#ح5
#ذكرى
فهد ويعني ممكن يفيدنا هد العقوون
صالح والله احضرات انا عطيتك رايي وقدور العقون اكثر واحد يفيدك في هظ للحكاية...
فهد على خيرت الله ...
عند قمر...طول الوقت ونا نخمم..في هد الراجل لي شفتو يبان شخصية..وعندو هيبة عظيمة..راجل ولا كل الرجال يبان قائد صح اااه هكا قلت على العسكر واعرين ويخوفو ...وزعما هدا يكون مزوج...اييه خليوني نحلم يخي الحلم بلاش...درت قصة كبيرة في راصي...حتى داني النوم ورقدت
عند فهد هاز الدخان ويتكيف.....وحاط يدو على ركبتوو.
ويخمم في استراتجية .. باه يخرج الارهاب من اوكارهم....
..فهد..اووووف زعما هد العقوون راح يفيدنا اووااه غدوا منخليش الكتيبة تروح وحدها لازم نتحمل المسوولية ونقود الكتيبة...
اصبحنا واصبح الملك لله
...فاقت قمر على الصبااح وراحت للكوزينة..
صباح الخير يما...
خيرة صباح الخير ابنتي هيا تفطري
انا اه مسمن امممم والله يواتي هد البرد البارح فليل قتلني البرد...لازم نروح نجيب الحطب...
هنا نشيخوو ونسمغوو الباب يدق..
.خيرة اه شكون
انا اولييي خلي نلبس قشابيتي..
خيرة لالا نحل الباب راحت خيرة تحل الباب...وتشوف عساكر...قدام الباب...ومعاهم عمي صالح
خيرة اووووه خير نشالله ...
صالح صباح الخيرة
خيرة اووه واش هظ العساكر
ثالح يحوسو على قدور
خيرة ضربت على صدرها.....اوووووه علاش يما واش عمل ولدي طول عمرو جنب الحيط...
صالح الاالا خير نشالله يحتاجوه يروح للكازيرنة
خيرة خلعت اه ولدي يخدم عسكرية راهو عقون وزيد وحيد...
....الجندي لالا اخالتي نحتاجوه يعاونا ويورينا الجبل
خيرة اه اه
صالح متخافيش ينعتلهم الجبل برك هدا مكان
خيرة اووه خلعتوني في قلبها تهدر اشومي لا تتفضح بنتي ويعرفو سرها ربي يستر لازم نوصيها
دخلت خيرة عند قمر لقاتها تلبس قشها...
خير ياااووو اقدور اولدي
انا واش بيط تعيطي
خيرة هسيييي اسكتي راهم يسمعوك....
انا شكوون
خيرة العسكر.
انا اوووه ياربي واش بغاووو ....
خيرة بغاوك توريلهم الجبل كيعاد تعرفيه اسمعي ابنتي عندك يشكو فيك....ويكشفوو سرك...
انا متخمييش اما ربي يسهل لبست مليح ودارت شاشية على راسي وخرجت ليهم
صالح هيا اولدي ...روح معاهم
ركبت معاهم في الطونوبيل ...واااوو اول مرة نركب مع عسكر يووه هديك الطونوبيل بديت نشوف فيهم ونكيل ونشوف لسلاحهم ولبستم والله عجبتني بزااف...
وصلنا للكازيرنة حلولنا الباب ودخلنا ...هبطت من الطونوبيل...ونبدا نشووف فيها اه واش كبيرة صوور كبير وساحة اكبر نهز راسي ونشوف بنايات كبااار وااااي واش كبيرة القازيرنة...كنت نشوفها من التلة بصح متبانش كبيرة هك
الجندي هااا العقوون مالك تايه تبعنا لداخل...
أنت تقرأ
كرونيك:🔥جسد_انثى_في_معسكر_الرجال🔥
Misteri / Thrillerاهلا حبيباتي جبتلكم كرونيك راهي طويلة بصح شابة بزاااااااف. 💥💥 😍🤩😘😍🤩😘😍🤩😘😍🤩😘😍🤩😘😍 جيتكم بالكرونيك القنبلة💣💣لي راح تفجر احاسيسكم خوف🔪🔪🔪 رعد قتل 🔫🔫وحب💓💓 وبزاااف من المغامرات ....لي راح تحبسلكم انفاسكم....وتخليكم تسافرو بخيالكم...
