لان من يجي من الدوام ماله خلك كلش...
جان راجع من الدوام واني محظرته الحمام ...
هو دخل لحمام..اني اريد انزل ..موبايلي دك شفت خالتي داكة عليه ..فتحت خط اسمع صوت اصريخ خالتي...وعياط..تكول..
ديمة ولج اهلج احتركو تعالي الحكي اهلج ماتو..
موبايل طاح من ايدي اني ما مستوعبة..شتحجي
كمت اعيط...اهلي ماتوو..نزلت ع الدرج واني اعيط
سيف ع اعياطي بعدة ما سابح طلع ولبس أتراك وهو يسالني..شكو شصاير اني ما اكدر اجاوب بس ابجي واعيط وأفتر اريد اطلع هو لزمني..
سيف:ديمة شبيج ولج ليش تبجين..شكو شصاير
اني بصوت مبحوح..سيف اهلي ماتو ..
هو انصدم لبسني عباية امه ..لان جنت لابسة دشداشة قصيرة حتى ما منتبه ع نفسي من نزلت عمتي تهدى بيه ونور واني نار ...اريد بس اروح ...
سيف اخذني صعدني بسيارة ويسوق سريع..

ديمة:سيف فدوة استعجل ..واني دموعي اصب اتمنى هذا الشي غلط هي خالتي كالت احترك البيت
سيف:ديمة اهدئ هسة نوصل ..إنشاء الله ماكو شي ..
اني ضليت ادعي لان ما عندي شي غير الدعاء..
هو احسة مرتبك اكثر مني..
وصلنه لبيت واني اشوف النار شاعلة بيتنه وناس ملتمه وسيارة إطفاء ..نزلت بلا وعي واني ادفع بناس اريد بس اشوف حتى العباية طاحت مني ..
شفت البيت كله محترك واني اريد ادخل لبيت ..
ماجان يفصلني عن النار شي وناس اتكول منو هاي
واني فاقدة سيف يجر بيه واني ابعدة اريد بس ادخل واصيح عليه ..اريد اهلي ..هو جرني بكل قوته
ما احس بشي الا انغمى عليه..
كعدت شفت اامغذي بيدي ..باوعت اني وين بعدين اذكرت ..راسا صحت ..مااااما صوفي وينهم ...
انفتح الباب وسيف دخل..
سيف:ديمة حبي ما بيهم شي اطمئني اهلج عايشين..
ديمة :لا جذب عليه اهلي ماتو اني شفتهم يحتركون
سحبت المغذي واني اشوف الدم كام يطافر..سيف يهدى بيه ..اني دفعته ..وطلعت اركض ..
اريد بس اشوف واحد من اهلي وارتاح..
اني ابجي ..وناس كلها تباوع عليه ...
ديمة:ماما وينج فدوة لاتعوفيني منتظر صوفي فدوة لاتعوفوني بس انتو اليه...
سيف اجه عليه ويريد يرجعني..
سيف:ديمة مو اكلج ما بيهم شي اهدى موزين عليج..
اني كعدت بكاع ..كمت  ابجي وهو حاظني ويحلفلي
كلشي ما بيهم بس اني ما اصدك الا اشوفهم..
ديمة:يمة لاتعوفيني اني منو الي بعدج  ...
اكو ناس مقابيلي خطيه مرة تهدى عليه اتكلي الله يصبرج كلها جانت متعاطفة وياي ...