فقط اردت اهتمام

بارت ٤

الكاتبة زيليش 🌟
🌛🌜🌜🌛🌜🌛🌜🌛🌜🌛🌜🌛🌜🌛

بعد مرور ٥ اشهر

انتقلنا لبيتنه بعد تعب وخوف بهذاك البيت حتى ماما من تعرفت ع جوارين كل وحده تكللها شكل مرة يكللها صاله سنين محد داخلة والبيت الينترك يدخل بيه الجن وشياطين وناس تكول هذا نفس. اهل البيت بيه لان جان بيت وارثه وبايعيه بضلم يعني مامقسمين حصص بنصاف وباقية نفسهم بيه كل واحد يحجي شكل اني واخواتي شبعنه خوف وحيل صغار حتى كمت اني واختي مريم من ندخل حمام وحده تنتضر بره يم باب الحمام وتبقه تسولف ويه ثانية
حتى لاتخاف وتلتهي

خلال هاي الاشهر من رجعنه لبيتنه اخوية قرروا يخطبولة رشا لان ثرية قنعتهم وحتى سامر مقتنع بيها مبين عاجبته بس هو سكوتي من نوع مايبين عليه

اختي ثرية صالها ٥ اشهر مزوجه حامل ٤ اشهر وبعد زايده غرور وتكبر ونوب نفاق نهار كلة معارك ويه  حمواتها وعمتها ونسوان حماها حتى امي كلتلها يمه صلوات بعدج ٥ اشهر شوية تهدي عيب عليج بس هي ولا عبالك

بس رجلها ميت بيها وهي مامعبرته من تجينة تبقة ٥ ايام واكثر وتلعب بينه طوبة لان تتنسة وكالبة دنيا مخلصتها شروط واني واكعة  بيه كل شوية وكالوا يسر روحي جيبي من دكان عصير رمان جيبي لمندوزي جيبي جبس حامض مادري تتنسه لو سوي تشريب جبس بطنها مبين جاهل ابو بطن لا ونوب المصيبه الجبيرة تنست تربة ونهار كله تكرط ترب

بنص رابع من حملها سولها سونر طلعت حامل بنوتة وهي كلبت دنيا خرب حضي وامداني ومنين ماجيبها عوجه وامي وياها تكلها يمه مثل حض امج اعوج بقيت هيج صافنة 😨

عود لان مخلفة ٨ بنات وبس ٥ ولد ضايجه تريد الولد

اكثر رب العالمين احتار ويانه شنو ينطينه ماعجبنهة ومعترضين علية انطانه ولد كلنه ليش بس ولد انطانه بنات كلنه ليش بس بنات مانطانه طفل كمنه نبجي وندعي واذا انطانه الاثنين هم ماعجبنه نريد كون الولد اكثر من البنات والله زين ومكلبها بينه ع كلشي ينطي النه ويرزقنه بيه معترضين وماعجبنه الغني يكول مشايف راحه وتعيس وحزين الفقير يبجي بوجه الله ليل ونهار  يكول  ماعندي ماعندي بس اكو ناس والله لكمه حصرة عليها وتشكر ربها وتحمده تدرون على شنو يحمدون الله يحمدوه ع نعمه النضر الي اكو ناس ماعدها ع نعمه النطق و المشي والعافية الي اكو ناس بس تتمنى تسمع بيها  الانسان لازم يشكر ربه ع الاضافر الي باصبع رجله الصغير لان هذاالاضفر اذا شوية تأذه او نشال جزاء منه نبقة نتألم ونتوجع وهو اضفر رقيق وناعم بس اله تأثير وفايده هاي مو نعمة ليش دائما نشوف الشيء الي ماعدنه ونبقة نبجي ونشكي ليش منباوع ع شغلات الي الله رازقنة بيها عن بعض البشر 

ذكرت عندي صديقه بالمدرسة بس هي الاهلها وعندها اخ جبير مزوج  تتمنى تصير عدها اخت حتى تلعب وياها بس امها مريضة بعد ماتخلف  وجانت كل مرة تكول شكد حلو اخواتج ثلاثة وياج بالمدرسة يحمنج يخافن عليج يقرنج هنيالج وحتى تكلي تعالي صيري اختي مو امج عدها هواي