كرونيك:🔥جسد_انثى_في_معسكر_الرجال🔥

🔥الحلقة 47🔥

#ح47

#ذكرى
#جسد_انثى
..بقيت جامد في بلاصتي وسارح في جمالها وكانها ملاك طل عيا اول مرة نحس روحي مكتف...اول مرة نحس بشعوور غريب ماحسيت لابالمكان لابالزمان..مركز فقط عليها..
انا شفتوو يشووف عندي هكاك...تلبكت وخفت بزااف خاصة انوو محبطش عنيه عليا ...قعدت نلض على علبة اللاسعافات ونستنى واش راح يدير نستنى كف منوو
فهد عيت نهدر محسيت غير بروحي نمشي قدامها...وكانو رجليا مشاووو تلقائيا ليها مغناطيس مفقت بروحي غير ونا قدامها وعيني في عينها....عنيها لماعة فيهم لمعة خاصة ههههه اول مرة نشووف في عنين طفلة هك كل لي كان يهمني اجسامهم وجمالهم ..
...انا هبطت راسي وليت نرعش بصح جات عيني علة يدوو وهيا حمرة بالدم...
بدوون وعي مديت يدي وحكمت يدوو
فهد اول محسيت بيدها حكمتني فقت من سهوتي وشرودي...
بلا منحس جبدت يدي بقوة منها ودزيتها....طاحت في الارض
انا كانت قوتوو كبيرة محسيت غير بروحي ونا في الارض اييييي حطيت يدي على الزجاج المتناثر وخبشني
فهد شكوون قالك مسيني اه انا قلت
انا حركت راسي وحاولت نوض ويدي توجع حسيت وكانو الزجاج دخل فيها....
نضت ونا ضامة يدي
وخرجت....
فهد شكوون سمحلك تخرجي اااه قولي ...
انا جنزال نتا محبيتش تشووف وجهي
ولا عندك انفصام شخصية مرا تقولي اقعدي مرا روحي
مجيت نكمل كلامي حتى حسيت بيدوو في فكي ولض عليا .ااااااااي
انا توجعت وحبيت نحيلوو يدوووو
فهد شكوون نتي باه ترفعي صوتك عليا اه شكوون نتي قوليييي توقفي وتتحدايني اه والله نمحيك من على الارض...
انا ايييي يديييي
فهد من القلقة نتاعي مشفتش يدها مليانة دم....اول ما شفتها بعد عليها بسرعة
اه واش بيها يدك
انا والووو
فهد نهدر مع امك واش بيها يدك
انا...تجرحت شويا عادي...
فهد خلاص اخرجي ضرك وعقمي جرحك.
... انا ونتا
فهد ميهمكش فياا روحي
انا خرجت بسرعة خير مايزيد يتقلق
فهد اوووه واش بياا علاه ندير هكا علاه نتصرف هكا....
هبطت بسرعة للمشفى اول ما شغتني ماري
ماري اه واش صراالك..
انا تجرحت
جرات ماري ليا وداوتني
ماري هيا للغرفة واحكيلي على كلش
قعدت وبديت نحكي لماري ونور
نور اه ربي يكسر يدووو الطحاان يحقر النسا
انا هوا عصبي هكاك
نور هههه تدافعي علييه واش واقيلا عجبك
انا هههه كلبة واش تقولي
بداوو يحكيوو ويضحكوو .ونا سارحة بخيالي في فهد ونظرتوو ليا حسيت احسااي غريب ...
اصبحنا واصبح الملك لله
اليوم عندي شهر ونصف وتعلمت كلشي على التمىرييض ..
الطبيب ممرضات اتلمووو ...
راح يجي االضابط..
حنا بدينا نتوشوشوو واش كاين....علاش لمونا
تلمينا في الصف وجاء الضابط
الضابط بعد شهر راح تكون عندنا مهمة صعيبة بزااف راح تكون عملية كبيرة للقضاء على الارهاب....
ونحتاجوو زوج ممرصات معانا يروحو للجبل...
ولازم قبل ما يروحو معانا يتدربوو مليح ويتعلمو. كيفاه يحملوو السلاح ...
حنا بدينا نشوفو لبعضانا ونتوشوشوو...
الضابط هيا شكوون لي ترووح
حنا كامل سكتنا
الضابط ههه خفتووو واش بيكم راكم هنا لخدمة الوطن ...والله خسارة عليكم...
انا...قلت في قلبي يخي انا متدربة ونقدر نعاونهم...
انا رفعت يدي ....
الضابط اه واش اسمك
انا قمرة بن صالخ
الضابط الله يبارك...شوفو زميلتكم لازم تكوون قدوة ليكم هيا ...هيا شكوون المتطوعة ولا نديرو قرعة
وحدة ما رفعت صبعها ....
الضابط ههههن ضركا القرعة
...دار الضابط القرعة وخرجت ماري معايا...
ماري اه انا لالا مستحييل انا نهز سلاح نخااف
الضابط بالعياط ممرضة ادا مكيش حابة تروحي معانا اكتبي استقالتك فهمتي
ماري اه مقلت والووو نرووخ معاكم
الضابط وجدو رواحكم ..
غدوا تبدااوو التدريب...
رحنا للغرف نتاعنا وماري تبكي اه محبيتش نمووت نخااف السلاح اه ياربي
انا ههههن ملا واش تقولي لي شفتو انا اييه متخافيش راكي معايا انا نعاونك
ماري صااااح اقمرة تعاونيني
انا ايييه
اصبحنا واصبح الملك لله.
فقت الصباح انا وماري لبسنا قشنا الرياضي وماري من الصباح وهيا تندب
رحنا للمشفى
الدكتور روحو للساحة تلقاوو المدرب في انتضاركم....
خرجنا انا وماري وكل الانظار علينا
اول ما وصلنا...شفنا المدرب
واااوووو زين يهبل
قرصتني ماري....ووشوشتني اه لعاد هد الزين نتدرب ونزييد..ههه
المدرب اهلا لبنات راكم جاهزيين
انا اكييد....
المدرب معاكم الضابط خالد...
نتعرف عليكم
انا قمرة
وماري ذبلت ثوتها انا ماري
خالد هيا تبعوني واجريوو ورايا راح نبداوو التسخينات
عند فهد كان في البيرو نتاعوو
...ناض وطل على الطاقة ويشووف زوج بنات يجريوو في الساحة
فهد اه اختاروو الممرضات جبد لا جيمال نتاعوو وشاف فيها ...تقربتلوو الصورة اه قمرة اااااه واش هد اللباس لي لبساتو. .....حط لاجيمال نتاعوو وخرج من المكتب متجه للساحة
.