بسم الله
ماريدك تحبني بأي كلام
اريدنك تحبني عشك معدان
رجعت ل اهلي واني مخنوكه ليش ماعرف شبيه خاصه صارلي فترة ادوخ ومامتوازنه شكيت بروحي حامل ضليت اسبوع عد اهلي وعساس ايردون هوة يطلك وحمواتي يوزن عمتي عليه ومره اني ابويه يريد يطلك مرت ١٥ يوم عد اهلي ومنها تخربطت وكعت كعدت بلمستشفى كالو حامل رجعت للبيت ابويه خابر عمتي كللهة من اجيتج وطلبتي مره مني اني انطيتج وهسه جاي اكلج جنتج حامل هسه بعد اني بلغتكم
عمتي كالت هاي هيه لتريده يصير العصر احنه يمكم
اجت عمتي العصر هيه وامجد حجو واعتذرو بس اني من شفته تخبلت وتهسترت اعيط طلعوو ماريده ماريد لمن حسيت روحي جاي انزف نزيف ودم طلعوني امي غسلتلي كالت هسه اخذج للدكتوره هوة خلوه بغرفه وسدو الباب ابويه وحسن كله شبيها ليش هيج علمود ضربتها كله لا هيه من فتره من اشوفي مدري شيصير بيها وتخاف حتى اني مرات ماطيقهة
ابويه كال هسه اخابر اجدادها الساده واشوف
احنه طلعنه للدكتوره امي وعمتي واني كالت طفل مهدد بل اسقاط ولازمج راحه وتنامين بل فراش ماكو حركه ابد رجعنه
ابويه خابر الساده بيت جدي كالوله هاي بيهة تابعه اجتها ورا الزواج ودايسه اذا ماتتعالج تاذه راح اندزلها حجاب ومايات مقريه وبخورات الهة ورجلهة لين من جاي ايشوفها يتاذه وحتة مرات ميريدها
كاللهم ابويه حظروني مطاول بعدني مجاز هذا الاسبوع جاي باجر الكم راح ثاني يوم بابا من عمتي باتت يمنه وامجد طلعو للبيت قبل لا اوصل واشوفه
جابلي الغراض وجاي يعلمني عليهم رحت سويتهن ٥ ايام واشتاقيت ل امجد خابرته ها حبيبي اشتاقيتلك اشو لا تخابر لا تسأل عليه
امجد حيل فرحت من هيه اتصلت بيه يعني اكو تحسن بس اني مكاطع بيها اخابر امها لو اماليد يكولون شوي احسن
فاتن تعال اريد اشوفك كال الها اذا مجيت العصر على باجر
رحت حظرت نفسي شويه احسن صرت انتظرته كتله ها تجي كال ي جاي
اجه اني نايمه على سرير مالتي وسجودي بل كاع يلعب عمر ٩ اشهر واني هسه حامل شهر ونص
دنك عليه باسني وحظني حيل كال مشتاقلج شلون صرتي كتله زينه احسن شويه بس اقل حركه يصير نزيف قليل كالت اذا تبقين هيج لو انزله الج لو نشوف الحركه كال الله كريم شلونه سجودي خو مشالع كلبج
كتله زين بين خواله وخالته وامي مكيفين بي
مرت فتره عليه ٣ اشهر عد اهلي يجي مرات قليله ايشوفني بس كله عمتي مكاطعه المصرف والفواكه وكلشي هيه ايدز بيدها
خلصت فتره ورجعت ل بيت عيالي بيوم جنه كاعدين الصبح طلع عمي ابو امجد وحماي عمي عنده شغله وراح وحماي هذا هستوة متعين ظابط مخلص كليه اعلام ودرس وعينوه ضابط صاعدين تاكسي نزل عمي وراح بقى بس حماي هذا مواليد ٨٧ تحركت اشويه سياره وتفجرت سياره مفخخه اجته شضايا براسه ومات اتذكر بوكتها ذاع الخبر مالته بل تلفزيون سنه ٢٠٠٨ خابرونه راحو للمستشفى ماملحكين عليه مات وجان رمضان وصيف الدنيا انكلبت بعد شاب وزغير وجان ايحب وحده جيرانهم عساس نهايه الاسبوع انروح نخطبهة اله ماات
