#ذكرى
#خ14
#جسد_انثى....
....قعدت عند الباب نشووف وماني فاهمة والوو خايفة ومتوترة ومعلاباليش كي يشوفوني بهد اللبسة راح يفيقولي ولالالا بغيت غير نتخبى ولا نروح لدارنا...وفي نفس الوقت نخمم في يما..
بعد شويا نشووف الجندي نتاع قبيل..من بعيد جاي عندي ويخزر فيا...انا خفت نظرتو وترتني....حسيت بالخلعة اه زعما يكون فاقلي...
الجندي من بعيد يضحك....ههههه اه العقوون خرجت عليك البدلة تبان جندي صح...ههههه اه بصح تقول عريضة....
انا اووف مزيا مفاقليش حركت راسي بمعني لالا
الجندي هيا ضركا لازم تبع المجموعة نتاعك راح تبدا معاهم من ضرك
انا اااا
الجندي هادوو اوامر الجنرال ...
بديت نمشي والضباط ثقيل وما هديك السانورة ثقيلة نحس روحي عيت نمشي
الجندي لاحظ العقون عيا يمشي اه شويا وتوالف بالصباط هكا صرات للجنود الجدد
انا تبسمتلوو ...
الجندي اه بصح نتا قصير التدريبات راح تصعب عليك بزااف لازم تتحمل
.وضلنا للساحة...
الجندي داني عند مدرب الفصيلة وقف قدامو وحياه التحية العسكرية
انا قعدت غير نشووف خزر فيا الضابط
واش نتا مدير التحية...
انا مفهمتش
الجندي هدا جديد راهو مواطن ةزيد عقوون
الضابط اه هدا للعقوون راهم قالولي عليهم معليش تقدر تنثرف انا تهلى فيه..
راح الجندي ونا قاعدة غير نشووف وهداك الضابط يطلع ويهبط فيا ..
اممم اولا...لازم تتعلم التحية العسكرية ياك تسمع وتفهم مليح.
انا حركت راسي....اييه
الضابط اووقف مستقيم اعدل وقفتك ضهرك ردو للور..
انا درت واش قالي..
الضابط رفع يدوو عند راسوو وحرك رجلوو
الضابط هادي..هيا التحية العسكرية...
هيا عاودها كيما انا
انا بديت نرفع يدي وندير كيما هوا..
الضابط هيا استعد استرح...
استعد استرح..
انا بديت نحرك رجلي..الصباط تقيل حييت رجليا فشلووو ويديا بدااووو يوجعووو
...قريب نص ساعة وانا هكاك..خلاص مقدرتش عيت نكمل حتى حبست...
للضابط كمل واش بيك..هظا تدريب الساهل عيتلوو هيا..كمل..
انا عيت فشلت صح..مقدرتش...
الضابط خزر فيا ويبان واعر صح انا خفتوو وكملت ...بعد شوية وصلت الربعة ونص ونسمع صونات ....الضابط.
انظم للفصيلة نتاعك
انا رحت مشيت متعوج ووقفت وراهم في الصف ...
تلمينا كامل في الساحة...وبزااف الجنود مش غير نتاع فصيلتي ودرنا تحية العلم ...
..هوما يحيوو ونا نحسب فيهم الفصيلة نتاعي فيها 30واحد مهمش طوال بزااف ...
....كملنا التحية ومشاو في صف واحد
حتى نسمع للضابط.يعيطلي
انا رجت عندوو ...
الضابط.....هاوو ليك الجندي سامي..معاك في المرقد واحد يفهمك في نظام الكازيرنة
غدوا منحاج حتى خطئ..فقط هيا انصراف
انا مشيت مع سامي ..
وتبعتوو دخلنا للمراقد نتاعنا...
.غير وصلت قدام باب الغرفة ونشوف فيهم يضحكوو وينحيوو صبابطم ..اول مادخلت للغرفة واااع هديك الريحة.. .
فايحة تقتل..
قعدت نشوف عندهم ينحيو قشهم حكمتني الرعدة.....
وحسيت صح بالخلعة...اول مرة راح نرقد مع رجال...في دار وحدة...
اه يا يما طلي عليا ونتي لي طول عمرك توصي فيا ..نعي روحي من الرجال.
أنت تقرأ
كرونيك:🔥جسد_انثى_في_معسكر_الرجال🔥
Mystery / Thrillerاهلا حبيباتي جبتلكم كرونيك راهي طويلة بصح شابة بزاااااااف. 💥💥 😍🤩😘😍🤩😘😍🤩😘😍🤩😘😍🤩😘😍 جيتكم بالكرونيك القنبلة💣💣لي راح تفجر احاسيسكم خوف🔪🔪🔪 رعد قتل 🔫🔫وحب💓💓 وبزاااف من المغامرات ....لي راح تحبسلكم انفاسكم....وتخليكم تسافرو بخيالكم...
