البارت الثالث
حيدر كعدت الصبح سبحت ورحت للشغل
ملاذ
اليوم عطله مابيه حيل اكوم يوم خليني نايمه
ام حيدر
كومي بنيتي عاونيني البيت مكلوب من وره سويف
سيف : شمسوي يمه وعلي هذا يحيى البارحه جايب جماعته
ام حيدر هو انه احجي على جماعت حيدر والجدوره المحركه والمطبخ المكلوب الكلاص المكسور وال...
سيف
يبوي اي اني بلعباس غير اجيت جوعان هذا ابنج ملزمني واجب البارحه بلكوفي اجيت جوعان
ملاذ
سوده عليه جان كعدتني اسويلك اكل
سيف
لا يعمري انتي هم تعبانه من القرايه انوب اكطع نومتج
ملاذ
فدوه لكلبك اي شي تحتاج بليل كعدني اسويلك اكل والله ازعل عليك بعد مارضه اخوي يضل جوعان ومارضى امي تكعدني من الصبح حتى انضف من وراك بيوم العطله ههههه
سيف
لا يا مصلحجيه علمود نومتج هههههه
ضل يضحك اجه باسني من راسي واباس راس امي وايده وطلع للشغل
يله بــٰۧايَ، يمه ادعيلي
الله وياك يبعد امك محروس بسم الله
—————-
زياد طلعت من الصبح رحت لبيت خالي بغداد كاعدين
سلمت على خالي وبوسته ولد خالي هم خـوش ولد جلبو بيه على الغدا
صبو غده خطيه حار شيجيب خلصنه غده رحت اغسل
اسيل
ها ابن عمتي وين رايح
زياد
بويه شعندج طالعه مفرعه طبي طبي يمعوده
اسيل
هههههه شنو مفرعه ترا اني مالبس حجاب وبعدين انته ابن عمتي عادي
زياد
بويه اثكلي شوي كصري حسج وفوتي جوه عيب من خالي ههسه شيكول
اسيل
ترا احنا فري كولش يعني عادي واذا ابن عمتي واسولف ويا
شكو بيها هاي ماما مكلتلي عندي ابن عمه صاك
زياد
استغفر الله خزرتها خزره انكلبت معاني وجهه وطبت جوه مو مال احترام مستهتره
رحت من بيت خالي خليت الكياعين يم ابو العقارات كال مساحتهم كلش جبيره والمنطقه حلوه شعجب تبيعوهن بهج سعر
زياد
خويه احنا بلبصره ومالنا احد كاعد بغداد قررنا نبيعن شكد مايجيبن عادي
الزلمه
ماشي بويه كم يوم وتصل بيك يصير خير
زياد
يبه اترخص
الزلمه
مرخوص بويه
رحت بدلت ونمت
صار الليل طلعت اتعشيت بنفس المطعم مدري ليش ضلت بالي البنيه عبالي ارجع اشوفها ضليت اضحك على عقلي ههههه
