الحلقـــة(7)
من روايـــة ...
#ممتلكَـــات_عاـشق
.........................................
غصون :: ( وكأني حطيت ايدي ع ثلج ... ع فريز ... ع شئ من كثر مامصقع مستحيل تتحمل تحط ايدكـ عليه ) مها! ..
.....
( ف جنــــان )
’’
( كان أصيل و عماد ف جيهة وعمتي وتهاني ف جيهة )
,,
عماد :: اي عادي علاش لا ,, انت شوف الاقترحات متع شركات ويصيــر خير
أصيــل :: أن شاء الله ,,
عماد :: وشن صار ف تحويل شركـــة ؟!
أصيـل :: أي حددت أكثر من موظف بنحولـــهم لي شركة التانية ,,
عماد :: بــاه وكيف بدير ف شركتكـ انت ؟! ,, يعني الي بتبعتهم موظفين مهمين ولا عادي ؟
أصيـل :: ( بي طريقــة مشمأزة ) بنبعت مروة ,,, والباقي موظفين عادين
عماد :: ( سكـــت شويـــة ’’’ وبعدين ) ومروة ؟! , مش عادية ؟
أصيـل :: ( شبــح لي عماد ’’ ونظرتــــه كانت واضحــة فيها شــئ غريب ) مانعرفش ,,
عماد :: شن ماتعرفش ,, أصيل ؟! . انت شن أموركـ مع غصون ؟
أصيـل :: ( سرح شويـــة وبعدين شبـــح لي عماد وبكـــل تأكيــد ) غصون مرتي , وحبيبتي .. وحياتي . يعني هيا كل شئ بالنسبة ليا ,, مروة مش عاديــه كاموظفة عندي ,, يعني مافيــش شئ يجمعني بيها غير شغـــل وبس .. وبعد كم يوم حتى شغــل لا ’
( قـــــص )
,,
( خليت مها ف دارها وطلعت نجري للعيـــلة ف جنان ... ماحسيتش بي رجليا وماشيـــه ودموعي في عيوني ومصدوومـــه وخايفــــة حتى الكلام يطلع مني بي سيف )
,,,
غصــون :: ( وقفت ع باب المطبخ ) أصيــــل!؟؟ ,, عمممتي ,, تعالووو
,,,
ساجــدة :: أن شاء الله خير ,,
’’’’’’’’
( ف دار مها )
أصيل :: مهااا ... مهاااا ؟!
مها :: ( كاانت صقعاانه وترجف بي طريقة غريبة رغم انه الجو ف وقتها مش صقع هلبه ,, )
ساجدة :: ( تبكي ) ووه عليا بنتي ... نوضهااا شن تراجي ارفعها المستفى نووض .,
غصــون :: ( ساكــــته ولا كلمة إكتفيت بي دموع ومافهمتـــش شن الي صاايــر معاها أصلاً )
....
( قــــامها أصيل وطلع بيها هوا وعمتي وتهاني وانا كنت طالعـــه وراهم ورن تلفون غصــون )
,,,
( رجعـــت شوفت الرقم لقيت مكتوب عليه ( حبيبي ) كنت بنرد بس فصـــل , ولما جيت بنفتح باش نكلمه ونقــوله لقيته متصل بيها أكثر من 70 مره وهذا غيـــر المسجات الي باااعتهم .. ولما فتحتهم مســـج وراء مســـج كنت مصدومــه بي الكلام المكتوب وكيف كـــان تبريره حقير لي درجــة كبيرة .. وفعلاً أكبــر شئ نطبــق ع سيف ف وقتها هوا{ عــــذر أقبــح من ذنــب } )
.....
( ف المستشفـــى بعـــد مرور نـــص ساعة مع دكتورة )
...
( طلعت دكتورة من غرفـــة الكشــف )
دكتورة :: وين أمها ؟!
ساجدة :: أنااا ؟! .. خيرها بنتي ي دكتورة ؟
دكتورة :: ( بي تنرفيز وزعــل ) ممكن تتفضلي معاي ,,
ساجدة :: أي ,,
,,,,,,,,,,,
( عمتي بـــس كانت فوق جنب غرفــة الكشف ,, اما عماد و تهاني روحو بيجيبو حوايج لي مها وحاطين ف بالهم انها برده عاديه ,, وانا كنت مقعمـــزة ف جنينه متع المستشفى وأصيل كان الداخــل )
...
( كنت مقعمزة ونفكـــر شن الي خلي العاشـــق الي انا ديما كنت ندافع عنه وكنت نفسر ف تصرفاته على إنـــها حب يطلــع حقيــر هكي ,, الأسف الي ف مسجااته وعدد مكالماتـــه توضح خوفـــه وزعلــه ع مها , بس لو حبها فعلاً علاش يدير فيها حاجة زي هكي ,, ميــــة سؤال وسؤال ف بــــالي ومستغربــة وحقيقــــة خايفــة ,, يعني لو سيف الي يحبها ليهم سنين وصار هكي .. أمالا انا الي اليوم بس عترفلي بي حبه شن بيصير فينا ,, وانا مشغـــوله بي الافكـــار سوده حسيت بي راااسي رجع يلف مره تانيـــه ورجعت عيوني وكأنـــها ضباب لي درجة حاســــه روحي بي ننعمى ,,, وسمعت صوت حد ينادي فيا وكأنـــه واقف ويحاول يلفت انتباهي لي وجوده ,, رفعت رأسي ورجع عادي ,, )
..
سلمــان :: غصون ؟!
غصون :: ( شبحتـــله ) ااه اهلين ,,, أسفه بس راسي كان يوجع ماحسيتش بيك
سلمــان :: لا ولايهمك ,,, لاباس عليك ؟
غصـون :: لا عادي صداع عادي ,,
سلمان :: ان شاء الله لا بأس ,, شن ديري برا جو باارد
غصــون :: ههـ لا عادي حلو ...
’’
( سلمــان كان أولـ واحد نشوفــه لما تعرفت ع عيــلة أصيل ف وقتها جي مع عمتي باش خطبني لي أصيل ف ضيعة .. بس سليمان ف وقتها كان معجب بيا هههـ بس الاعجااب كان عادي وأكيـــد فات ومات .. طبعاً هذا الي انا كنت متوقعاته , سليمان يكون ولد خالة أصيــل وأصيـل مايحبااش أبداً ,, بس لما يوشفه يكلم فيه عادي لكن ديما يقول انه انسان بارد ومستفز )
,,
سلمــان :: كيف حال مها ؟ خيــــرها ؟!
غصـون :: برده ,,, الحمد لله ,, انا ماشوفتهاش لكن كيف كنت بنركب
سلمــان :: باه تعالي نركبو .. صقع عليك اصلاً ,,
...............
( وأحني خاشيـــن من باب المبني متع المشفى )
أصيـل :: ( طالــع وكله رااعـــش ) غصــون ؟ .. انتي وين كنتي .. قلبت عليك دنيا فوق ولوطه وف الحمامات وف الكفتريا وتلفونك يرن وماترديش ...
غصـون :: ( شبحت لي سليمان وبعدين رجعت شبحت لي اصيل ) هه انا هنا .. كنت برا
أصيـل :: ( شبـــح لي سليمان ) اهلاً
سلمـان :: كيف الحال ؟! ,,, لا باس ع مها
أصيـل :: لا يوريك بااس ,, انت من قالكـ ؟
سلمـان :: خالتي كلمتني ,,,
أصيـل :: مش ضروري تجي اصلاً كلها ع بعضها برده ..
سلمـان :: أنشغــل بالي قلت نطمن ... ( شبحــلي وبي غبــاء تام ) شن نركبو ؟!
أصيل :: ( رفع حاجب بي أستغراب و بي إبتسامه ,, شد إيدي ) لا غصـون بتقعد معاي ,,, انت كان تبي تركب اركب
غصـون :: ( مانعـــرفش بس فعلاً الموقف كان مضحكـ وهذا الي خلاني نبتسم ونشد ضحكتي )
سلمــان :: تمام ,,
............
أصيل :: ( شبحلي وهوا رافع حاجب ومنزل تاني وبي عصبية ) شنننو ؟
غصون :: ههههههههه شنو ؟!
أصيل :: غصون ماتضحكيش ؟
غصـون :: باه شنو ؟
أصيـل :: شن بتركبي هيااا وانا واقف .. مش حاسبني راجل الحمار
غصـون :: ( تعفلقت ) واللهِ ,, صــار الي مضايقــك انه مش حاسبكـ راجل ؟
أصيـل :: امالا شنو ؟
غصـون :: ( وانا الهبلـــه الي كنت نحساابه شعور الغيــرة بدي ينبت ) ااي لالا .. اصلاً أكيد هذا الي بيضاايقكـ ,,,
أصيل :: ( إبتسم بي أستفزاز )
غصـون :: ( تعفلقت زي البنت المراهقة .. العاشقة الي خاطرها تعيش قصص الحب بكل تفاصيــلها ) ’’ انا بنركب
أصيـل :: ( شد إيدي ) غير تعالللي ..
غصـون :: ( وقفت قدامه ’’ )
أصيـل :: ( كـــان ينزل في رأســـه ويبتسم ) شن ؟!
غصـون :: ( بي إستعبااط ) شن ؟!
أصيـل :: لو قلت إنــه مش حاسبني رااجل ف هذا مش يعني انه انا ماضيقتش من وجوده معاك ومن إنه يكلمك وانا موجود ومن انك تسلمي عليه او حتى تكلميه ومن انه يشبحلك او يلمحك او يفكر حتى ف اسمك او يقوله ,,
غصـون :: ( فتـــحت عيوني بي صدمــه ) شن هذااا ؟َ!
أصيـل :: انا لو بي إيدي نشري فازو كبير ونحطك فيه ونصكر عليــــكـ وتكوني ليا اانا وبس ,, إنتي ملـــكي ,, مش مرتي , يعني الغيـــرة الي تحسابيني ماحسيتش بيها هذا مانولدتش اليوم ولا امس ,, هذا من 4 سنين فاتـــو ,, غصون انا قلتلك نحبك ,, بس ماقلتلكش انه انا نحبك من قبل مش احساس اليوم هوا ,,
’’’
( وهنـــا حسيت بي إحاااسيس غريبـــة مشااعر ملخبطه ,, نـــار تحسي بيـــها بس مش قــادره توقفيـــها ’’’ هنا حسيت بي كل كلمــه وفرحت فيها حــق ’’ )
,,
أصيـل :: ( نزل رأسه وحط صبـعه ع خشمي ) فهمتي ؟
غصـون :: ( بتسمت ) يس هههههـ ,,
أصيـل :: ( حضني ) ههههـ مهبولـــه ’’
غصـون :: ( وفعلاً ضيعة اللحظة رومانسية ) ’’ أإحني زي الي ناسيــن مها ؟!
أصيل :: هههههـ صح ,, لا انتي ماشاء الله تحبي تتفكري ف وقت منااسب
غصـون :: هههههههـ ,,,
.....................................................................
’’’
( لما طلبـــت عمتي دكتورة ومشتلها عمتي للغرفة ... دكتورة وضحت لي عمتي انه مها مش مريـــضة برده والواضح انه هذا كان سبب عرض جانبي أخر خاارج عن الجسم يعني بي المعني الاصح عرض نفسي ,, وقالتلها انه من الواضح انها عرضت لي صدمه كبيرة بدل ماتعب قلبها كان المتضرر فيها هوا جسمها الخارجي اما داخلي ف كان حرااره عاليـــه )
,,,,,
( كلنـــا ف دار مها )
دكتورة :: هيا تقدر تطلع توا ... بس لازم تمر عليا مره تانيه .. يعني غدوا افضل ...
أصيـل :: علاش ؟ .. مش قلتي انه هذا سببه عرض نفسي ومش حاجة تانيه ؟ ...
دكتورة :: أي ,, وانا الي بنكـــون مسؤوله على علاج مها نفسي ... لي مده قصيرة مش أكثر ,,,
أصيـل :: تمام
عماد :: باه دواء او حاجة .. يعني بتوصفيلها حاجة ؟
دكتورة :: لا ,,, المهم انها تتبعد عن توتر الخوف الصدمات والباقي نتكفل بيه انا لما تجي غدوا وتشوفني
غصـون :: ان شاء الله ,,
مها :: ( كانت فايقـــة وتسمع ف كل كلمة بي الحرف الواحد ,, بس مافيش اي رد منها )
ساجدة :: باه نديرولها خروج ؟! ,,
دكتورة :: لا مش بي ضرورة مها , تفضلو معاي وانا نطلعكم
......................................................................
’’
( تاني يوم صبح )
( نوضت لقيت أصيل ف الحمام يدير ف دوش . نوضت درت شعري فوق وطلعت لي صالة ندور ف تلفوني ,,, وبي صدفـــة سمعته يرن )
..
غصـون :: ألو ؟!
سيف :: غصون ؟!.. انا سيف
غصـون :: خير ؟
سيف :: قبــل ماتكلميني بي اي طريقة .. نبيك طمنيني ع مها .. من امس نتصل بيها وحاولت نوصلها بس مافيش فايده باللهِ عليك انا خايف عليها
غصـون :: مها امس خدينها للمستفشى ... اعتقد جواب كافي لي أسألتك ؟
سيف :: نعرف ,, وانا نبي نطمن كيف حالها توا ؟
غصـون :: وشن الي عرفك ؟
سيف :: من لما معاش ردت ع تلفوناتي جيت قدام حوشكم ومن امس لي اليوم وانا ف سيارة قدام الحوش ...
غصـون :: ( مشيت طول لي روشن ) ..
سيف :: ولما طلعتو للمستفى طلعت وراكم ...
غصـون :: لو كل هذا خوف وحب ... أمالا علاش الي درته فيها من الاول اصلاً
سيف :: واللهِ واللهِ ي غصون هذا كان ف البدايه .. ماقدرتش نقوللها لانه الحقير وليد كان حاطها ف رأسه خوفت عليها اكثر من روحي .. واللهِ نحبها الله ... ي غصون انا مانقدرش نعيش من غيرها .. ف البدايه كنت حقير وكذبت بس بعدين واللهِ الاحبيتها .. غصون باللهِ عليك نبي نشوفها ضروري
’’
( الحقـــارة انها يحاصركـ القدر من الاربع جيهات ... وماتقدريش تشوفي لي ولا جيهة فيهم لانك مجبورة تراضيهم كلهم .. )
...
غصـون :: شوف انا وياها اليوم ماشين للمستشفى ... تقدر تجي وتشوفها ؟
سيف :: اي اي اكيد .. خلاص امالا انتم اطلعو وانا وراكم ...
غصـون :: تمام ...
.......................................
( بعد شوي) ( ف المطبـــخ )
,,
أصيل :: ( جي من وراي ) حبيبتي
غصـون :: ( شبحـتلــه ) صحــة ...
أصيـل :: ( قعمز ع طاولــه ) مااشية مع مها اليوم ولا ؟
غصـون :: ( حطيت شاهي وقعمزت ) اي ان شاء الله
أصيـل :: بديري كشف معناها ؟ ( يكلم فيا بي كل حنيه ولطافــه وكأنه يساير ف طفــل صغير باش مايقولاش لا )
غصـون :: لا .. هههههههههه
أصيـل :: لا بديري .. وانا اصلاً قلت لي دكتورة وخديتلك موعد بعد مها ....
غصـون :: ما(قص)
أصيـل :: ( ناض وقف ) وبعدين تروحي وتجهزي روحك ع أكملـ وجهه لانه اليوم أفتتاح شركة بوي مره تانيه ونبيك جنبي ..
غصـون :: ل(قص)
أصيل :: ( باسني ع خدي ) نحبك .. نجيك ساعه 7 نلقاك جاهزة ( وطلع )
غصـون :: ي أصيـــل سمعني ..
أصيـل :: يالله سلاام
( وطلع ) ( نوضت انا نضفت الحــوش وبخرته وجهزت روحي باش نمشي مع مها ... لكن بالي كلـــه مشغــول في حفلــة اليوم وشن الي بنلبسه فيها وشن بندير ف عمري )
................................................
( ف المستشفى واحنى نرااجـــو ف دكتـــورة ومقعمــزين ف الممر )
مها :: ( تتكلم بكــل جديــه ) تو نلبسك انا ...
غصـون :: حبيبتي انتي مش لاهيه بيا توا .. خلاص انسي المهم توا نطمن عليك وبعدين يصير خير
مها :: ( شبحتلي ) غصون اانا كويسة ... جيت اليوم بس لانه بجديات خاطري نحكي لي اي حد المهم نفش غلي وشكله دكتورة بتجيب نتيجة .. امالا بالنسبة ليك انا الي بنجهزك .. اصلاً اكيد ماما بتمشي وانا بنمشي وتهاني و عماد .. يعني هكي ولا هكي بنلبس ونجهز روحي ...
’’
( فرحـــت بي القــوة المزيفـــة الي عند مها الي ف الاساس ح تتلاشى اولـ ماتشـــوف سيف .,, ضعفها قـــدام سيف وحبــها ليه اكبر من قوتــــها قدامنا باش ننسو ومانتكلموش ف الموضوع .. فهمت انها ماتبينيش نعاملها ع انها مريضة ف صكرت ع الموضوع وتكلمت عادي )
,,
غصــون :: باااه ,,,,,, ( شبحت لقيت سيف جاي من أخر الممر )
مها :: (كانت منـــزله رأسها وتلعب ف صوابعها )
غصــون :: اممم حبي انا ماشية بعدين نجيك باهي
مها :: ( شبحتلي ) وين ؟
غصــون :: شوية بس نجيب مياه ونجي
مها :: وانا تبخليني بروحي ؟
غصــون :: خلاص شوية بس ونجي
,,
( وقرب سيف وسمع أخر كلمــة قالتها مها )
,,
مها :: لالا باللهِ عليك ماتخلينيش بروحي ..
,
سيف :: انا معاكـ ’’
..
( مها قعدت تشبحلي وماتكلمتش .. ماكانش ع وجهه اي علامة من علامات صدمة او تعجب ... وكأنــها حست بي أنه بي جي ,, نوضت وقفت وغمزتلــه ومشيت ... وهيا ماحولتش توقفني او تطلب مني اي حاجة )
...
( قعمز سيف جنبها وهيا كانت تشبح قداام وهوا كذالـــكـ )
.................
( ف غرفــة دكتورة )
الباب :: طق طق طق
دكتورة :: تفضل ..
..
غصـون :: صباح الخير ..
دكتورة :: اهلاً غصون ... خوشي
غصـون :: ( خشيت وصكرت الباب ) مها برا .. بنبدلو المواعيد هههـ ,, يعني انا قبلها
دكتورة :: هههه اه اي مش مشكله ... انتي بديري تحاليل قبل وعليهم هما نقررو شن بنديرو
غصـون :: مش بي ضرورة تحاليل .. انا رأسي نحس فيه يوجع .. وأحياناً دوخه ودوخه هاذي تخلي فيا نفقد سيطرة ع نفسي ومعاش نشوف في شئ ...
,,
دكتورة :: ( بي علامات الخوف ) ,, معناها خلينا نديرو صورة ع دماغ وكشف كامل لي دماغ ونقررو
.......................................................
( ف الممــــــر )
’’
( طــــال صمت بينها وبين سيف هلبـــه ,,, وبعدين تقدمـــت مها وتكلمت )
مها :: ممكن نسألك سؤال ,؟ ,,,,,, ( بي خوف تردد وصعوبة ف الكلام )
سيف :: ( رفع رأســـه وشبحلها بي إبتسامة .. وكأنه كان يبي يسمع منها اي شئ المهم تتكلم ) , اكيد
مها :: لما راهنت عليا انت كيف كنت تشوف فيا ؟!..
سيف :: كيف ؟!
مها :: يعني ... كيف كنت ف نظرك .. بنت مش كويسة ؟ ,,
سيف :: ( بي إبتسامة استهزاء وخوف ورفع ضهره وشبحلها ) هه اكيد لا ...
مها :: شن معنى رهان ؟
سيف :: ( ساكت )
مها :: كنتُ تبو توضحو من الاقوة من تاني ؟ ,, بس طبعاً انت تب تفوز بيا وبس .. اما وليد ف تعدى كل شئ وبدي يبي يكسر لحدود ...
سيف :: مها ... ( بي عصبية ) .. اي عاارف انه انا درت حاجة مش كويسة ونعترف.. لكن بعدين عرفت اني غالط ومسيبتكش بالعكس ... كنت جنبك ومعاك ومستحيل نخيله يمس شعره منك ...
مها :: ولو مسني ؟! ,, ( السؤال الي ماتوقعـــاش سيف من مها)
سيف :: كنت قتلتـــه ,,, انتي غبية ... ( بي عصبيــة وخوف ) انتي ماتفهميش .. قتلك انا نحبك .. نحبك يعني نبيك نتمناك نحميك ونخاف عليك ومستحيل نخلي كلب زي وليد يقرب منك .. مها إنتي روحي .. انتي فااهمــه حاجة زي هكي ولا لا ؟
مها :: ( وقفت وبي عصبية ) مداام انا هكي . علاش درت فيا هذا كله ؟
سيف :: ( وقف ) اااافهمي ... انا ماكنتش نعرف انه ح نحبك الحب هذا كله ... ماكنتش نعرف انك ح تكون جزء مني ... اللعبة هاذي كانت لعبة حقيرة وف البدااية .....
مها :: ( وبدت تبكي ) وانا حبيتك ... بس انت كذبت .. ماعترفتش من الاول ... شن لو وليد خطفني .. او دار الي ف راسه ... كنت وقتها ح تعترف ولا ح تهرب زيك زيه ..
سيف :: ( يشبح يمين ويساار وهوا متعصب ... بعدين قرب شوي من مها وحاول يمسك دراعها ) مها !
مها :: ( وخرت ف خوف كبير ومنعاته من انه يقرب منها)
سيف :: ( بي صدمـــة ) ,, خايفة مني ؟!
مها :: أي ,,, ( تبكي ) شن متوقع ؟. ,,
سيف :: ( رفع رأسه وصكر على فمه بي عصبية وشبح لي الحيط ب عصبية خبط ايده )
مها :: ( غمضت عيونها )
سيف :: مااكانش قصدي .... واللهِ ماكان قصدي ... ( شبحـــلها ) هوا خلاني نكون ف دواامـــه حقيرة زي هاذي .. خوفت نقولك ونخسرك .. وخوفت مانقولكش ونخسرك.. ي مهااا كان يكلم فيا لما مانكونش ف الجامعه ويقولي مشيت وسلمت ع حبيبتك وكان نقدر ناخدها ... كان يخوف فيا وكنت نسيب اي حاجة في ايدي ونجيك نجري ... حتى اخر الايام ماكنتش نخليك فيك بروحك .... حتى لماتركبي سيارة وتروحي كنت وراك لين توصلي ... ي مهاااا كلب هذا كلب ..
مها :: ( سكتت وتبكي وتشبحله )
سيف :: ( وقف قريب منها ) ,,, مها
مها :: ( وهيــا تبكي ) نعم ؟!
سيف :: باللهِ عليك ماتخافيــشـ مني ؟
مها :: الخوف عندي نوعين ... منك ... ومن انه نخسرك .. وتاني اكبر
سيف :: مستحيـــل ... لو ع تاني ف ماتخافيش لانه مستحيل ...
مها :: ( تبكي )
سيف :: انا خايف من الاول .. ومانبكش تحسي بيه وانا ومعاك ..
مها :: شن الي ح يخلي الخوف الاول يتلاشى ؟؟ ... بعد مانزرع فيا ومستحيل يمشي
’’’
( فعلاً خوفنا نوعين ... خوف من الي يحبنه .. ومن انه يسيبنه .. بس مافيــش الي يخاف من خوفنا انه يكبر .. و لو يوم حاس أدم بي نفس انواع الخوف .. ف حقاً ادم ف هذي اللحظة هوا يحب ) ,,,
( قــرب سيف خطواات من مها .. ومها ماتحركتش من مكـــانها .. بي عفوية بي دون احساس بي خوف وتوتر ... حضنــها )
.
سيف :: هكي ؟! ,, هكي يتلاشى
مها :: ( نفجرت بي بكااء أكثر .. بس هالمره لانه فعلاً حست بي الامان وراحه )
...................................................
’’’
( بعد مادرت تحاليل وكشف )
( قعمزت دكتورة وع وجهه التوتر والخوف الي شغلــو بالي بمأنه الموضوع كان عادي بالنسبة ليا )
غصــون :: خير ان شاء الله دكتورة ؟!
دكتورة :: ............
#يتبع
#سلمى
