🔪شمكارة زووهرة 🔪 (مكتملة )

البارت السابع

مهم تشجعت وكملت طريقي لعندهم وصلت حدا الطوموبيلة ديال تاائر لي عمرني شفت بحالها في حياتي كتبان واعرة وعرة بزاف من خارج بانو ليا هوما باركين بجوج لقدام حليت الباب لوراني و دخلت وزدحتووو من وريا على الجهد غير باش نعصبهم و نجبد الصداع معا شي قمقوم هاد الساعة مكاين لي ضسرني ولا تكلم, بان ليا داك فار جالس في بلاست الساأق وكيهدر في التيليفون بواحد اللغة مفهمتهاش ماشي العربية ماشي لفرونسي مهم مقشبت فيها والو ونكدب عليكم ونزار جالس حداه كيتفرج في التلفازة قبالتو كاينة في السيارة

شتو الناس فين واصلو مشاو بعيد وأنا بقا لور لور ختكم مولفا غير على التراكتور ولا كااميو ولا شي قشقاشة مصدية كتر من وجهي غادة وطزطز كل مرة خصها دفعة باش تنود متنود غير لما نغزوها وأكتر حاجة كنركب فيها هيا الصنطروة ولا بيكان كنعطيهم قتلة كين غير ورك في 100  وخالي لعجاج وراك وبلخصوص مني كنكون هاربة من لحناش ولا بوليس والله الى شدوني كنولي سندوخان ولا شروخان في زمانو
نرجعو عند داك فار من كمل الهدرة في التيليفون حطوو قدااموو  تلفت عندي وقال

تاائر : صافي مشينا منسيتي والو ؟

شفت فيه ومجاوبتوش هاد الشي لي زاد عصبو ومبقاش عاود صولني ولا هضرني هز ليزيات بنترة دارهم في ودنيه وضرب واحد النضاضر كلاس في لكلاس السيد ولا يبان قرطاسة هوا زين وكمل درك أه قلبي الصغير لا يتحمل لا يتحمل باينة شدتني الزعطة بديت كنقول في خاطري أعودو بالله من الشيطان الرجيم ستغفور الله عضيم ستغفور الله عضيم غير باش نحيض هاد افكار السلبية من دماغي ومنديروش في مخي
و ضيمرا السيارة وشد الطريق البيست خلا غير لغبابر شانگة وراه

الصراحة هادي أول مرة في حياتي غادي نسافر شي بلاصة بعيدة ونكون بوحدي يعني ماشي معا العاىلة وزيد عليها محملاش نمشي لديك البلاصة لغاديا ليها دبا معرفتش علاش گلبي حاسة بيه مزموت عليا ومعجبني حال ضرت السمطة وتكيت على لكرسي اللور وجمعت أيديا عند صدري( يعني ربعتهم ) وضربت الطم مبقيتش هدرت بقيت مقابلة غير الطريق ومرة مرة كنشوف في التلفازة فاش كيتفرج نزار وخا بان ليا طالع ليه الدم ومعصب ومعاجبو حال باينة فيه خايف على باه ليموت ويخليه أما السيد لاخور غير خرج من البيست ووصل طريقولطوروت ولا غادي بواحد السرعة مكتسورش الطوموبيلة وليت حاسة بيها غادي طير من الأرض معرت معامن يتصابق الله وعلم دار ليا طريري في رااسب  شدتني الدوخة والشقيقة كلشي تخلط عليا في دقة وحدة عاد زيد عليها بان ليا البيض لي كليت قبيلة بدا يعطي المفعول ديالو وهاد المشقوفة حسيت بها بحالي سمقلتني أنا صراحة نفضل ميات طوموبيلة قديمة ولا هاد الطموبيل الحس ميتسمعش فيها ودنيا صمكتهم ليا الله يخليها بلخلا واه النفس فيها مدوروش وأنا أصلا كنتخنق في البلايص الزامتة وهادي جابت ليا جوج وgرش....... نفس تحبست عندي ونزيدكم هاد الموحال جرا ليا وحنا يالله دربنا شي 40 كولوميط وسيد قالك فاس بعيد علينا ب500 كولوميط صافي هنا حسيت بحماماض طالعا ليا من المعدة وختكم مهزت حتا ميكة باش ديباني ولا حتا لويمينة باش نشمها وتحيض ليا الدوخة وتفيقني من الگلبة قلت معا راسي صافي هادي هيا شوهتي قدام العديان حسيت بگلبي زمت زمت زمت وجهي تزنگ تزنگ وحمااار والسخونية ولات طالعة معايا من رجليا حتا لودنيا محسيت براسي حتا غوت على الجهد