وعيت وكبرت ع كلشي عدنه عيب وميصير البنيه تسوي جنت احسب حساب لكل خطوه امشيها
احنه من بغداد
القصه تبدي من جان عمري17سنه
مثل كل يوم يجي الليل نصعد بلسطح ننام ع برد الهوى واني اعد بلنجوم ماحسيت بس ع كفخه امي
ام نيران: اني كم مره اكلج لاتعدين النجوم يطلع حب بوجهج
نيران:خوب انتي يوميه ع هل سالفه
ام نيران:دنامي احسلج
نيران:بأنزعاج درت وجهي وغفيت ماحسيت بس ع صوت ضحك وتبسبس
كمت والشمس بعيني اتبع الصوت منين جاي
باوعت من السطح والكه جيرانه ابو مرتضى يتبسبس لمرته وهيه تضحك دنكت راسي واني اضحك عليهم شكد همه كبار بلعمر بس اشوفهم دائماً سوه الله يخليهم
نزلت جوه تلكتني امي
ام نيران:هوه الينام هلكد؟
نيران:يبوووو يعني الساعه بلعشره ابيش تردين اكعدلج
ام نيران:ع كيفج يمه اني شكتلج بس واحد يجينا والبيت مو نضيف
نيران:هيه كلها واكعه براسي مو ذيج بنتج متكليلها
ام نيران:لعد اني مو اجيب الاكل ليمج لعد تنضيف متنضفيلي واني مره جبيره ...روحي يمه الله يهديج
نيران:رحت غسلت وبديت انضف
صحيح امي احبها بس اني ماتصخر الهه ابد ودائما اخليها تبجي واتندم
اني ابويه عايش عقيد متقاعد واخوان ثنين واحد عسكري اسمه قائد والثاني اسمه محمد يشتغل بمحل حقائب نسائيه يطلعون من الصبح مايرجعون لليل
واخت وحده اسمها ياسمين
مرت الايام بين عركات اني وامي لحد مابيوم
امي كلتلي تعالي فركيلي رجلي
نيران:والله مابيه حيل يعني كوه تطلعينن صخره وتصخريني
ام نيران:لج اني شطلبت منج حقيره اني امج
دومج شالعه كلبي اني الاكل اجيبه ليمج وشغلج اني اشتغله ليش ولج لييش مايغزر بعينج
نيران:اهوووو يعني شون الواحد ميكعد يمج
ام نيران: لج لييش هيج دومج وياي مو فنيت عمري بس اداري بيج تاليها حته كبرتي متشيلينها
اخ يمه كلبي ولج ياسه لحكيني
ياسمين:اجت تركض...يمه يمه شبيج سمالله واني افرك بيدها
نيران هاي شسويتيلها؟
ام نيران:صيححي اا ابوج خخل اا يوديني
نيران:امي نطقت هذن الكلمات وخربت اني طكيت بجي
يمه صخام الصخمج نيران ولج اذا ماتت لو صارلها شي شيخلصج
رحت ركض اصيح ابويه واني مفرفحه بجي
اجه ابويه
ابو نيران:ام قائد ام قائد شبيج؟ ياسمين مي كبي ع وجهها بساع
نيران:بقيت خاتله بلزاويه واني ارجف وابجي يصحون بأمي متصحه
شالها ابويه وياسمين وركضو للسياره
صعدت وياهم واني خايفه لا امي تموت
ابو نيران:لج نيران والسماج نيران اذذذا امجج صاارلها شي متلومين اله نفسج
وصلنا للمستشفه اخذو امي للطورائ والممرضات والدكاتره يتراكضون عليهاا
اباوع حال ابوي وياسمين وبجيهم كسر كلبي
تندمت حيل انو وصلتها لهيج حاله
وره نص ساعه الدكتور طلع كال منو نيران
نيران :اا اني
الدكتور :امج كعدت وطلبتج بالاسم روحيلها
نيران:رحت طبيت واني ابجي اشوف امي عين مفتحه وعين مغمضه والوجه شاحب
تقدمت الها بخطواتي
أنت تقرأ
لم يكن لي ذنب🔞
ChickLitوخخرر عنهااا المووت بيد الله لتذب الذنب بيها وخرر من رخصتك عمي...وحق الله الي يلمسها اكسرها لأيده وشتردون تسوون سوو واني نيران اخذها وياي عمي مابقيها هنا واني احاسبها واندمها لحد يدخل
