#ذكرى
#Dikra awras
#جسد_انثى...
قعدنا في الكاريطة..نعسو حتى داني النووم...
اصبحنا واصبح الملك لله...
مفقت الصباح غير بيد سامي تنوض فيا
انا تفزعت وقمت بسرعة....
سامي هههه كل ما نوضك تقووم مفزوع هكا هههه منيش ارهابي ....هيا راهي الخمسة لازم نلتاحقو بالفصيلة ...هبطت انا وياه...ورحنا كي العادة..اه اليوم راح يكون شاق عليا ارتحت قريب اسبووع واليوم رجعت للعذاب...اوووف...
بدينا نجريوو ورذاذ المطر يهبط علينا...
فهد كان في البيرو نتاعوو ....طل على الطاقة وشاف الجنود يجريوو فجأة تفكر العقوون ...
فهد هههه والله نسيتها نساوني اشغالي فيها...جاب المنظار وبدا يراقب فيها وهيا تجري...
فهد هههه طفلة غريبة...ومصدقة انها طفل صح...اووه اصبري عليا ...
وفجاة ندا من الباب جندي...
دخل عليه الجندي ورفع يدو حياه حاظر سيدي..
فهد روح للفصيلة الخدمة الوطنية...وامر العقوون لي ثما يروح ينظف جناح القيادة...
الجندي حاضر سيدي...
.. غير خرجنا من المطعم طبعا بعد ما فطرنا....
جاني جندي
الجندي وينهو الجندي العقوون
...انا تلبكت خير نشالله...
الجندو اشارو بيدهم ليا
الجندي ارواخ معايا راك مكلف بتنظيف جناح القيادة..
الجنود استغربوو اه ولا واحد دخل من قبل لجناح القيادة....وعلاه طلبو من العقون بالضبط...
...انا قدمتلو التحية العسكرية...وتبعتوو...
دخلنا لمبنى وااووو راقي ويهبل صعدنا في المصعد لاخر طابق ولقينا زوج جنود...حيناهم
الجندي هاوو الجندي لي راح ينظف غرفة الجنرال
انا تعجبت اه الجنرال....
وعلاش انا بالضبط...علاه ديما الجنرال يحاول يستفزني...يخي انا كنت معاه في الغابة ووريتلو الطريق...وانقذت حياتو من الارهاب علاش يعاملني هكا...اصلا انا منيش من جنودو...
الجندي تبعني للغرفة
انا تبعتوو...ودخلت للغرفة...
...وااووو حليت فمي...غرفة لونها...اخضر عسكرى والااثاث لونو اسود...غرفة تبان معتمة...وغريبة... وقفت في النص وبديت نتامل الغرفة...وندور فيها....
اووف لازم نبدا نظف...رحت للسرير هزيت الحاف ونفضتوو ورتبتوو مليح...بديت نمسح الغبرة...
....ورتبت الخزانة معلاباليش علاه كنت فرحانة بزااف...ونا داخل غرفتوو...احساس غريب...ونا نشوف كل قطعة من ملابسوو...والعطر نتاعووو....امممم رشيت منو شوايا...
ونتخطف على صوتو الرجولي القوي...الحوايج لي خاطينك علاه تمسهم قوول انا من الرهبة والخلعة تزقتلي قرعة العطر.وطاحة في الارض وتكسرة
انا شهقت ااااااا
منحس غير بيه يقرب عندي...ونا من الخووف تجمدت ها يقرب ونا نرجع بخطواتي للوراء....ونبلع ريقي...عيت نتنفس من الخووف...فجاة نتخبط في باب الخزانة....وهوا يقرب عندي....
فهد حط يدو على رقبتي...وبدا يزير ونظرت عنيه تخووف خسيتو وكانوو اسد راح ينقض عليا...
فهد....راك في غرفة الجنرال...فهمت كيفاش تتجرا اه
انا بلعت ريقي وخزرت فيه وكاني نترجاه بعنيا...
فهد كل مرة تغلط ونا نسامحك...بصح....اليوم...راح نوريلك الخووف على اصولوو...
نحى يدو من رقبتي وحكمني من ذراعي وكركرني وعيط
جندي
الجندي وقف عند الباب حاضر سيدي
الجنرال ارميوه في غرفة التعذيب هد الكلب باه يتربى..
انا غير سمعت غرفة التغذيب ورجليا رجفوو قلبي راح يخرج من صدري من الخووف....حسيت الخوف شللني...
فهد في قلبوو هههه حبيتي ترجعي راجل خلينا نشوفو مدى قوتك..
كركرني الجندي من ذراعي كان اقوي مني طويل وعريض طلعنا في المصعد ونزلنا...خرجنا من مبني القيادة وتمشينا شوية وهوا يكركر فيا ونا رجليا خلاص فشلوو...
دخلنا لمبني اخر...
الجندي هدر مع الجندي الاخر هاووو هدا خطوه في غرفة.التعذيب...
انا...حبيت نعيط نقوول راني طفلة بصح خفت لايقتلوني....
كركرني الجندي الاخر...
...وهبطنا في السلم للطابق الارضي...كانت كولوار معتم...وبارد...
....حل الباب وطيشني لداخل...
انا غير دخلت ....ونسمع صوت قاويي اااااااااااا.
أنت تقرأ
كرونيك:🔥جسد_انثى_في_معسكر_الرجال🔥
Misterio / Suspensoاهلا حبيباتي جبتلكم كرونيك راهي طويلة بصح شابة بزاااااااف. 💥💥 😍🤩😘😍🤩😘😍🤩😘😍🤩😘😍🤩😘😍 جيتكم بالكرونيك القنبلة💣💣لي راح تفجر احاسيسكم خوف🔪🔪🔪 رعد قتل 🔫🔫وحب💓💓 وبزاااف من المغامرات ....لي راح تحبسلكم انفاسكم....وتخليكم تسافرو بخيالكم...
