كرونيك:🔥جسد_انثى_في_معسكر_الرجال🔥

🔥البداية🔥

#جسد_أنثى_في_معسكر_الرجال
اربطوووو الاحزمة......#انطلاااااااااااااااااااااق
.......
.................طالعة فوق التلة نرعى في شياهي ونشووف...الدنيا تملات غبار.....اااه واش هدا الغبار كامل السما رجعت مضببة....تخلعت واش قامت القيامة....بديت نثبت ونشووف حتى وين تلاشى الغبار واش هد الطونوبيلات والكماين كامل الطريق مليانة......
ميكونو غير العسكر....راح يروحو للكزيرنة ....لي كانو يبنيو فيها
....واخيرا راح يكون العسكر قريب لينا ....للحمد لله .....نشالله يقتلو الارهاب كامل لي في الجبل ...ميخليو حتى حلووف .
...رحت نجري للدار ونعيط يمااااا يماااا يماااااا
وصلت عندها ننهج اه اه اه ونتنفس بصعوبة
خير هسسسسس اعقونة يعطيك العما تحوسي تفضحينا.....
....انا ننهج... اااااه مفقتش ااااااه العسكر جاي
.....
خيرة خير وينهم
انا....الطريق....تملات بيهم ....الحمد لله ......
ياربي
خيرة اه الحمد لله ربي ينصر الحق ويكون في عونهم على الظالمين...
.....فجأة نسمعو صوت خالتي زهور...تعيط...خيرة يااااااخيرة هابنتي..وينك.
يما... خالتي زهوور ادخلي على سلامتك
دخلت خالتي زهور بعكازتها....وظهرها للمنحني ...اووووه سمعتو لخبار
خيرة ..خير نشالله اخالتي
زهور . العسكر ....جاووو وقالك راح يصفيو الجبل من الارهاب....
خيرة اييه الحمد لله ....خلي الامان يرجع للدوار ...بزاف متضلمنا .....
....انا ......صااااح يعني ايما نقدر نرجع لحياتي ...ونعيش كيما لبنات ....اكل نزوج ونجيب لولاد....والله قريب ننسى بلي انا طفلة....
خيرة.....هسسسسس بلعي فمك هد الهدرة منزيدش نسمعها فهمتي...
زهور اصبري ابنتي راكي تعرفي لبنات لي هنا في الدوار كامل مرمدوهم الارهاب اغتاصبوهم وخطفوهم للجبل ...ونتي لوكان ما امك قالت عليك طفل وزادت ...قالت بلي نتي عقونة والله ميطلقوك....
احمدي ربي راكي طفل تالي راهم شبعو فيك الارهاب وراكي بالكببل نتاعهم....
......رحت نجري دخلت للشومبرة....والدموع في عيني معنااة كبيرة عشتها شفت المريا مقابيلي.....
رحت شفت فيها....حطيت يدي على شعري ...تمنيت نكون كي كامل لبنات عندي شعر طويل نمشطو ونتهلي فيه ... شفت لوجهي ...لي ديما موسخ بالفحم...الاسود .وملامحي لي مولاتش تبان ....
.....#في الكازيرنة..
. الصفووف منظمة والكل واقف بنظام تام يحيوو العلم ...في المقدمة نتاعهم الجنرال فهد.
واقف شامخ شموخ الجبال وراس مرفووع ملامحو باردة ونظرة عنييه حادة وقاسية هيبة ووقار كبير .نظرة منو تزعزع الرجال بعد تحية العلم طلع للمنصة...ونظرتو الحادةو الثاقبة على الصفوف .
الجنود اكل مهبطين ريوسهم .
اصلا غير يسمعو صوتو ....الرجفة والخوف يدخل لقلبهم .....
الكل في مكانو....الصفوف منتظمة....والكل يقدملو التحية العسكرية...
...بنظرتو الثاقبة والحادة لي تخوف الرجال
لجنرال... فهد قاسي معندوش الرحمة في قاموسو...عاش حياتو على نظام عسكري ميسمحش ولو بغلط صغير لي يغلط يسلك...
...من صغرو وهوا في الكازيرنة تربى فيها ميعرف لا حنان الام ولا حنان الاب ...ولا دفئ العايلة ....بعد مقدم كلمة افتتاح الثكنة العسكريىة...نزل من المنصة .وهوا يمشي قدام الصفوف بخطوات ثاابتة ...
...وقامتو الشامخة....وبصوتو الرجولي.....
....اسمعووووو اليوم جينا هنا وراح نصفيوو الجبل من الارهاب....لازم يخرجو كي الفراااان نحتاجهم حيين ولا ميتيين ..مفهمووووم ...
المنطقة هادي .......راح تتصفى.....والناس راه يعيشوو بامان....فهمتوووووو
الكل قدمولو التحية العسكرية وبصوت واحد
نعم حضرااااات