البارت 15
زهره من بلادي
#طائر بلا تغريد #
فرات ........
أني فرات طبعي هادي وطيبه حيل الدرجة اذا واحد ظربني راشدي اكوله رحمله والديك
كتومه ما احب أظهر مشاعري
ما احب اخلي أي شخص زعلان مني
ندي اخت وحده ريحانه هيه اختي وصديقتي وحارسي الخاص
عشت وياهه كول حياتي تحملنه العذاب والمر
جنت دائمن اشوف بيهه ملاكي الحارس الي مهما يخذلوني الناس هيه مستحيل تخذلني رغم مظايقاتهه الي بس يبقه كلبه الطيب هو الي طاغي عليهه
جنت كول يوم انتظر من تنام واتقرب انام وياهه عل مخدتهه اعرف هيه متقبل انام وياهه فأخلي بس راسي عل مخدتهه وانام
اليوم الوحيد الي افترقنه بيه هو بيوم زواجنه
بذاك اليوم بليل بعد ما نامو الكل تقربت من ريحانه ونمت عل مخدتهه وبجيت من كل كلبي يمكن من استشهد بابا ما بجيت هلكد
بعد ما اج زوجهه وراحت ويا حسيت اخذت روحي وياهه انهاريت بلبواجي
بقت ماما وخالاتي يواسني الا ان كالو اجت الزفه
هنا أني لزمتني الرجفه اول مره اواجه خوف لوحدي جانت ريحانه هيه الي تقويني
عدلو مكياجي بسرعه ذبو عليه البركع وخلو الكبوس يجي ويه البدله
كتلهم يمعودين بعد وكت شكو مخلين الكبوس
جان تكول وحده لا حته متشوفيه ههههه
أني حسيت اكو شي غلط ليش ميردوني اشوفه
المهم اج العريس حته ماسمعت صوته بس صوت واحد. ويا يكوله
يلله عمران لا تكعد طلعه وتعال
صدك حسيت ايد انمدت عليه وكفت ومشيت كولشي ما اشوف
صعدوني بلسياره واسمع واحد صعد وياي
بس شنو مبتعد عني
بعد نص ساعه كالو وصلنه
وكفت السياره نفتح بابي ومد ايده عمران نزلني
شويه وكفني ذبحو جو رجلي دجاجه ودخلت
وحده كالت كبل عمران للغرفه دخلهه
واحد صوته مدري شلونه خشن وعبالك صوت خبل
كلهه أي أي
دخلني ورئسن طلع
اجت ماما رفعت الكبوس والبركع عني توني تنفست
يمه مختنكه واهفي بأيدي
اشوف ماما وجهه مو طبيعي مثل المصدومه ومبتعده عني
اشرتلهه ماما شبيج
لا مابيه شي بس بالي ويه ريحانه
الله كريم الله وياهه
سكتت واني اشوف الغرفه شحاله قديمه أم التاج
والفراش حصير ومداد من هاي الملونه تخزي
بس مروحه بيهه
انفتح الباب واشوف البيت ترابه وكل غرفه بمكان
شويه صاحو راح يجي السيد يعقد
سدو الباب وكعدوني بصف الباب وطشت جو رجلي حجه السيد
بعده كلت نعم وانت وكيلي بس الشي الي مستغربته السيد كلي
