#خ53
#ذكرى
#جسد_انثى
......خالد اه انسة قمرة....راكي لباس
انا اييه الحمد لله
خالد شاف لماري ونتي ماري
ماري تبسمت وحمارت لباس...
خالد الصراحة الجنرال زودها بزااف وكان قاسي معاكم ولوكان نكملو التدريبات هنا راح يسودلكم ايامكم وراح تشوفو منوو العذاب ومام انا منقدرش نتدخل ...
....على جال هظا اقترحت على الرائد رابح نروحو للعاصمة نتدربوو لهيه وهوا عطاني الاذن وجدو رواحكم من غدوة راح نروحوو
ههههه ومنها نهربوو من الجنرال وغمز ههههه هيا لبنات اتهلاوو في رواحكم ..وخرج ..
ماري تبسمت امممم باين الضابط خالد حنين اوووه على الاقل نتهناوو من الوحش
انا اييييه
ماري هيا نوضي نروحو للغرفة نوجدوو حوايجنا ....
....رحنا للغرفة...وماري فرحانة ...هبطت لافاليز نتاعها وبدات تحط قش
انا هههه لي يشوفك يقول راح نروحو للعرس
ماري المهم انا نحط القش كامل بلاك كشما نلقا معجب في العاصمة ونخرج من هد الكازيرنة نتاع الهم ومن هد الدوار لي فيه غير الشجر والحجر ....
....عند فهد....قاعد في البيرو نتاعوو ويطل على الطاقة....وسارح بخيالوو في قمرة...ويتفكر كيفاه تقلق عليها لما داخت وكي حكم يديها ملامحها وبرائتها وريحتها خزرتها وعنادها .....
اصبحنا واصبح الملك لله
فاقت ماري وقمرة الصباح وهوما في اتم استعدادهم وماري ملي ناضت مفارقتش المريا وهيا تتمكيج وتخير واش تلبس
قمرة اوووه ماري زودتيها تباني رايحة للعرس...رايحين نتدربوو مش نحوسووو
..ماري مهمنيش المهم لازم نكوون بكل جمالي واناقتي...
...كملنا من البس وهزينا حوايجنا ودعنا نور وخرجنا
نور اه راح نتوحشكم بزااف
قمرة ونا تاني ...
خرجنا للساحة بليفاليز نتاعنا نكركروو فيهم ولقينا جندي يستنى فينا
الجندي الضابط خالد يستنى فيكم اتفضلو معايا
تبعناه ورحنا معاه طلعنا في المصعد للسطح...ولقينا خالد يستنى فينا
وصوت الهليكوبتر قاويي والريح نتاعها تاني قاوووي
خالد هيا لبناات
ركبنا معاه وطارت بينا للهليكوبتر وعلات في السماء ونا نشووف لتحت ونتفرج في الدوار والجبل وشغت دارنا من بعيد اووووه سبحاان الله تبدلت حياتي ...بزااف
محسيت غير بيد ماري حاكمة فياا شفت عندها ولقيتها مغمضة عنيها وخايفة ...
انا اووه ماري مزالك خايفة ....
بعد ساعة وصلنا للعاصمة ونا غير نتفرج ونشووف الثلووج مغطية لجبال ....
عند فهد كان في البيرو نتاعوو يطل على الساحة يستنى يشووف قمرة تتدرب عيا يستنا والووو تقلق وعيط في التليفوون للمشفى
الوووو اه واش تقول سافرت شكون عطاهم الامر يسافروو...
الطبيب الرائد رابح هوا لي امر بهد الشئ
كوبا فهد وخرج من بيروه وهوا مقلق وصل للبيرو نتاع رابح
الجندي قدملو ااتحية العسكرية اتفضل جنرال
دخل فهد وقدم التحية لرابح
فاهد حضرات
رابح اه جنرال اتفضل ....
فهد رائد صحيح انو الممرضات سافروو للعاصمة علاش ميكملوش تدريبهم هنا
رابح اه العاصمة احسن فيها امكانيات احسن من هنا ....
فهد لكن جنرال ....لازم يكونو تحت اشرافنا....
رابح انا قررت ولازم تحترم قراري
فهد قدملو التحية العسكرية حاضر حضىرات اسمحلي نروح...
خرج فهد وهوا يهدر في قلبوو اه يا سي رابح نعرف لي انتا خايف على بنتك وتحب تبعدها منا.
أنت تقرأ
كرونيك:🔥جسد_انثى_في_معسكر_الرجال🔥
Mistero / Thrillerاهلا حبيباتي جبتلكم كرونيك راهي طويلة بصح شابة بزاااااااف. 💥💥 😍🤩😘😍🤩😘😍🤩😘😍🤩😘😍🤩😘😍 جيتكم بالكرونيك القنبلة💣💣لي راح تفجر احاسيسكم خوف🔪🔪🔪 رعد قتل 🔫🔫وحب💓💓 وبزاااف من المغامرات ....لي راح تحبسلكم انفاسكم....وتخليكم تسافرو بخيالكم...
