زياد:يمه فدوه لكلبج اروحن سدي الموضوع وعلي مالي خلك هل سالفه هذول اخواني اربعه دجلبي براس واحد منهم
ام زياد : يمه شلون ازوج اخوانك اصغر منك وانته اضل لا يمه دخل اخطبلك بت خالتك يمه فقيره وحلوه ومعدله
زياده : حبيبتي انتي يمه والله حاسبهن حسبت زينب شلون ازوج وحده منهن عوفيني عايش حياتي ابوي معتمد عليه بلشغل مو مال ازوج هسه
ام زياد : يمه براحتك هو انه اكدر اردك من صغرك اسوي البراسك لا توكف بعينك لا ام ولا اب
زياد: لا يمه حشاج بعد كلبي بس خليني براحتي ماريد اورط وحده وياي
يوسف : اي عمي شعليك هيا تتوسل بيك حتى تتزوج وانه اتوسل بيها حتى تخطبلي
ام زياد: استجن انته وينك وين الزوج بعدك جاي تدرس اتخرج وتدلل يمه قابل انه ماكيف افرح بيك وبخوانك بس خلص جامعته وبيك خير وتدلل
* يوسف : يمه فدوه اروحلج اذا انه كل مرحله أنــآم بيها سنتين
ام زياد :الله كريم يمه مو هسه هذا الحجي هسه
زياد
يله يمه انه طالع محتاجه شي
ام زياد
لا يمه اريدك سالم
زياد
يله في امان الله
ام زياد
الله وياك يم محروس
...................
امي اكلت راسي ازوج وازوج واخطبلك بت فلان وبت علان وانه مالي خلك كلش
وليد
دزوج جا شمنتضر شيبت عمرك٢٧ شمتاني هسه لو مزوج ابنك بطولك
زياد
لك انجب شني لازم عمري عبر ال ٣٠ وكبرت ابن النع...
وليد
لك الزوج بس اول سنه غاط بلعسل 😉 بس بعدين يطيح حظك وعلي
زياد
انه من هاي ماريد ازوج انوب تجي وحد تاكل راسي وتتعيقل عليه هو انه روحي ماحملها
وليد
اي وعلي صدك يتعيقلن ضلعي و انته ابن خير وابن شيوخ ان شاء الله تلكه بت الحلال الي تسعدك وعلي بعرسك محد يكضني اضل فد شهر ادك وركص
زياد
كفو منك ابو علاوي ماتقصر ههههه
وليد
يله خويه زيودي اترخص المره تخابر هذا علاوي مريض مدري شجا مصخن اودي للدكتور
زياد
اخذ راحتك ابو علاوي عليك العباس محتاج شي لا تستحي مايردك لا لسانك
وليد
غالي زيودي حبيبي اريد سلامتك
زياد
يله يابه اترخص
وليد
مرخوص غالي
زياد
رحت للمعرض كضيت كم شغله ورجعت بل ٩ بليل
دخلت السياره بلكراج دخلت
يمه وينج
زينب : هله خويه حبيبي الله يساعدك ماما نامت
