ملاذ
جان اشوف ثنين ولد كدامي نزلت راسي ضلو يذبون حجي
واحد منهم اجه وراي وجر ايدي
ماحس الي واحد نام فوكه وكسره تكسر خرب معاني وجهه واني ارجف وابجي دنيا عصر محد بشارع وهذاك الثاني طلع سجينه من جيبه وهذا الولد نام على الاول وكسره تكسر اني بس ابجي ماعرف شسوي شفت خشبه شلتها وضربت هذا ابو السجينه وهو دار وجهه عليهً ويباوعلي متعجب
ملاذ
تهسترت ضليت بس ابجي وصوت البجي عالي
هاي شسويت كتلته مو موته مات الولد
زياد
لا مابي شي والله مابي شي بس هو فاهي وماعت روحي لا تبجي بويه مسحي دموعج اباوع عليها الخشم احمر والخدود والشفايف دم استغفر الله ربي
زياد
باع انته ويا اذا شفتكم مرا ثانيه محتكين بيها ادفنكم وحق هذا الله ادفنكم
خلو وشردو
وهيا هم رادت تشرد
بس صحت عليها
يا بنيه
ملاذ
ردت عليهً ماعرف شكله اريد بس افلت متت من الخجل حتى ماشكرته
ها شكرا لان ساعدتني اخي وتحجي بتلعثم وقلق
زياد
لا واجبي واي واحد بمكان ممكن يسوي هيج بس عادي اوصلج حتلو للفرع لان هواي ولد ماعدهم لا غيره وضمير
ملاذ
عيوني دمعت وهو يحجي لو ماهو جاي ينقذني جان شسو بيه هذول الحقراء ضليت ابجي
زياد
ليش تبجين بويه ماقصدي ابجيج وعلي بس انه خفت عليج خاف يتعرضولج مثل هذول اوصلج لراس الفرع اذا تخافين وشوفج ادخلين بيتكم حتى يرتاح ضميري وطمني انه هم عندي اخوات وعرض ومخلي الله بين عيوني خاف تفكرين بيا بسؤء
ملاذ
ارتاحيت نوعا ما من حجيه بس ماقبلت يوصلني
لا خويه شكرا ماريد ماكدر العالم شتكول عليهً اني كل مرا يوصلني اخوي بس اليوم ماجاني اجيت اروح جان كال
زياد
خوشً جا بويه لا تصعدين بسيارتي راح اوصلج لحد بيتكم وامشي وراج اذا تخافين
ملاذ
ضليت اباوع عليهً بعدين دنكت ومشيت ضل يمشي وراي وريحت عطره سابقته وهيبه يمشي كلش طويل اني طالعه نمله بصفه
كال شنو اسمج
ملاذ
باوعت عليهً ودرت وجهي وعكدت حاجبي
زياد
ترا وعلي مو من هذول السرسريه بس حبيت أعرف اسمج مابيها شي
ملاذ
اسمي ملاذ
زياد
ها ملاذ حلو عاشت الاسامي انه اسمي زياد
ملاذ
سكتت مارديت عليهً
زياد
بويه تشلع الكلب كد ماحلوه وكد مانازكه وكد ماصعبه
ملاذ
شكرا اخي لان ساعدتني بعدً مايحتاج توصلني وصلت لبيتنه شكرا
زياد
ماشي اخذي راحتج العفو وبعدين خويه لا تطلعين وحدج خل احد وياج ااخوج ابوج حتلو للمدرسه لاي مكان لان هواي ولد مايخافون الله
