#ذكرى
#ح16
#جسد_انثى......
.....انا تبسمت لسامي...ضربني سامي على كاتفي...اييه وجد روحك اصحبي...ههههه....وغمزني وراح...
انا قعدت مكمشة في بلاصتي غطيت الكوات على رجليا وقعدت نشووف عندهم ونتبسم...
ونسمع كلامهم يا ربي غير كلمة ز**في فمهم ههههه يحبو الا التطياح الهدرة....يهدرو بيها عادي تلقا مزوج كلمات نورمال وثلاث طياحة هدرة....قلة ادب في قلة ادب وبدااوو يحكيوو على صحباتهم ....والبنات واااووو هداك العيب...والعجب العجاااب قعدت غير نسمع كلامهم ونتبطش وذنيا...
حتى حسيت بالتعب والنعاس ومحبيتش نرقد خفت لاواحد فيهم يكون فاقلي...وكشما يديرلي العيب....
اولييييي راني خايفة....
شاف ليا سامي....ارقد اصحبي...غدوا راه تعاب كبير جايك...
انا دخلت تحت الكوات...وغطيت على راسي كمشت رجليا عندي وقلبي يخبط وبديت نقىرا في المعوذات حتى رقدت.من التعب مفقتش انا وين .
اصبحنا واصبح للمك لله
....فقت الصباح على واحد يضرب فيا على كتفي
انا تخطفت...وبلقت عنيا ونقزت من بلاصتي...
راح نعيط ونشوف سامي
سامي بسم الله الرحمن الرحيم واش بيك اصاحبي......
شهد واستغفر
انا حركت راسي...ااااه
اومبعد...نضت وعدلت روحي
لقيتهم يابسوو قشهم
..انا حكمتني البولة...
مقدرتش نثبر....
هزيت الورقة وكتبت لسامي وين الطولات
سامي راهي في اول الكولوار...باباها زرق...
لبست صباطي ودرت كاسكيطة......وخرجت
اول مدخلت لطوالات خلعت كاين بزااف لي يستناوو تما غير شفتهم خلعت...وشفت خرين يبولو في الطولات هديك نتاع الرجال لي مافيهاش الباب
واااي غمضو عنيا وخلعت...وزييد الرواايح يديروو الدوخة حسيت الدنيا دارت بيا ...
بقيت شويا...نستني حتى دخلت اول مدخلت...حطيت البدلت على خشمي هادي روااايح ولا غازات سامة ايييي غزات مسيلة للدمووع...
بلت بزربة وطلعت سروالي ربطتو بالتريكو باش ما يطيحش.....خرجت ونا قلبي قريب نتقيا...
وصلت للغرفة...
سامي هههه فكيت حوالك...
انا حشمت وهبطت راسي...
...
خرجنا من الغرف وهبطنا للساحة.
تلمينا في مجموعة نتاعنا وجاء الضابط لي يدربنا...الكل قدملو التحية...
ونا تاني معاهم
وبدينا
المدرب الي االيميين دور خلف دور...
....انا نشوف فيهم وندير كيفهم...حتى تعبت مزيا جيت في اخر الصف وقدامي واحد طويل منابانش مليح....
غير قالنا استرخ انا بديت ننهج ....
قلبي قريب يخرج وهوا يقولنا نجريوو واااي حسيت روحي راح نمووت هدووغير التسخينات ملا التدريبات كيفاش دايرة
أنت تقرأ
كرونيك:🔥جسد_انثى_في_معسكر_الرجال🔥
Mystery / Thrillerاهلا حبيباتي جبتلكم كرونيك راهي طويلة بصح شابة بزاااااااف. 💥💥 😍🤩😘😍🤩😘😍🤩😘😍🤩😘😍🤩😘😍 جيتكم بالكرونيك القنبلة💣💣لي راح تفجر احاسيسكم خوف🔪🔪🔪 رعد قتل 🔫🔫وحب💓💓 وبزاااف من المغامرات ....لي راح تحبسلكم انفاسكم....وتخليكم تسافرو بخيالكم...
