وصلتهم ورحت للكوفي لكيت احمد ويحيى ولد الخر... متعاركين ومكسرين الكوفي على راس الولد فاكتتهم واعتذرت من الولد خطيه ماكل طن كلت بس لخاطري سكت كتله اذا ماطيحلك حظهم هذول الكواو...
سكت وراح انقهرت عليه وجهه مرم هو وجماعته من الكتل ههههههه
حيدر : لك سكط انته ويا شمسوين ولد الكل... شابعين الولد طن كلت هو وجماعته ومكسرين الكوفي انتم ليش زبايل ها شنو شقاوه حظراتكم
احمد : حيدر انته لو شوفه شلون يغلط جان رحت كتلته فوك الكتله الاكله
يحيى : اي والل...
قاطعه
حيدر
تاكلون خر... وتروحون تعتذرون من الولد صارله سنتين يجي للكوفي ماشفته فد يوم تعارك لو سوه مشاكل لو مادوي بيكم كواوي.... ماجي عليكم كل يوم مسويلكم مشكله وكاتليلكم واحد
يحيى : والله ماعتذر اني ويطبه مرض هما الناس مو خوشً اودم تعيل بينه
حيدر مو انته فقير والناس تعيل بيك هو انته تشتري المشاكل شرايه وتعتذر راسك فوك رجليك
رحت للولد لان عيب اعرف اهله واعرف باحمد ويحيى مستهترين مو اول عركه يسوها جبتهم اجرجر ويحيى بس يتأفأف ويسب بلكوه اجه ميبس راس طلع الولد اعتذرو منا خطيه ماحجه شي كلته اعذرني حبيبي مراهقين مو تگطع عليك الله امسحها بوجهي
الولد : لا حيدوري حبيبي انته غالي احسب جن ماصار شي .......
حيدر
حبيبي فدوه لكلبك اعتذرني مره لخ اترخص
بس يحيى شايل خشمه وماعجبه الوضع
رحنا منا درت وجهي على يحيى خزرته
انته امي مامربيتك
ضل يضحك الخايس
—————
بلبصره
يابه اليوم عمي جاي بل ٩ يجي
ابو زياد : اي بويه هلا بي خل يجي
زياد : انتضرت عمي بلمضيف
ابو طلال : السلام عليكم
ابو زياد :وعليكم السلام هله خويه تفضل جوه
زياد
وعليكم السلام عمي بسته من راسه تفضل
ابو طلال
زاد فضلك بويه
ابو زياد
الله بلخير
زياد وياسر وابو طلال
الله بلخير يابه
ابو طلال
خويه ابو زياد انته تعرف كبرت ومال مثل قبل مو االاولي مال اروح لبغداد ورد من بغداد وتعرف عدنا كيعان هناك وانه مابيه بعد وطلال شوفت عينك نهار كله بلشغل هل يفضاله ساعه زمان اذا احتاجه كلش مايكدر يفرغ روحه وبس يغيب يوم بعدً مايشغلونه
واحنا هناك كيعانه باقيات لا من مستفادين منهن اريد وحد من ولد يسافر لبغداد يخلي الكيعان يم ابو عقارات بلكن يبيعهن محتاج فلوس علمود الفصل
