البارت 16
زهره من بلادي
#طائر بلا تغريد #
ريحانه مرت الايام عليه بتعب وركظ
يوميه الصبح انزل اسوي ريوك ونظف البيت وغسل الملابس وغسل ماعين وعجن واخبز
لحد الساعه 3العصر يجي عقيل نتغده ونصعد
للغرفه تبدي متطلبات عقيل
لازم اسبح وابدل واتمكيج واكون بأجمل طله
وأسويله اغرائات حته يصيرله واهس ويتقربلي
بعده ينام للساعه بلتسعه بليل يكعد يتعشه ويرجع يمارس حقوقه
واني مو مهم طز ان كنت تعبانه او موجوعه او زهكانه
اهم شي ما اقصر بحقه وحق امه
واذا ظحك لازم اظحك شلون اكشر بوجهه
واكون مبتسمه عل طول حته هو نفسيته متتعب
كملت تسع أشهر واني حته مراجعه طبيبه
بيوم اج من الدوام بعد ما تغده وراح نام
اكلك عقيل اريد فلوس
شتسوين بيهه
اريد اروح للدكتوره
خيرج بيج شي
لا بس لازم افحص
اكلج عود من تصير عدج ولاده ناخذج
بس ماعندي ملابس للطفل
عد مرت اخوي ملابس وحظاين عود نجيبهن
لا بربك واني البس ابني ملابس قديمه
لا بس عل مود البخت امي هيج تكول
ميخالف ثوب واحد مو كل ملابسه
هسه الله كريم عود باجر انطي لمي فلوس وخليهه تشتريله
واني
انتي شكو
اريد دشداشتين
ميخالف عود امي تجيبلج
ثاني يوم راحت عمتي للسوك بعد ما شبعتني حجي ورزايل
على ابو مبذره وشكو مشتريه ملابس الج ولبنج
للعصر آجت جايبه وياهه دشداشتين كودري من هذا العادي
وثوبين صغار وحظينتين
وماره عل بيت حماي جايبه منهه ملابس اطفالهه شحالهم قديمات وسخات
لزمتهن غسلتهن غسله زينه بلصابونه خليتهن يخبلن
حته عمتي من شافتهم عباله جدد
مرت الايام وصار يوم ولادتي
بليل نايمه والألم موتني
كعدت عقيل يمعود اكعد راح اموت
ها شبيج
راح اجيب يمعود الحكلي
أي هسه
ركظ العمتي كعدهه وخذوني للمستشفى جان اصعب يوم بحياتي شبعت الم
بعد اربع ساعات جبت ابني علي
كلش فرحت بيه بعده رجعنه للبيت
بيوم الثالث اجت ماما ونبيل
اندك الباب ودخلت ماما ونبيل من شفتهم ماعرف شصار بيه كلش فرحت بقيت حاظنه ماما وابجي
جابتلي وياهه ملابس الي وللطفل
ونطتني فلوس
ونبيل هم انطاني فلوس
سألته عن فرات كالت كلش زينه وجابت ولد
